ຕາມການລາຍງານຂອງກະຊວງກະສິກຳ ແລະ ປ່າໄມ້ໃຫ້ຮູ້ວ່າ : ການຜະລິດເຂົ້ານາປີປີນີ້ຢູ່ທ້ອງຖິ່ນຕ່າງໆດຳເນີນໄປຢ່າງຫລ້າຊ້າ ຍ້ອນປະລິມານນ້ຳບໍ່ພຽງພໍ, ຝົນຕົກບໍ່ຕໍ່ເນື່ອງ ເຊິ່ງນັບແຕ່ເດືອນມັງກອນຮອດເດືອນມິຖຸນານີ້ ປະລິມານນ້ຳຝົນແທກໄດ້ພຽງ 25,5% ທຽບໃສ່ປີຜ່ານມາແມ່ນ 34% ແລະ ຕໍ່ບັນຫາດ່ັງກ່າວກະຊວງກະສິກຳ ໄດ້ສຸມໃສ່ຊ່ວຍເຫລືອທຸກວິທີທາງເພື່ອໃຫ້ສາມາດດຳເນີນການຜະລິດໄດ້ຕາມລະດູການ ໂດຍໄດ້ນຳສົ່ງພະນັກງານວິຊາການລົງປະຈຳຢູ່ແຕ່ລະທ້ອງຖິ່ນ, ມີການລົງທຶນສ້ອມແປງຊົນລະປະທານ, ພ້ອມສະຫນອງອຸປະກອນການຜະລິດທີ່ຈຳເປັນ ແລະ ເຄື່ອງຈັກສູບນ້ຳເພື່ອໃຫ້ກະສິກອນສາມາດຜະລິດນາປີໄດ້ ແລະ ໂຊກດີ ມາໃນໄລຍະນີ້ຝົນໄດ້ເລີ່ມຕົກເປັນປົກະຕິ ແລະ ມີນ້ຳພຽງພໍຊ່ວຍໃຫ້ ຫລາຍທ້ອງຖິ່ນສາມາດປັກດຳນາປີຂອງຕົນເປັນປົກກະຕິຄື ມາຮອດປັດຈຸບທົ່ວປະເທດສາມາດປັກດຳໄດ້ແລ້ວຫລາຍກວ່າ 2 ແສນເຮັກຕາ ເທົ່າກັບ 30% ຂອງເນື້ອທີ່ແຜນການ ແລະ ເຖິງວ່າການຜະລິດລະດູຝົນປີນີ້ຈະຊັກຊ້າ ແຕ່ຖ້າສະພາບດິນຟ້າອາກາດເປັນໃຈ ຝົນຍັງຕົກຢ່າງຕໍ່ເນື່ອງປົກກະຕິຄາດວ່າຈະປັກດຳໄດ້ຕາມຄາດຫມາຍແຜນການວາງໄວ້.
ກະຊວງກະສິກຳໃຫ້ຮູ້ວ່າ : ສຳລັບການປູກພືດລະດູຝົນມາດຮອດປັດຈຸບັນທົ່ວປະເທດປູກໄດ້ແລ້ວຫລາຍກວ່າ 2 ແສນເຮັກຕາ ເທົ່າກັບ 35% ຂອງເນື້ອທີ່ແຜນການ, ພືດທີ່ນິຍົມປູກຫລາຍກວ່າຫມູ່ແມ່ນພືດຜັກ, ສາລີ, ກ້ວຍ, ມັນ ຕົ້ນ ແລະ ຫມາກໂມ ແລະ ປູກໄດ້ຫລາຍກວ່າຫມູ່ແມ່ນເຂດພາກເຫນືອ.
No comments:
Post a Comment