ກະຊວງກະສິກຳ ແລະ
ປ່າໄມ້ໃຫ້ຮູ້ວ່າ: ໃນເດືອນພະຈິກ 2015 ຜ່ານມາເຈົ້າໜ້າທີ່ກວດກາປ່າໄມ້ແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ ສາມາດຍຶດໄມ້ເຖື່ອນທີ່ມີການລັກລອບເຄື່ອນຍ້າຍ ແລະ ນຳສົ່ງໄປຂາຍຢູ່ຕ່າງປະເທດ, ມີຈຳນວນ1.157 ທ່ອນ, ບໍລິມາດ 291 ພັນກວ່າແມັດກ້ອນ, ກັກລົດແກ່ໄມ້ໄດ້ 8 ຄັນ ແລະ ຍຶດຈັກຕັດໄມ້ໄດ້ 17 ໜ່ວຍ, ພ້ອມກັນນີ້ເຈົ້າໜ້າທີ່ຍັງໄດ້ດຳເນີນຄະດີຕໍ່ຜູ້ທີ່ລັກລອບບຸກລຸກຊັບພະຍາກອນປ່າໄມ້ຕື່ມອີກ 3 ຄະດີ, ກະຊວງດັ່ງກ່າວໃຫ້ຮູ້ອີກວ່າ: ຕະຫຼອດໄລຍະຜ່ານມາເຖິງວ່າເຈົ້າໜ້າທີ່ກວດກາປ່າໄມ້ຈະເອົາໃຈໃສ່ຄຸ້ມຄອງປ່າໄມ້ດ້ວຍການສະກັດກັ້ນການລັກລອບຕັດໄມ້ທຳລາຍປ່າຢ່າງເຂັ້ມງວດກໍຕາມ, ແຕ່ການລັກລອບຕັດໄມ້ທຳລາຍປ່າ ແລະ ຄ້າຂາຍໄມ້ແບບຜິດກົດໝາຍກໍຍັງປາກົດ
ມີແຜ່ຫຼາຍຢູ່, ຍ້ອນຄວາມເຫັນແກ່ຕົວຂອງຄົນບໍ່ດີຈຳນວນໜຶ່ງ ໂດຍອາໄສຊ່ອງຫວ່າງສວຍໂອກາດຕອນເຈົ້າໜ້າທີ່ເຜີຕົວ. ກະຊວງກະສິກຳ ແລະ ປ່າໄມ້ໃຫ້ຮູ້ອີກວ່າ: ໃນເດືອນຜ່ານມາເຈົ້າໜ້າທີ່ກົມກວດກາປ່າໄມ້ໄດ້ລົງເຜີຍແຜ່ລະບຽບກົດໝາຍປ່າໄມ້ໃຫ້ບ້ານເປົ້າໝາຍ 3 ສ້າງຢູ່ແຂວງບໍລິຄຳໄຊ, ຄຳມ່ວນ, ສະຫວັນນະເຂດ ແລະ ຫຼວງນ້ຳທາ, ເພື່ອໃຫ້ເຂົາເຈົ້າມີຄວມຮູ້ຮັບເຂົ້າໃຈ ແລະ ມີສ່ວນຮ່ວມໃນການອະນຸລັກປົກປັກຮັກສາປ່າໄມ້ໃຫ້ຍືນຍົງ.
No comments:
Post a Comment