ວັນທີ 14 ມັງກອນນີ້, ບໍລິສັດ ຟອດມໍເຕີ້, ໄດ້ມອບທຶນການສຶກສາ ຈຳນວນ 20 ພັນໂດລາສະຫະລັດ ໃຫ້ສະຖາບັນການທ່ອງທ່ຽວ ແລະ ການໂຮງແຮມແຫ່ງຊາດ ລານິດ, ພາຍໃຕ້ໂຄງການອະນຸລັກ ແລະ ປົກປັກຮັກສາສິ່ງແວດລ້ອມໃນລາວ ທີ່ບໍລິສັດເປັນຜູ້ດຳເນີນການ.
ຜູ້ອຳນວຍການຝ່າຍຂາຍບໍລິສັດ ຟອດມໍເຕີ ກ່າວວ່າ: ບໍລິສັດ ຟອດມໍເຕີ ມີຄວາມມຸ້ງໝັ້ນທີ່ຈະຮັກສາສິ່ງແວດລ້ອມ ເພື່ອອະນາຄົດຂອງລູກຫລານໃນຮຸ້ນຕໍ່ໆໄປ ແລະ ແນະນຳການແກ້ໄຂບັນຫາສິ່ງແວດລ້ອມແບບຍືນຍົງ ເພື່ອໃຫ້ໂລກເຮົາໜ້າຢູ່ຕະຫລອດໄປ,
ຊຶ່ງໂຄງການນີ້ ແມ່ນການສະໜັບສະໜູນທຶນການສຶກສາ, ເພື່ອໃຫ້ພາກສ່ວນກ່ຽວ ຂ້ອງໄດ້ນຳໄປປະຕິບັດໂຄງການດັ່ງກ່າວໃຫ້ບັນລຸຕາມເປົ້າໝາຍທີ່ໄດ້ວາງໄວ້.
ຜູ້ອຳນວຍການສະຖາບັນການທ່ອງທ່ຽວ ແລະ ການໂຮງແຮມແຫ່ງຊາດ ລານິດ ກໍໄດ້ກ່າວສະແດງຄວາມຂອບອົກຂອບໃຈມາຍັງບໍລິສັດຟອດ ທີ່ໄດ້ສະໜັບສະໜູນທຶນການສຶກສາໃຫ້ນັກສຶກສາຜູ້ທີ່ຂາດແຄນທຶນ ແລະ ບໍ່ມີໂອກາດໃນການສຶກສາ, ຊຶ່ງຈຳນວນທຶນດັ່ງກ່າວຈະໄດ້ແບ່ງປັນໃຫ້ນັກສຶກສາ ຈຳນວນ 11 ຄົນທີ່ກຳລັງສຶກສາຢູ່ໃນສົກຮຽນ 2015-2017,
ເພື່ອໃຫ້ເຂົາເຈົ້າ ໄດ້ມີເງື່ອນໄຂສຶກສາຮ່ຳຮຽນຈົນຈົບວິຊາຊີບ ແລະ ນຳໄປພັດທະນາຊຸມຊຸມ, ຄອບຄົວ ແລະ ຕົນເອງໃຫ້ພົ້ນອອກຈາກຄວາມທຸກຍາກໄດ້ເທື່ອລະກ້າວ.
No comments:
Post a Comment