ກອງປະຊຸມລັດຖະບານສະໄໝສາມັນ ປະຈຳເດືອນກໍລະກົດ 2015 ໄດ້ໄຂຂຶ້ນ ໃນວັນທີ 27 ກໍລະກົດ 2015 ໂດຍການເປັນປະທານຂອງ ທ່ານ ທອງສິງ ທໍາມະວົງ
ນາຍົກລັດຖະມົນ ຕີ, ມີບັນດາທ່ານຮອງນາຍົກລັດຖະມົນຕີ
ແລະ ສະມາຊິກ ລັດຖະບານກໍໄດ້ເຂົ້າຮ່ວມ. ກອງປະຊຸມຄັ້ງນີ້
ໄດ້ລົງເລິກປຶກສາຫາລື, ປະກອບຄຳຄິດ ຄໍາເຫັນດ້ວຍຄວາມຮັບຜິດຊອບສູງ ແລະ ພິຈາລະນາຮັບຮອງເອົາທາງດ້ານຫຼັກການຕໍ່ບັນ ດາຮ່າງດໍາລັດ ແລະ ຍຸດທະສາດ ຈຳນວນໜຶ່ງ ດັ່ງນີ້: ຮ່າງດໍາລັດວ່າດ້ວຍການຄຸ້ມຄອງສື່ມວນຊົນຕ່າງປະເທດ
ຢູ່ ສປປ ລາວ. ຈຸດປະສົງເພື່ອຄຸ້ມຄອງອົງການສື່ມວນຊົນ,
ນັກຂ່າວຕ່າງປະເທດ ແລະ ການເຄື່ອນໄຫວດ້ານ ການຂ່າວຂອງສໍານັກງານການທູດຕ່າງປະເທດ ແລະ
ອົງການຈັດຕັ້ງສາກົນ ຢູ່ ສປປ ລາວ
ແນໃສ່ອໍານວຍຄວາມສະດວກໃຫ້ແກ່ການເຄື່ອນໄຫວວຽກງານ ດ້ານການຂ່າວຂອງເຂົາເຈົ້າໃຫ້ຖືກຕ້ອງຕາມລະບຽບການ
ແລະ ກົດໝາຍຢ່າງມີປະສິດທິຜົນພ້ອມ ດຽວກັນນັ້ນ ກໍເພື່ອຮັບປະກັນການເຜີຍແຜ່ແນວທາງນະໂຍບາຍຂອງພັກ
ແລະ ລັດຖະບານ ຕໍ່ພາຍໃນ ແລະ ຕ່າງປະເທດ ໃຫ້ນັບມື້ກວ້າງຂວາງກວ່າເກົ່າ.
ຕໍ່ບັນຫາດັ່ງກ່າວກອງປະຊຸມໄດ້ຊີ້ນໍາ
ໃຫ້ພາກສ່ວນກ່ຽວຂ້ອງນໍາໄປປັບປຸງຕື່ມຕາມການປະກອບຄໍາເຫັນຂອງສະມາຊິກລັດຖະບານເປັນຕົ້ນ:
ຈັດກອງປະຊຸມປະ ກອບຄຳເຫັນສຳລັບພະນັກງານລະດັບສູງ, ການປັບປຸງບັນດາຄຳສັບ
ໃຫ້ເປັນສັບເຕັກນິກດ້ານນິຕິກຳເພື່ອເຮັດໃຫ້ດໍາລັດດັ່ງກ່າວ ມີເນື້ອໃນຄົບຖ້ວນ,
ຊັດເຈນຮັດກຸມ ແລະ ເລິກເຊິ່ງ ທັງສອດຄ່ອງກັບແນວທາງນະໂຍບາຍຂອງຊາດ.
1. ຮ່າງດໍາລັດ ວ່າດ້ວຍການທົດແທນຄ່າເສຍຫາຍ
ແລະ ການຍົກຍ້າຍຈັດສັນປະຊາຊົນ ຈາກໂຄງການພັດທະນາ ສະບັບປັບປຸງ.
ຈຸດປະສົງເພື່ອຄຸ້ມຄອງ, ຕິດຕາມກວດກາການທົດແທນຄ່າເສຍຫາຍ ແລະ ການຈັດສັນຍົກຍ້າຍປະຊາຊົນ
ເພື່ອເຮັດໃຫ້ໂຄງການພັດທະນາ ນໍາໄປຈັດຕັ້ງປະຕິບັດໃຫ້ຖືກຕ້ອງ,
ມີປະສິດທິຜົນແນໃສ່ຮັບປະກັນໃຫ້ຜູ້ທີ່ໄດ້ຮັບຜົນກະທົບໄດ້ຮັບການທົດແທນຄ່າເສຍຫາຍ, ການຈັດສັນຍົກຍ້າຍ,
ມີອາຊີບທີ່ໝັ້ນຄົງ, ມີຊີວິດການເປັນຢູ່ໃຫ້ດີຂຶ້ນກວ່າເກົ່າ ແລະ
ສູງກວ່າມາດຕະຖານຄວາມທຸກຍາກ ພ້ອມທັງເຮັດໃຫ້ໂຄງການດັ່ງກ່າວ
ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ.
ກອງປະຊຸມໄດ້ຊີ້ນໍາໃຫ້ພາກສ່ວນກ່ຽວຂ້ອງ ປັບປຸງຕື່ມຕາມການປະກອບຄໍາເຫັນ
ຂອງສະມາຊິກລັດຖະບານ ເປັນຕົ້ນການຊົດເຊີຍຄ່າເສຍຫາຍ ຕ້ອງໃຫ້ສົມເຫດສົມຜົນ,
ຄິດໄລ່ມູນຄ່າຄວາມເສຍຫາຍຢ່າງຈະແຈ້ງ, ຖືກຕ້ອງຕາມສະພາບຄວາມເປັນຈິງ,
ການຊົດເຊີຍຕ້ອງທຽບເທົ່າກັບມູນຄ່າເດີມ ຕາມແຕ່ລະໄລຍະ ແລະ
ຊົດເຊີຍຕາມຄວາມຕ້ອງການຂອງຜູ້ທີ່ຖືກຜົນກະທົບ ເປັນຕົ້ນ ຊົດເຊີຍເປັນເງິນ, ທີ່ດິນ ຫຼື
ເຮືອນ ສໍາຄັນ ຕ້ອງຄໍານຶງເຖິງຄວາມສາມາດຕົວຈິງ ໃນການຊໍາລະສະສາງຂອງລັດ.
ພ້ອມດຽວກັນນີ້,
ກໍ່ຕ້ອງໄດ້ເອົາໃຈໃສ່ປັບປຸງຊີວິດການເປັນຂອງຜູ້ທີ່ຖືກຜົນກະທົບໃຫ້ດີຂຶ້ນກວ່າເກົ່າ.
2. ຮ່າງດຳລັດວ່າດ້ວຍປ້າຍ.
ຈຸດປະສົງເພື່ອຄຸ້ມຄອງ, ຕິດຕາມ, ກວດກາ ການເຄື່ອນໄຫວກິດຈະການປ້າຍ ໃຫ້ມີລັກສະນະຊາດ,
ກ້າວໜ້າ ແລະ ມະຫາຊົນ ແນໃສ່ເຮັດໃຫ້ການດໍາເນີນການດັ່ງກ່າວ ມີຄວາມເປັນລະບຽບຮຽບຮ້ອຍ,
ເອກະພາບໃນທົ່ວປະເທດ, ຮັບປະກັນຄວາມເປັນເອກະລາດ, ອະທິປະໄຕ ແລະ ຄວາມໝັ້ນຄົງຂອງຊາດ
ທັງສອດຄ່ອງກັບມູນເຊື້ອວັດທະນະທໍາອັນດີງາມຂອງຊາດ, ຊົນເຜົ່າ ປະກອບສ່ວນເຂົ້າໃນການປົກປັກຮັກສາ
ແລະ ສ້າງສາພັດທະນາປະເທດຊາດ, ສາມາດເຊື່ອມໂຍງກັບພາກພື້ນ ແລະ ສາກົນ. ກອງປະຊຸມ
ໄດ້ຊີ້ນໍາໃຫ້ພາກສ່ວນກ່ຽວຂ້ອງ ປັບປຸງຕື່ມຕາມການປະກອບຄໍາເຫັນ
ຂອງສະມາຊິກລັດຖະບານ ເປັນຕົ້ນ ການນໍາໃຊ້ຕົວອັກສອນໃນການໂຄ ສະນາ
ຕ້ອງນໍາໃຊ້ພາສາລາວເປັນກົກຂຽນຂຶ້ນເທິງ ສ່ວນພາ ສາອື່ນໃຫ້ຂຽນເປັນຕົວນ້ອຍກວ່າຢູ່ທາງລຸ່ມພາສາລາວ,
ການກໍານົດຂະໜາດ ແລະ ບ່ອນຕິດຕັ້ງປ້າຍ ໃຫ້ສອດຄ່ອງກັບຜັງເມືອງ,
ເນື້ອໃນປ້າຍຕ້ອງໃຫ້ສອດຄ່ອງກັບແນວທາງນະໂຍບາຍ ທັງເປັນການຊຸກຍູ້ສົ່ງເສີມ ແລະ
ຮັບປະກັນໄດ້ຄວາມເປັນລະບຽບຮຽບຮ້ອຍ.
3. ຮ່າງຍຸດທະສາດວຽກງານແມ່ ແລະ
ເດັກ ແຕ່ປີ 2016-2025 ແລະ ວິໃສທັດ ຮອດປີ 2030 ແລະ
ແຜນດໍາເນີນງານແຫ່ງຊາດວຽກແມ່ ແລະ ເດັກ 2016-2020.
ກອງປະຊຸມໄດ້ຊີ້ນໍາໃຫ້ພາກສ່ວນກ່ຽວຂ້ອງ ປັບປຸງຕື່ມຕາມການປະກອບຄໍາເຫັນ
ຂອງສະມາຊິກລັດຖະບານ ເປັນຕົ້ນ ການກຳນົດນະໂຍບາຍ, ຄາດໝາຍສູ້ຊົນດ້ານຕ່າງໆ ໄລຍະ 5 ປີ,
10 ປີ, 15
ປີ. ພ້ອມນັ້ນ, ຕ້ອງກໍານົດກົນໄກປະສານງານ ແລະ ແບ່ງຄວາມຮັບຜິດຊອບ ການຈັດຕັ້ງປະຕິບັດ
ໃຫ້ບັນດາຂະແໜງການ ແລະ ສັງຄົມ ໃຫ້ຈະແຈ້ງ ແລະ ຄົບຖ້ວນ.
4. ບັນຫາສຸດທ້າຍ
ກອງປະຊຸມໄດ້ພິຈາລະນາຮັບຮອງ ຍຸດທະສາດການເງິນສາທາລະນະສຸກ. ຕໍ່ບັນຫາດັ່ງກ່າວ,
ກອງປະຊຸມໄດ້ຊີ້ນໍາໃຫ້ພາກສ່ວນກ່ຽວຂ້ອງ
ນໍາໄປປັບປຸງຕື່ມຕາມການປະກອບຄໍາເຫັນ ຂອງສະມາຊິກລັດຖະບານ ເປັນຕົ້ນ
ຄົ້ນຄວ້າປັບປຸງຄືນແຫຼ່ງທຶນ ຄວນມາຈາກພາກລັດ, ສັງຄົມ, ຄົນເຈັບ ແລະ
ຍາດແຍ່ງການຊ່ວຍເຫຼືອຈາກຕ່າງປະເທດ, ຄິດໄລ່ລະອຽດຄວາມສາມາດປະກອບສ່ວນຂອງລັດຖະບານ
ໃຫ້ສອດຄ່ອງກັບລາຍຮັບ ແລະ ມີຄວາມຊັດເຈນ.
ນອກນັ້ນ ກອງປະຊຸມໄດ້ຮັບຟັງການລາຍງານ ຈາກກະຊວງກະສິກໍາ ແລະ ປ່າໄມ້ ກ່ຽວກັບຄວາມຄືບໜ້າໃນການແກ້ບັນຫາ
ການແຜ່ລະບາດຂອງຕັກກະແຕນ ແລະ ໜູຂີ ທີ່ພວມແຜ່ລະບາດ ໃນ 2 ແຂວງພາກເໜືອຂອງລາວ ເປັນຕົ້ນ
ແຂວງຫຼວງພະບາງ ແລະ ແຂວງຫົວພັນ.
ຕອນທ້າຍກອງປະຊຸມ ທ່ານນາຍົກລັດຖະມົນຕີ
ໄດ້ຊີ້ນໍາໃຫ້ສະມາຊິກລັດຖະບານ
ນໍາເອົາເນື້ອໃນຈິດໃຈທີ່ໄດ້ຕົກລົງເປັນເອກະພາບ ໃນກອງປະຊຸມຄັ້ງນີ້
ລວມທັງ ບັນດາວຽກງານທີ່ເປັນຈຸດສຸມໃນເດືອນ ສິງຫາ 2015ໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດດ້ວຍຄວາມຮັບຜິດຊອບສູງ
ດັ່ງນີ້:
1. ໃຫ້ກະຊວງສາທາລະນະສຸກ
ເປັນເຈົ້າການສົມທົບກັບບັນດາຂະແໜງການກ່ຽວຂ້ອງຂອງສູນກາງ ແລະ
ທ້ອງຖິ່ນເອົາໃຈໃສ່ແກ້ໄຂບັນຫາການລະບາດຂອງໄຂ້ຍຸງລາຍ ແລະ
ພະຍາດຕິດຕໍ່ອື່ນໆ ໃນລະດູຝົນນີ້ ຢ່າງຈິງຈັງ.
2. ໃຫ້ກະຊວງກະສິກຳ ແລະ ປ່າໄມ້
ຮີບຮ້ອນສົ່ງທິມງານວິຊາການ ລົງສົມທົບກັບແຂວງ, ເມືອງ ແລະ
ພື້ນຖານການຜະລິດຕ່າງໆ ເພື່ອຊຸກຍູ້ການຜະລິດໃນລະດູຝົນ ໃຫ້ບັນລຸຕາມຄາດໝາຍ. ພ້ອມດຽວກັນນີ້, ໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເອົາໃຈໃສ່ຕິດ ຕາມສະພາບດິນຟ້າອາກາດຢ່າງເປັນປະຈຳ ເພື່ອແຈ້ງເຕືອນລ່ວງໜ້າ ໃຫ້ທົ່ວປະເທດ ໄດ້ຮັບຊາບຢ່າງທັນການ ວ່າຢູ່ແຂວງໃດ, ເມືອງໃດ ມີຄວາມສ່ຽງຈະເກີດລົມພະຍຸ ຫຼື ໄພນ້ຳຖ້ວມ ເພື່ອຫຼີກລ້ຽງບໍ່ໃຫ້ເກີດຄວາມເສຍຫາຍ ຕໍ່ຊີວິດ ແລະ ຊັບສິນຂອງປະຊາ ຊົນ. ພ້ອມກັນນັ້ນ, ກໍໃຫ້ຄະນະກຳການຕ້ານໄພພິບັດແຫ່ງຊາດ, ຂັ້ນແຂວງ, ຂັ້ນເມືອງ ກວດກາຄືນການກະກຽມພາຫະນະ, ເຄື່ອງມື, ເງິນ, ກຳລັງຄົນ ແລະ ປັດໃຈອັນຈຳເປັນອື່ນໆ ເພື່ອຮັບມືກັບໄພພິບັດທາງທຳມະຊາດ ທີ່ອາດຈະເກີດຂື້ນ.
3.
ໃຫ້ກະຊວງການເງິນສືບຕໍ່ເອົາໃຈໃສ່ໃນການຈັດເກັບລາຍຮັບເຂົ້າງົບປະມານໃຫ້ໄດ້ຕາມແຜນການທີ່ວາງເອົາໄວ້
ໃຫ້ທັນຕາມກຳນົດເວລາ, ເອົາໃຈໃສ່ຄຸ້ມຄອງລາຍຈ່າຍດ້ວຍຈິດໃຈປະຢັດ ແລະ
ກວດກາຄືການຊຳລະສະສາງຊຳລະຢ່າງລະ ອຽດ.
4. ໃຫ້ກະຊວງອຸດສາຫະກຳ ແລະ ການຄ້າ, ທະນາຄານ ແລະ
ຂະແຫນງການທີ່ກ່ຽວຂ້ອງເອົາໃຈໃສ່ໃນການຕິດຕາມກວດກາ, ຄຸ້ມຄອງ ແລະ
ມີມາດຕະການອັນເໝາະສົມ ໃນການແກ້ໄຂ ແລະ ດັດສົມບັນຫາລາຄາສິນຄ້າ ແລະ
ອັດຕາແລກປ່ຽນ ທີ່ມີທ່າອ່ຽງເໜັງຕີງໃນທ້ອງຕະຫຼາດ,
5. ໃຫ້ກະຊວງໂຍທາທິການ ແລະ
ຂົນສົ່ງ ເປັນເຈົ້າການ ສົມທົບກັບແຂວງຕ່າງໆ ກວດກາ ແລະ
ສ້ອມແປງເສັ້ນທາງໃນຕົວເມືອງ, ທາງຫຼວງແຫ່ງຊາດ, ທາງທ້ອງຖິ່ນ ແລະ ຂົວ
ທີ່ເປ່ເພເສຍຫາຍ ຍ້ອນຝົນຕົກໜັກ, ນ້ຳຊູທັ່ງ ຫຼື ດິນເຈື່ອນຖົມ
ໃຫ້ວ່ອງໄວທັນການ, ສາມາດຂົນສົ່ງ ແລະ ການໄປມາໄດ້ເປັນປົກກະຕິ.
6).
ໃຫ້ກະຊວງກ່ຽວຂ້ອງເອົາໃຈໃສ່ຕື່ມວຽກງານປ້ອງກັນຊາດ-ປ້ອງກັນຄວາມສະຫງົບ,
ຕ້ອງສືບຕໍ່ຈັດຕັ້ງປະຕິບັດ ວຽກງານດັ່ງໃຫ້ມີຄວາມຫນັກແຫນ້ນ,
ແກ້ໄຂບັນຫາຢາເສບຕິດ, ຂີ້ລັກງັດແງະ, ການແຂ່ງລົດ ເພື່ອເຮັດໃຫ້ສັງຄົມມີຄວາມສະ ຫງົບ
ແລະ ເປັນລະບຽບຮຽບຮ້ອຍ.
No comments:
Post a Comment