ໃນຕອນເຊົ້າວັນທີ 27 ກໍລະກົດນີ້, ຢູ່ສະມາຄົມນັກຂ່າວແຫ່ງ ສປປ ລາວ ທີ່ນະຄອນຫລວງວຽງຈັນ, ໄດ້ມີພິທີມອບ-ຮັບເງິນສະໜັບສະໜູນຈາກພາກສ່ວນຕ່າງໆ ໃຫ້ສະມາຄົມນັກຂ່າວແຫ່ງ ສປປ ລາວ ເພື່ອນຳໄປປະກອບສ່ວນເຂົ້າໃນການສະເຫລີມ ສະຫລອງວັນສື່ມວນຊົນຄົບຮອບ 65 ປີ (13/8/1950-13/8/2015 ທີ່ຈະມາເຖິງນີ້, ກຸ່ມບໍລິສັດ ເອັສທີ
ແລະ ທະນາຄານ ເອັສທີ ມອບເງິນຈຳນວນ 100 ລ້ານກີບ, ບໍລິສັດ ຫົງສາ ພາວເວີ້ ຈຳນວນ 25 ລ້ານກີບ, ລັດວິສາຫະກິດໄຟຟ້າລາວ ຈຳນວນ 20 ລ້ານກີບ ແລະ ບໍລິສັດ ໂຄລາວ ຈຳນວນ 15 ລ້ານກີບ. ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊມົນຕີ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ປະທານສະມາຄົມນັກຂ່າວແຫ່ງ ສປປ ລາວ.
ໃນໂອກາດດັ່ງກ່າວ ທ່ານປະທານສະມາຄົມ ໄດ້ກ່າວຫຍໍ້ກ່ຽວກັບການຈັດງານດັ່ງກ່າວວ່າ: 65 ປີແຫ່ງການເຕີບໃຫຍ່ຂະຫຍາຍຕົວຂອງສື່ມວນຊົນລາວ,
ເຊິ່ງເປັນປີອີກໜຶ່ງທີ່ສຳຄັນ
ແລະ ໃນປີນີ້ສະມາຄົມນັກຂ່າວແຫ່ງ ສປປ ລາວ ຈະໄດ້ພ້ອມກັນຈັດງານວາງສະແດງມູນເຊື້ອຂອງສື່ມວນຊົນ ຂຶ້ນທີ່ສູນການຄ້າລາວ-ໄອເຕັກ ນັບແຕ່ວັນທີ
8-16 ສິງຫາ 2015 ນີ້, ຊຶ່ງຈະັມີຮ້ານວາງສະແດງຫລາຍກວ່າ 50 ຮ້ານ ແລະ ຈະມີການສະແດງສິລະປະ, ສ້າງຄວາມ
ບັນເທິງຕ່າງໆ
ແລະ ໃນວັນທີ 13 ສິງຫາ 2015ນີ້ຈະມີງານໂຮມຊຸມນຸມໃຫຍ່,
ໂດຍການເຂົ້າຮ່ວມຂອງບັນດາສື່ຕ່າງໆເຊັ່ນ:
ໜັງສືພິມ,
ວາລະສານ, ວິທະຍຸ ແລະ ໂທລະພາບ ໃນນະຄອນຫລວງວຽງຈັນ
ແລະ ແຂວງຕ່າງໆໃນທົ່ວປະເທດ.
No comments:
Post a Comment