ຄ້າຍເພງ ທີເຄ ຊາວລາວ ເປີດຜົນງານເພງໃໝ່
ໃນວັນທີ 28 ມັງກອນນີ້ ຢູ່ທີ່ຮ້ານອາຫານນັດພົບ2, ບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ຄ້າຍເພງ ທີເຄ ຊາວລາວ ໄດ້ຈັດງານພົບປະສິນລະປິນຈາກຄ້າຍເພງຂອງຕົນ ແລະ ໄດ້ນຳສະເໜີຜົນງານເພັງໃໝ່ໆຫລ້າສຸດທີ່ຈະອອກມາໃນປີນີ້ລວມມີ 11 ກວ່າບົດດ້ວຍກັນ ເພື່ອນຳສະເໜີໃຫ້ຮູ້ຈັກກ່ອນ, ຈະໄດ້ຮັບຟັງ ແລະ ຮັບຊົມແບບເຕັມໆໃນແຕ່ລະເດືອນ, ເພາະທາງຄ້າຍ ທີເຄ ຊາວລາວ ຈະປ່ອຍອອກມາປະມານ 2 ບົດເພງຕໍ່ເດືອນ, ຊຶ່ງລວມມີນັກສິລະປິນທັງໝົດ 11 ກ່ວາທ່ານ, ໃນນັ້ນມີນັກຮ້ອງນ້ອງໃໝ່ອີກຈຳນວນໜຶ່ງ, ທີ່ໄດ້ນຳເອົາບົດເພງໃໝ່ໆຂອງຕົນມານຳສະເໜີເຊັ່ນ: ສາວ ມິນິ
ແອງເຈີ, ມາໃນບົດເພງທີ່ມີຊື່ວ່າ: ( ຂ້ອຍບໍ່ແມ່ນນາງຟ້າ ), ໜຸ່ມວິນ ນະຄອນຊຳ, ມາໃນບົດເພງທຳອິດຂອງຕົນທີ່ມີຊື່ວ່າ: ( ຫົວໃຈຂີ້ດື້ ), ໜຸ່ມ ສອນໄຊ
ໄຊຮຸ່ງເຮືອງ, ກໍຈະແນະນຳຜົນງານເພງຂອງຕົນຊື່ວ່າ: ( ສາວຕາຕູບ ), ສາວ ໂອ່ນິ໋ນ່າ, ຊຶ່ງຈະມາກັບບົດເພງທີ່ມີຊື່ວ່າ: ( ຜູ້ສາວເກົ່າ ), ໜຸ່ມ ຕົ້ນຄູນ ສຸນາເຄນ, ມາໃນບົດເພງ: ( ສາວນາຊອນ ), ສາວ ສຸດທິດາ ປານ້ອຍ, ມາພ້ອມບົດເພງ: ( ຫຼາຍໃຈຮັບບໍ່ໄດ້ອີຫລີ ), ໜຸ່ມ ເຕຊິນ ວົງທອງຄຳ, ມາແນະນຳບົດເພງຂອງຕົນເອງຊື່ວ່າ: ( ເຝົາໜ້າຈໍລໍຂໍ້ຄວາມ ), ສາວ ລິນທອງ ຄຳພູມີ, ກໍ່ຈະແນະບົດເພງທີ່ມີຊື່ວ່າ: ( ປາຕິໂທ້ ແລະ ເພງ ທຳມະຊາດເຊໂດນ ) ແລະ ໜຸ່ມ ຄົມ
ຄົງຊະນະ, ຈະນຳສະເໜີບົດເພງທີ່ມີຊື່ວ່າ: ( ເປັນຂ້ອຍຫຼາຍໃຈຮັບໄດ້ບໍ່ ), ສ່ວນ ບຸນເກີດ ໜູຫ່ວງ ແມ່ນມາຮ່ວມກັບນັກຮ້ອງໜ້າໃໝ່, ສາວ ຕ່າຍ ສີວິໄລ,
ມາໃນບົດເພງຄູ່ທີ່ມີຊື່ວ່າ: ( ຕ່າງໄວໃຈຕົງກັນ ). ນອກຈາກນີ້, ເຈົ້າຂອງຄ້າຍເພງໃຫ້ຮູ້ອີກວ່າ: ເພື່ອເປັນການແນະນຳຜົນງານໃໝ່ໆທີ່ຈະເກີດຂຶ້ນໃນວົງການເພງບ້ານນາ
ໃຫ້ປະຊາຊົນລາວບັນດາເຜົ່າໄດ້ຮັບຮູ້ກັບບັນດາສິລະປິນລາວ ແລະ ເປັນການຊຸກຍູ້ຜົນງານຂອງເຂົາເຈົ້າ, ທັງເປັນການເປີດໂອກາດໃຫ້ແກ່ນັກສິລະປິນ, ໄດ້ໃຊ້ຄວາມໄຝ່ຝັນຂອງຕົນອອກສູ່ສັງຄົມໄດ້ຮັບຮູ້ ໃນນັ້ນມີຈຳນວນນັກສິລະປິນ 9 ທ່ານໄດ້ຮັບໃບຍ້ອງຍໍຈາກກະຊວງຖະແຫຼງຂ່າວວັດທະ ນະທຳ ແລະ ທ່ອງທ່ຽວນຳດ້ວຍ.
No comments:
Post a Comment