ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ:
ໃນຕອນແລງຂອງວັນທີ 26 ກໍລະກົດຜ່ານມາ,
ຢູ່ບໍລິເວນ ຂົວນ້ຳມູນ ບ້ານໜອງດາ, ເມືອງສີໂຄດຕະບອງ ນະຄອນຫລວງວຽງຈັນ ໄດ້ມີລົດໃຫຍ່ ໝາຍເລກທະບຽນ
ກຂ
4323 ກຳແພງນະຄອນ ຂັບຂີ່ໂດຍທ້າວ ສົມສະໜຸກ ອາຍຸ 31 ປີ ຄ້າຂາຍ ຢູ່ບ້ານຮ່ອງຄ້າ ເມືອງຈັນທະບູລີ ນະຄອນຫລວງວຽງ ຈັນ ແລ່ນມາແຕ່ທາງເກົ້າລ້ຽວ ເມື່ອມາຮອດຈຸດເກີດເຫດໄດ້ມີລົດຈັກ ບໍ່ມີປ້າຍ
ຂີ່ຊ້ອນກັນ 3 ຄົນ ທີ່ແລ່ນມາດ້ວຍຄວາມໄວ ແລະ ເປັນທາງໂຄ້ງເສຍຫລັກ ເຈີດໄປຕຳເອົາລົດໃຫຍ່ທີ່ກຽມຈອດຢູ່ແຄມທາງ ສົ່ງຜົນໃຫ້ ທ້າວ
ນັດ ອາຍຸ
13 ປີ ນັກຮຽນ
ຢູ່ບ້ານໂນນແກ້ວ ເມືອງສີໂຄດຕະບອງ ນະຄອນ ຫລວງວຽງຈັນ ເສຍຊີວິດຄາທີ່ ແລະ ໝູ່ທີ່ຂີ່ມານຳກັນອີກ 2 ຄົນ
ໄດ້ຮັບ ບາດເຈັບສົມຄວນ.
ເຈົ້າໜ້າທີ່ ກົມຕຳຫລວດ ຈະລາຈອນ
ໃຫ້ຮູ້ວ່າ: ໃນອາທິດຜ່ານມາ,
ທົ່ວປະເທດ ມີອຸປະຕິເຫດບົນທ້ອງຖະໜົນເກີດຂຶ້ນ 82 ກໍລະນີ,
ມີພາຫະນະເປ່ເພສົມຄວນ 70 ຄັນ,
ມີຜູ້ໄດ້ຮັບບາດເຈັບ ສາຫັດ 16 ຄົນ ແລະ ມີຜູ້ເສຍຊີວິດ
15 ຄົນ ໃນນັ້ນ
ຢູ່ນະຄອນຫລວງວຽງຈັນ ມີອຸປະຕິເຫດເກີດຂຶ້ນ 23 ກໍລະນີ
ເສຍຊີວິດ 5 ຄົນ ໃນສະພາບດັ່ງກ່າວ ຈຶ່ງຮຽກຮ້ອງມາຍັງຜູ້ໃຊ້ລົດໃຊ້ຖະໜົນມີສະຕິໃນການຂັບຂີ່, ປະຕິບັດລະບຽບຈະລາຈອນໃຫ້ເຂັ້ມງວດ ຈຶ່ງຈະເຮັດໃຫ້ອຸປະຕິເຫດຫລຸດລົງໄດ້.
No comments:
Post a Comment