ພະບາດສົມເດັດ ພະບໍຣົມມະນຽດ
ໂນໂຣດົມ ສີຫາໂມນີ ພະມະຫາກະສັດ ແຫ່ງ ຣາຊະອານາຈັກ ກຳປູ ເຈຍ ພ້ອມດ້ວຍຄະນະ ສຳເລັດການຢ້ຽມຢາມລັດຖະກິດ ທີ່ສາທາລະນະລັດ ປະຊາທິປະໄຕ ປະຊາຊົນລາວ
ແຕ່ວັນທີ 21-23 ທັນວາ 2015. ໂດຍຕອບສະໜອງຕາມການເຊີນຂອງ
ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ເຊິ່ງເປັນການສະເດັດມາຢ້ຽມຢາມຄັ້ງທໍາອິດ ພາຍຫລັງທີ່ສົມເດັດ ໄດ້ຂຶ້ນຄອງລາດ.
ໄລຍະການເຄື່ອນໄຫວຢ້ຽມຢາມ
ສປປ
ລາວ
ນີ້,
ພະບາດສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ໄດ້ພົບປະປຶກສາຫາລືຮ່ວມກັນກັບ ທ່ານ
ປະທານປະເທດ
ຈູມມາລີ ໄຊຍະສອນ, ເຊິ່ງປະມຸກລັດທັງສອງປະເທດ ໄດ້ສະແດງຄວາມເພິ່ງພໍໃຈຕໍ່ສາຍພົວພັນມິດຕະພາບ ທີ່ມີມາແຕ່ດົນນານຖານບ້ານໃກ້ເຮືອນຄຽງທີ່ດີຕໍ່ກັນ ລະຫວ່າງສອງປະເທດ
ກໍຄື
ປະຊາຊົນສອງຊາດລາວ
ແລະ
ກຳປູເຈຍ
ທີ່ນັບມື້ແໜ້ນແຟ້ນ, ພ້ອມທັງສະແດງຄວາມ
ຊົມເຊີຍ
ຕໍ່ຄວາມຄືບໜ້າຂອງວຽກງານຊາຍແດນ
ທີ່ສອງຝ່າຍໄດ້ຮ່ວມກັນສໍາຫລວດ ແລະ ປັກຫລັກໝາຍຊາຍແດນໄດ້ເປັນສ່ວນໃຫຍ່, ສ່ວນທີ່ຍັງຄົງຄ້າງ ແມ່ນສະເໜີ
ໃຫ້ສືບຕໍ່ຊຸກຍູ້ໜ່ວຍງານທີ່ກ່ຽວຂ້ອງຮີບຮ້ອນຮ່ວມມືກັນແກ້ໄຂ
ບົນຈິດໃຈທີ່ເປັນຍາດພີ່ນ້ອງບ້ານໃກ້ເຮືອນຄຽງດ້ວຍກັນ ໃຫ້ໄດ້ຮັບຜົນສໍາເລັດໂດຍໄວ ແລະ ໄດ້ຕີລາຄາສູງຕໍ່ໝາກຜົນຂອງການຮ່ວມມືຊ່ວຍເຫລືອເຊິ່ງກັນ ແລະ ກັນ ໃນດ້ານຕ່າງໆ ອັນໄດ້ນຳເອົາຜົນປະໂຫຍດຕົວຈິງ ມາສູ່ປະຊາຊົນຂອງທັງສອງປະເທດ.
ໃນໂອກາດດຽວກັນ ພະບາດສົມເດັດ
ພະບໍຣົມມະນຽດ ໂນໂຣດົມ ສີຫາໂມນີ ພ້ອມຄະນະ ໄດ້ສະເດັດໄປວາງພວງມະລາ
ທີ່ອານຸສາວະລີນັກຮົມນິລະນາມ(ດາວແດງ), ຈາກນັ້ນ
ກໍໄດ້ສະເດັດໄປຢ້ຽມຊົມວັດສີສະເກດ ໂດຍໄດ້ມອບພະພຸດທະຮູບ
ໃຫ້ແກ່ວັດດັ່ງກ່າວ,
ໄປຢ້ຽມຢາມຫໍພິພິທະພັນແຫ່ງຊາດ ແລະ ໃນຕອນເຊົ້າວັນທີ 23 ທັນວາ 2015
ພະບາດສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ພ້ອມດ້ວຍຄະນະ ກໍໄດ້ເດີນທາງກັບຄືນ
ຣາຊະອານາຈັດກຳປູເຈຍ
ດ້ວຍຄວາມສະຫວັດດີພາບ.
No comments:
Post a Comment