ນັບແຕ່ທ້າຍປີ 2014 ເປັນຕົ້ນມາ
ລາຄານ້ຳມັນເຊື້ອໄຟຢູ່ປະເທດເຮົາໄດ້ຖືກປັບໂຕຫຼຸດລົງເປັນລຳດັບຕາມການຫຼຸດລົງຂອງລາຄານ້ຳມັນເຊື້ອໄຟຕະຫຼາດໂລກ ແລະ ມາຮອດທ້າຍ
ເດືອນມັງກອນຜ່ານມານີ້
ລາຄານ້ຳມັນຢູ່ປະເທດເຮົາຄື: ນ້ຳມັນແອດຊັງຢູ່ນະຄອນຫຼວງວຽງຈັນ ຕົກເປັນລີດລະ 8.580
ກີບ ແລະ ກາຊວນ ລິດລະ 7.560
ກີບ, ະນະທີ່ລາຄາຄ່າຂົນສົ່ງທາງບົກລວມໄປເຖິງຄ່າຂົນສົ່ງໂດຍ ສານອື່ນໆ ຍັງບໍ່ມີການເໜັງຕິງ
ວ່າຈະຫຼຸດລົງຄືແນວໃດ ແລະ ສິ່ງນີ້ແມ່ນໃຜຈະເປັນຜູ້ຮັບຜິດຊອບໃນການຈັດຕັ້ງປະຕິບັດບັນຫາດັ່ງກ່າວ.
ຄືດັ່ງທີ່ພວກເຮົາຮັບຮູ້ນຳກັນແລ້ວວ່າ: ນ້ຳມັນເຊື້ອໄຟເປັນປັດໄຈສຳຄັນຕົ້ນຕໍໃຫ້ແກ່ການພັດທະນາເສດຖະກິດ-ສັງ ຄົມຂອງປະເທດ ຖ້າລາຄານ້ຳມັນແພງກໍຈະສົ່ງຜົນກະທົບຕໍ່ສະພາບເສດຖະກິດເຊັນກັນ
ແລະ ຖ້າລາຄານ້ຳມັນມີຄວາມ ໝັ້ນທ່ຽງການພັດທະນາປະເທດກໍຈະມີຄວາມສະງົບ. ແຕ່ໃນນີ້ ສະເພາະຢູ່ປະເທດເຮົາໃນປັດຈຸບັນເຖິງວ່າລາຄານ້ຳມັນໄດ້ຫຼຸດລົງເປັນແຕ່ລະໄລຍະກໍຕາມແຕ່ບັນຫາອື່ນໆ ໂດຍສະເພາະຄ່າຂົນສົ່ງໂດຍສານ, ສະບຽງອາຫານ
ແລະ ອື່ນໆ ກໍຍັງຄົງໂຕຢູ່ບ່ອນເກົ່າຄື: ຄ່າຂົນສົ່ງໂດຍສານທາງໄກ ລະຫວ່າງນະຄອນຫຼວງອອກໄປແຕ່ລະແຂວງລະພາກກໍຍັງເຫັນວ່າບໍ່ມີການປັບໂຕ
ແຕ່ປະການໃດ
ຕົວ ຢ່າງຄື: ຄ່າໂດຍສານຈາກນະຄອນຫຼວງວຽງຈັນ-ຜ້ົງສາລີ 195.000 ກີບ, ນະຄອນຫຼວງ-ຫຼວງພະບາງ
110.000 ກີບ, ນະຄອນຫຼວງ-ສະຫວັນນະເຂດ 75.000 ກີບ, ນະຄອນຫຼວງ-ຈຳປາສັກ
110.000 ແລະ ນະຄອນຫຼວງ-ໄຊຍະບູລີ 110.000 ກີບ
ກໍຍັງແມ່ນອັດຕາເດີມທີ່ເຄີຍປະຕິບັດແຕ່ຕອນນ້ຳມັນມີລາຄາແພງ ແລະ
ບໍ່ສະເພາະແຕ່ເທົ່ານັ້ນ ລາຄາສິນຄ້າອື່ນໆຢູ່ຕາມທ້ອງຕະຫຼາດກໍຍັງຄົງໂຕຢູ່ຄືເກົ່າ ເປັນຕົ້ນ ຄ່າເຄື່ອງວັດສະດຸກໍ່ສ້າງປະເພດເຫຼັກ, ຊີມັງທີ່ເປັນສິນຄ້າທີ່ມີຄວາມຕ້ອງການຫຼາຍຂອງສັງຄົມກໍຍັງຄົງໄວ້ລາຄາເດີມ ເຊັ່ນດຽວກັບລາຄາສິນຄ້າເຄື່ອງອຸປະໂພກບໍລິໂພກ, ເຂົ້າ, ຊີ້ນປາອາຫານຕ່າງໆ ກໍຍັງບໍ່ທັນມີຫຍັງທີ່ຈະປ່ຽນແປງ. ເຊິ່ງກ່ອນໜ້ານີ້ ໄລຍະຕົ້ນປີ 2014 ລາຄານ້ຳມັນເຊື້ອໄຟມີການເໜັງຕິງແຮງບັນດາຊາວຄ້າຂາຍຢູ່ຕາມທ້ອງຕະຫຼາດຕ່າງກໍພາກັນສວາຍໂອກາດຂຶ້ນລາຄາສິນຄ້າຂອງຕົນຕາມລຳພັງໂດຍຖືເອົາຄານ້ຳມັນເປັນຂໍ້ອ້າງແຕ່ເຖິງຢ່າງໃດກໍຕາມສິ່ງທີ່ໜ້າເປັນຫ່ວງໃນປັດຈຸບັນແມ່ນປະເພດເຂົ້າລວມໄປເຖິງຄ່າສະບຽງ
ອາຫານອາດຈະມີທ່າອ່ຽງສູງຂຶ້ນຫາກພາກສ່ວນກ່ຽວຂ້ອງບໍ່ມີມາດຕະການຄຸ້ມຄອງແຕ່ຫົວທີ, ເນື່ອງຈາກໄລຍະນີ້ ພວມຢູ່ໃນການກະກຽມໃສ່ບຸນປະເພນີຂອງປະເທດເພື່ອນບ້ານໃກ້ຄຽງແນ່ນອນລາຄາສິນຄ້າປະເພດດັ່ງກ່າວອາດມີການເໜັງຕີງ.
No comments:
Post a Comment