ກະຊວງແຮງງານແລະຫວັດດີການສັງຄົມໃຫ້ຮູ້ວ່າ:
ໃນໄລຍະໜຶ່ງປີຜ່ານມາການຈັດຕັ້ງປະຕິບັດວຽກງານໃນຂະແໜງການ ຂອງຕົນແມ່ນເຮັດໄດ້ດີພໍສົມຄວນ,
ເຖິງວ່າຈະມີຄວາມຫຍຸ້ງຍາກທາງດ້ານເສດຖະກິດທີ່ກະ ທົບຕໍ່ຊີວິດການເປັນຢູ່ຂອງພະນັກງານ-ລັດຖະກອນກໍຕາມ,
ແຕ່ໂດຍລວມແລ້ວພະນັກງານ- ລັດຖະ ກອນທຸກຄົນມີແນວຄິດອຸ່ນອ່ຽນທຸ່ນທ່ຽງ, ມີຄວາມສະຫງົບ
ແລະ ຕັ້ງໜ້າຈັດຕັ້ງປະຕິບັດວຽກງານວິຊາສະເພາະດ້ວຍຄວາມເປັນເຈົ້າການ ແລະ ສາມາດຍາດໄດ້ຜົນສຳເລັດຫຼາຍດ້ານຄື:
ສຳເລັດການນຳສະເໜີ ແລະ ຮັບຮອງກົດໝາຍວ່າດ້ວຍແຮງງານສະບັບປັບປຸງຈາກກອງປະຊຸມສະພາແຫ່ງຊາດ
ຄັ້ງທີ 6 ຊຸດທີ VII, ສະເໜີລັດຖະບານຮັບຮອງດຳລັດວ່າດ້ວຍຄົນພິການ ແລະ ດຳລັດ
343/ນຍ ສະບັບປັບປຸງຕາມຄຳເຫັນຂອງກະ ຊວງກ່ຽວຂ້ອງ ແລະ ກະກຽມນຳສະເໜີເຂົ້າຜ່ານກອງປະຊຸມລັດຖະ
ບານໃນມໍ່ໆນີ້. ການຈັດຕັ້ງປະຕິບັດໂຕເລກຄາດໝາຍສູ້ຊົນດ້ານວິຊາສະເພາະກໍດຳເນີນໄປຢ່າງຕໍ່ເນື່ອງ
ເປັນຕົ້ນການພັດທະນາສີມືແຮງງານ ເພື່ອສະໜອງໃຫ້ຫົວໜ່ວຍທຸລະກິດ, ການຜະລິດ
ແລະ ໂຄງ ການລົງ ທຶນຕ່າງໆ ແມ່ນມີຄວາມພະຍາຍາມສູງ; ການຈັດຫາວຽກເຮັດງານທຳໃຫ້ແຮງງານລາວຢູ່ພາຍໃນ
ແລະ ສົ່ງໄປອອກແຮງງານຢູ່ຕ່າງປະເທດກໍໄດ້ຫັນ ໄປດ້ານລະບຽບຫຼັກການສະນັ້ນຜູ້ອອກແຮງງານພາຍໃນ
ແລະ ຜູ້ອອກແຮງງານລາວຢູ່ຕ່າງປະເທດ, ລວມທັງຜູ້ອອກແຮງງານຕ່າງປະເທດຢູ່ ສປປ
ລາວ ລ້ອນແຕ່ໄດ້ຮັບການປົກປ້ອງສິດ ແລະ ຜົນປະໂຫຍດຕາມລະ ບຽບກົດໝາຍ ແລະ ມີຄວາມສະຫງົບ;
ຜູ້ປະກັນຕົນ ແລະ ຜູ້ຢູ່ໃຕ້ການດູແລໄດ້ຮັບການປົກປ້ອງຢ່າງຕໍ່ເນື່ອງ ;
ຂໍ້ມູນພະນັກງານປະຕິວັດອາວຸໂສມີຄວາມຮັດກຸມກວ່າເກົ່າ ແລະ ການປະຕິບັດນະໂຍບາຍຕໍ່ຜູ້ມີຜົນງານ
ແລະ ຄຸນງາມຄວາມດີຕໍ່ປະເທດຊາດໄດ້ຮັບການຕອບສະ ໜອງດ້ານງົບປະມານຕາມຄວາມສາມາດຕົວຈິງ;
ວຽກງານສັງຄົມສົງເຄາະສືບຕໍ່ໄດ້ຮັບການສະໜັບສະ ໜູນ, ໂດຍສະເພາະຜູ້ປະສົບໄພທຳມະຊາດ
ແລະ ຜູ້ດ້ອຍໂອກາດທາງສັງຄົມ,ແຕ່ຄຽງຄູ່ກັນນັ້ນວຽກງານແຮງງານແລະສະຫວັດດີການກໍຍັງມີບາງດ້ານທີ່ຈະຕ້ອງ
ໄດ້ປັບ ປຸງແກ້ໄຂເປັນຕົ້ນແມ່ນການຈັດຕັ້ງປະຕິບັດບັນດາໂຕເລກຄາດໝາຍດ້ານການພັດທະນາສີມືແຮງງານຍັງບໍ່ທັນໄດ້ຕາມແຜນການທີ່ວາງໄວ້;
ການສ້າງມາດຕະຖານສີມືແຮງງານ ແລະ ການເຮັດທົດສອບສີມືແຮງງານໃນຂະແໜງການຕ່າງໆມີຄວາມຄືບໜ້າຊ້າ;
ການສະໜອງກຳລັງແຮງງານໃຫ້ຫົວໜ່ວຍແຮງງານຕ່າງໆຍັງບໍ່ທັນໄປຕາມຄວາມຕ້ອງການຂອງຕະຫລາດແຮງງານ;
ການໂຄສະນາເຜີຍແຜ່ລະບຽບການ ແລະ ການກວດກາແຮງງານຕາມຫົວໜ່ວຍແຮງງານຕ່າງໆຍັງເຮັດໄດ້ໜ້ອຍ;
ການແກ້ໄຂແຮງງານຕ່າງປະເທດທີ່ເຄື່ອນໄຫວບໍ່ຖືກຕ້ອງຍັງບໍ່ມີຄວາມຄືບໜ້າເທົ່າທີ່ຄວນ;
ການສະໜອງງົບປະມານເຂົ້າ ກອງທຶນປະກັນສັງ ຄົມ ເພື່ອປະຕິບັດນະໂຍບາຍຕາມ 8 ອຸດໜູນ
ໂດຍສະເພາະການເບີກຈ່າຍເງິນເດືອນພະນັກງານບຳ ນານ ແລະ ເງິນອຸດໜູນເສຍອົງຄະປະເພດຕ່າງໆຍັງຊັກຊ້າ.
ພ້ອມກັນນີ້ ບໍລິສັດຈຳນ ວນໜຶ່ງບໍ່ໃຫ້ການຮ່ວມມືໃນການເຂົ້າເປັນສະມາຊິກຂອງອົງການປະກັນສັງຄົມພາກວິສາຫະກິດ;
ການສະ ໜອງງົບປະມານໃຫ້ແກ່ການປະຕິບັດນະໂຍບາຍ 343/ນຍ ແລະ ໂຄງການລົງທຶນຕ່າງໆບໍ່ຄ່ອງຕົວ
ເຮັດໃຫ້ການປະຕິບັດຄາດໝາຍສູ້ຊົນດ້ານຕ່າງໆຊັກຊ້າ; ເອກະສານຂໍຖອນເງິນໄດ້ຮັບການອະນຸມັດແລ້ວ
ແຕ່ຂອດຊຳລະສະສາງບໍ່ສາມາດຕອບສະໜອງໄດ້ຕາມແຜນ ເຮັດໃຫ້ການເຄື່ອນໄຫວວຽກງານພົບກັບຄວາມຫຍຸ້ງຍາກ
ລວມທັງງົບປະມານສະ ໜັບສະໜູນການປະຕິບັດວຽກງານ 3 ສ້າງຍັງຈຳກັດຫລາຍ.
No comments:
Post a Comment