ມູນຄ່າສັນຍາຫລາຍແຕ່ການລົງທຶນຕົວຈິງຍັງເຮັດໄດ້ໜ້ອຍໃນເຂດເສດຖະກິດພິເສດ ແລະ ສະເພາະ

              ຄະນະກຳມະການແຫ່ງຊາດເພື່ອຄຸ້ມຄອງເຂດເສດຖະກິດພິເສດ ແລະ ສະເພາະ (ຄຂພສ), ພວມເລັ່ງຂໍຄຳຄິດເຫັນກັບຫລາຍພາກສ່ວນກ່ຽວຂ້ອງ ເຂົ້າໃສ່ຮ່າງກົດໝາຍວ່າດ້ວຍເຂດເສດຖະກິດພິເສດ ແລະ ສະເພາະເພື່ອຈະນຳ ສະເໜີຕໍ່ ລັດຖະບານ ແລະ ສະພາແຫ່ງຊາດພິຈາລະນາໃນຂັ້ນຕໍ່ໄປ, ພາຍຫລັງເຫັນ ວ່າຈາກບົດຮຽນຕົວຈິງໃນການຄຸ້ມຄອງເຂດດັ່ງກ່າວດ້ວຍດຳລັດຂອງນາຍົກ ລັດຖະ ມົນຕີ ໃນໄລຍະຜ່ານມາ, ຍັງບໍ່ທັນສາມາດກະຕຸກຊຸກຍູ້ໃຫ້ນັກລົງທຶນປະຕິບັດ ຕາມສັນ ຍາລົງທຶນໄດ້ດີເທົ່າທີ່ຄວນ, ເຊິ່ງເຫັນໄດ້ຈາກຕົວເລກສັນຍາລົງທຶນມີເຖິງ 4,7 ຕື້ໂດລາສະຫະລັດ, ແຕ່ເຮັດຕົວຈິງພຽງ 1 ຕື້ກວ່າໂດລາສະຫະລັດເທົ່າກັບ 1 ສ່ວນ 3 ເທົ່ານັ້ນ. ຄຽງຄູ່ກັນນັ້ນ, ຍັງມີບັນ ຫາການຊົດເຊີຍທີ່ດິນ, ລະບຽບການຄຸ້ມຄອງ ເຂດບໍ່ຮັດກຸມ, ການສະໜອງແຮງງານຍັງບໍ່ທັນໄດ້ດີທັງດ້ານປະລິມານ ແລະ ຄຸນນະພາບ ແລະ ການມີສ່ວນຮ່ວມຂອງ ປະຊາຊົນທີ່ໄດ້ຮັບຜົນກະທົບຈາກການພັດທະນາແມ່ນມີໜ້ອຍ, ເຊິ່ງບັນຫາດັ່ງ ກ່າວອາດເປັນຍ້ອນການກຳນົດລະບຽບຫລັການຕ່າງໆ ຍັງບໍ່ທັນຮັດກຸມຊັດເຈນ, ເອື້ອອຳນວຍ ແລະ ສອດຄ່ອງກັບສະພາບ ເງື່ອນໄຂຕົວຈິງທາງດ້ານເສດຖະກິດຈຶ່ງ ເຮັດໃຫ້ການລົງທຶນຂອງນັກລົງທຶນມີລັກສະນະຊັກຊ້າແກ່ຍາວ ຫລື ບໍ່ກ້າປະຕິບັດຕົວ ຈິງໃນການລົງທຶນ.

             ຄະນະກຳມະການດັ່ງກ່າວໃຫ້ຮູ້ວ່າ: ປັດຈຸບັນທົ່ວປະເທດມີເຂດເສດຖະກິດພິເສດ 2 ແຫ່ງຄື: ເຂດຖະກິດ

ພິເສດສະຫວັນ-ເຊໂນແຂວງສະຫວັນນະເຂດ ແລະ ເຂດເສດຖະກິດພິເສດສາມຫລ່ຽມຄຳ, ແຂວງບໍ່ແກ້ວ, ສ່ວນເຂດເສຖະ ກິດສະເພາະມີ 8 ແຫ່ງ, ມີເນື້ອທີ່ທັງໝົດ 13 ພັນກວ່າເຮັກຕາ ແລະ ມີ 158 ບໍລິສັດເຂົ້າມາລົງທຶນສ້າງຕັ້ງໂຮງ ຈັກໂຮງງານຜະ ລິດສີນຄ້າສົ່ງອອກໄປຕ່າງປະເທດ, ສາມາດເກັບລາຍຮັບເຂົ້າງົບປະມານລັດໄດ້ຫລາຍກວ່າ 10 ລ້ານໂດລາສະຫະລັດ, ຊຶ່ງຖ້າມີ ກົດໝາຍຄຸ້ມຄອງເຂດເສດຖະກິດພິເສດ ແລະ ສະເພາະເມື່ອໃດກໍຈະເຮັດໃຫ້ການສົ່ງເສີມດີຂື້ນຫລາຍກວ່າເກົ່າ ສາມາດ ດຶງ ດູດ ແລະ ຍາດ ແຍ່ງການລົງທຶນຈາກພາຍໃນ ແລະ ຕ່າງປະເທດເພີ່ມຂຶ້ນ, ໄປຄຽງຄູ່ກັບການຮັບປະກັນໃຫ້ເຂດ ດັ່ງກ່າວກາຍເປັນແຫລ່ງສ້າງລາຍຮັບສຳຄັນໃນການປະກອບສ່ວນເຂົ້າໃນງົບປະມານແຫ່ງຊາດ, ປະກອບສ່ວນສ້າງວຽກເຮັດ ງານທຳໃຫ້ ແຮງງານທ້ອງຖິ່ນ ແລະ ປັບປຸງຄຸນນະພາບຊີວິດຂອງປະຊາຊົນໃຫ້ນັບມື້ດີຂຶ້ນ.