ກະຊວງສຶກສາທິການ ແລະ ກິລາ ຮ່ວມກັບ ທະນາຄານໂລກປະຈຳລາວໄດ້ເຜີຍແຜ່ບົດລາຍງານການພັດທະ
ນາເສດຖະກິດປີ 2014 ແລະ ບົດລາຍງານການປະເມີນຜົນຂອງບັນຍາກາດດ້ານການລົງທຶນ
ໃນວັນທີ 3 ກຸມພານີ້ຢູ່ນະ ຄອນຫລວງວຽງຈັນ ໂດຍການເປັນປະທານ ຂອງ ທ່ານ ດຣ. ພັນຄຳ
ວິພາວັນ ຮອງນາຍົກ ລັດຖະມົນຕີ, ລັດຖະ ມົນຕີວ່າການກະຊວງສຶກສາທິການ ແລະ ກິລາ,ມີທ່ານນາງ
ເຂັມມະນີ ພົນເສນາ ລັດຖະມົນຕີວ່າການກະຊວງອຸດສາ ຫະກຳ ແລະ ການຄ້າ,ທ່ານນາງ ແຊລລີ
ເບີນ ນິງແຮມ ຫົວໜ້າຫ້ອງການທະນາຄານໂລກປະຈຳລາວ, ມີບັນດາທູຕານຸ ທູດ ແລະ ຜູ້ຕາງໜ້າອົງການຈັດຕັ້ງສາກົນປະຈຳລາວ
ແລະ ບັນດາກະຊວງທີ່ກ່ຽວຂ້ອງເຂົ້າຮ່ວມ.
ທ່ານ ດຣ. ພັນຄຳ ວິພາວັນກ່າວວ່າ: ການເຜີຍແຜ່ບົດລາຍງານການພັດທະນາ
ສປປ ລາວປີ 2014 ໃນຄັ້ງນີ້ ແມ່ນຈະໄດ້ສົນທະນາກ່ຽວກັບການປັບປຸງຊີວິດການເປັນຢູ່ຂອງກະສິ
ກອນ ໂດຍການເພີ່ມປະສິດທິພາບດ້ານກະສິກຳໃຫ້ສູງຂຶ້ນ, ການສ້າງຄວາມຮູ້ ແລະ ເພີ່ມທັກສະການຈ້າງງານທີ່ມີປະສິດທິຜົນ,ສະເໜີເນື້ອໃນຈິດໃຈກ່ຽວກັບ
ຜົນຂອງການປະເມີນ
ບັນຍາກາດດ້ານການລົງທຶນໃນປີ 2014 ແລະ ສົນທະນາກ່ຽວກັບການປັບປຸງບັນຍາກາດການລົງທຶນຂະຫຍາຍໂອກາດການຈ້າງງານ
ເພື່ອແຮງງານທີ່ກຳລັງເຕີບໂຕຂອງ ສປປ ລາວ ແລະ ນຳສະເໜີທັດສະນະຂອງພາກເອກະຊົນຕໍ່ຂໍ້ຈຳກັດທີ່ຕິດພັນກັບການລົງທຶນ.
ທ່ານ ດຣ. ພັນຄຳ ວິພາວັນ ຍັງໄດ້ກ່າວຕື່ມອີກວ່າ:
ກອງປະຊຸມດັ່ງກ່າວ ມີຄວາມໝາຍຄວາມສຳຄັນທີ່ສຸດ ຕໍ່ການພັດທະນາຂອງ ສປປ ລາວ
ຮຽກຮ້ອງໃຫ້ບັນດາທ່ານປະກອບຄຳຄິດຄຳເຫັນໃຫ້ລະອຽດເລິກ ເຊິ່ງດ້ວຍຄວາມຮັບ ຜິດຊອບສູງເພື່ອຜັນຂະຫຍາຍບົດລາຍງານດັ່ງກ່າວໃຫ້ເຂົ້າສູ່ລວງເລິກເຫັນໄດ້ສະພາບຄວາມເປັນຈິງ,
ສາມາດປັບປຸງປ່ຽນແປງໃຫ້ດີຂຶ້ນກວ່າເກົ່າ ແລະ ຮັບປະກັນ ການພັດທະນາແຮງງານຢູ່
ສປປ ລາວ ແບບຍືນຍົງ ພ້ອມທັງສາມາດເຊື່ອມໂຍງກັບສາກົນນັບມື້ນັບດີຂຶ້ນ.
No comments:
Post a Comment