ເຈົ້າໜ້າທີ່ປະກາດຫາຍາດພີ່ນ້ອງຜູ້ເສຍຊີວິດຈາກອຸປະຕິເຫດຢູ່ໄຟແດງດົງໂດກ

     ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນເວລາປະມານ 2:20 ໂມງ ຂອງວັນທີ 5 ກຸມພານີ້, ຢູ່ 4 ແຍກໄຟແດງດົງໂດກ, ຫລັກ 9, ຖະໜົນໄກສອນ, ໄດ້ມີລົດໃຫຍ່ໝາຍເລກທະບຽນ ກສ 9669 ກຳແພງນະຄອນ ຂັບຂີ່ ໂດຍທ້າວ ສຸລິໄຊ ອາຍຸ 30 ປີ, ພັກເຊົາຢູ່ບ້ານດອນຕິ້ວ ເມືອງໄຊທານີ ທີ່ແລ່ນມາແຕ່ທາງໂພນເຄັງ ມຸ້ງໜ້າໄປທາງດອນໜູນ ເມື່ອມາຮອດຈຸດເກີດເຫດ ໄດ້ໄປຕຳກັບລົດຈັກໝາຍເລກທະບຽນ ຍຈ 3605 ກຳແພງນະຄອນ ທີ່ຂັບຂີ່ມາແຕ່ເສັ້ນທາງ 450 ປີ ເສຍຊີວິດຄາທີ່, ແຕ່ຜູ້ຂັບຂີ່ລົດຈັກຄັນດັ່ງກ່າວແມ່ນບໍ່ໄດ້ຖືເອກະສານຫຍັງຕິດໂຕມານຳເລີຍ ຈຶ່ງບໍ່ສາມາດຮູ້ໄດ້ວ່າຜູ້ ກ່ຽວຊື່ຫຍັງ. ສະນັ້ນ ທາງເຈົ້າໜ້າທີ່ ຈຶ່ງໄດ້ປະກາດຫາຍາດພີ່ນ້ອງຂອງຜູ້ເສຍຊີວິດ, ປັດຈຸບັນສົບຂອງຜູ້ກ່ຽວໄດ້ເກັບໄວ້ຢູ່ໂຮງ ເຢັນໂຮງໝໍມະໂຫສົດ. ສ່ວນຜູ້ຂັບລົດໃຫຍ່ເຈົ້າໜ້າທີ່ໄດ້ກັກຕົວໄວ້ເພື່ອດຳເນີນຄະດີຕາມລະບຽບກົດໝາຍ.