ໃນວັນທີ 3 ກຸມພານີ້ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ ໄດ້ ເຄື່ອນໄຫວກວດກາເບິ່ງຄວາມຄືບໜ້າຂອງໂຄງການກໍ່ສ້າງຫໍສະໜຸດແຫ່ງຊາດ
ແລະ ໂຄງການກໍ່ສ້າງຫໍພິພິທະພັນແຫ່ງຊາດ ຫລັງໃໝ່ ເຊິ່ງທັງສອງໂຄງການເຫັນວ່າມີຄວາມຄືບໜ້າເປັນທີ່ພໍໃຈ.
ໃນໂອກາດນີ້ ທ່ານ ບົວເງິນ ຊາພູວົງ ແລະ
ຄະນະ ໄດ້ຮັບຟັງການລາຍງານກ່ຽວກັບການກໍ່ສ້າງໂຄງການຫໍສະ ໜຸດແຫ່ງຊາດ ຈາກທ່ານ ບຸນແກ້ວ ແກ່ນບູລີ ວິຊາການປະຈຳໂຄງການກໍ່ສ້າງຫໍສະໜຸດແຫ່ງຊາດ
ເຊິ່ງທ່ານກ່າວບາງຕອນວ່າ: ໂຄງການຫລັງໃໝ່ນີ້
ມີທີ່ຕັ້ງຢູ່ເຂດຫລັກ 6 ຂ້າງ (ຫໍພິພິທະພັນໄກສອນ ພົມສິຫານ) ເປັນໂຄງການຫັນຊັບສິນເປັນທຶນ, ໂດຍແມ່ນກຸ່ມບໍລິສັດຈິດຈະເລີນ
ກໍ່ສ້າງຈຳກັດ ເປັນຜູ້ຮັບເໝົາກໍ່ສ້າງ, ມູນຄ່າ 5 ລ້ານໂດລາສະຫະ ລັດ, ມີເນື້ອທີ່ປຸກສ້າງ
4.750 ຕາແມັດ ເປັນອາຄານ 4 ຊັ້ນ, ກວ້າງ 41 ແມັດ, ຍາວ 82 ແມັດ ແລະ ໄດ້ເລີ່
ມລົງມືກໍ່ສ້າງມາແຕ່ຕົ້ນເດືອນມິຖຸນາ
2014 ປັດຈຸບັນບັນດາໜ້າວຽກກ່ຽວກັບການກໍ່ສ້າງປະຕິບັດໄດ້ 53% ຍັງເຫລືອພຽງແຕ່ວຽກຕັດຫລັງຄາ
ແລະ ວຽກງານໂບກ ແລະ ຕົບແຕ່ງພາຍໃນ, ຄາດວ່າຈະໃຫ້ສຳເລັດພາຍໃນເດືອນຕຸລາ
2015 ນີ້.
ສ່ວນຄວາມຄືບໜ້າໂຄງການກໍ່ສ້າງຫໍພິພິທະພັນແຫ່ງຊາດ
ຫລັງໃໝ່ ກໍເປັນໂຄງການຫັນຊັບສິນເປັນທຶນ
ຕັ້ງຢູ່ໃນບໍລິເວນດຽວກັນ ໂດຍແມ່ນບໍລິສັດຄຳໄຜ່ສົມຊະນະກໍ່ສ້າງຜູ້ດຽວຈຳກັດ
ເປັນຜູ້ຮັບເໝົາກໍ່ສ້າງ, ມູນຄ່າການທັງໝົດ 10 ລ້ານໂດລາສະຫະລັດໃນເນື້ອທີ
6.600 ກວ່າຕາແມັດ, ເປັນອາຄານ 4 ຊັ້ນ, ກວ້າງ 56 ແມັດ, ຍາວ 80 ແມັດ ໄດ້ເລີ່ມລົງມືກໍ່ສ້າງມາແຕ່ເດືອນເມສາ
2013 ປັດຈຸບັນໄດ້ປະຕິບັດໄດ້ 47% ຂອງວຽກທັງໝົດ, ຄາດວ່າຈະໃຫ້ສຳເລັດພາຍໃນເດືອນ
ກັນຍາ 2015 ນີ້ ເພື່ອໃຫ້ທັນກັບການສະເຫລີມສະຫລອງວັນສ້າງຕັ້ງ ສປປ ລາວ ຄົບຮອບ
40 ປີ ແລະ ວັນສ້າງຕັ້ງພັກປະຊາຊົນປະຕິວັດລາວຄົບຮອບ 60 ປີ.
ໃນໂອກາດນີ້
ທ່ານ ບົວເງິນ ຊາພູວົງ ກໍໄດ້ໂອ້ລົມ ແລະ ໃຫ້ທິດຊີ້ນຳຄະນະຮັບຜິດຊອບໂຄງການກໍ່ສ້າງທັງສອງໂຄງການ
ໃຫ້ເອົາໃຈໃສ່ປະຕິບັດບັນດາໜ້າວຽກທີ່ຍັງບໍ່ທັນແລ້ວ ດ້ວຍຄວາມຮັບຜິດຊອບສູງ
ແລະ ຮັບປະກັນຄຸນນະພາບຂອງອາຄານໃຫ້ມີຄວາມທົນທານ ແລະ ມີຄວາມສວຍງາມຕາມແບບທີ່ໄດ້ກຳນົດໄວ້
ພ້ອມກັນນັ້ນກໍຕ້ອງເພີ່ມຄວາມເອົາໃຈໃສ່ຕິດຕາມກວດກາວັດຖຸອຸປະກອນທີ່ຈະນຳໃຊ້ໃນການກໍ່ສ້າງ
ໃຫ້ມີປະສິດທິພາບຕາມມາດຕະຖານທີ່ໄດ້ກຳນົດໄວ້.
No comments:
Post a Comment