ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ນັບແຕ່ວັນທີ
5-10 ກຸມພາ 2015, ບໍລິ ເວນຄວາມກົດດັນສູງຂອງອາກາດ ໜາວ ຈະມີກຳລັງອ່ອນຫາປານກາງປົກຄຸມຢູ່ທົ່ວທຸກພາກຂອງລາວ,
ສົມທົບກັບກະແສລົມຕາເວັນອອກ-ຕາເວັນອອກສ່ຽງ ເໜືອພັດປົກຄຸມ, ເຮັດໃຫ້ອຸນຫະພູມອາກາດຍັງໜາວເຢັນໃນຕອນກາງຄືນຫາຕອນເຊົ້າ,
ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໝອກໜາປົກຫຸ້ມຢູ່ບາງທ້ອງຖິ່ນ, ໂດຍສະເພາະຢູ່ເຂດພູສູງ,
ເຂດພູພຽງບໍລະເວນ, ປາກຊ່ອງ, ເມືອງທ່າແຕງ ແລະ ເມືອງດາກຈືງ ແລະ ອາກາດຈະໜາວຫລາຍ ພ້ອມມີລົມພັດແຮງເປັນບາງໂອກາດ.
ອຸນຫະພູມໃນລະຫວ່າງວັນທີ 5-6 ກຸມພານີ້, ສະພາບອາກາດໂດຍທົ່ວໄປຈະໜາວ
ເຢັນໃນຕອນກາງຄືນ ຫາ ຕອນເຊົ້າ, ພ້ອມມີໝອກໜາປົກຫຸ້ມຢູ່ບາງທ້ອງຖິ່ນເຂດພາກເໜືອດ້ານຕາເວັນອອກ,
ໄຊສົມບູນ, ພູພຽງບໍລະເວນປາກຊ່ອງ, ທ່າແຕງ ແລະ ເມືອງດາກຈຶງ ແລະ ອາກາດຈະໜາວເຢັນໃນໄລຍະນີ້,
ຈາກນັ້ນ ໃນລະຫວ່າງວັນທີ 7-10 ກຸມ ພານີ້, ອາກາດຈະອຸ່ນ ຂຶ້ນເລັກຫນ້ອຍໃນແຕ່ລະພາກ ແລະ ອາກາດຈະຮ້ອນໃນຕອນກາງເວັນ.
ດັ່ງນັ້ນ ຈຶ່ງເຕືອນໃຫ້ປະຊາຊົນໃນແຕ່ລະເຂດດັ່ງກ່າວ ຈົ່ງມີສະຕິໃນການເອົາໃຈໃສ່ຮັກສາສຸຂະພາບຂອງຕົນໃຫ້ດີ.
No comments:
Post a Comment