ກະຊວງກະສິກຳປ່າໄມ້ໃຫ້ຮູ້ວ່າ: ການຜະລິດເຂົ້ານາແຊງປີນີ້ບັນລຸໄດ້ພຽງ 99.315 ເຮັກຕາ, ເທົ່າກັບ 88% ຂອງຕົວເລກແຜນ ການວາງໄວ້ເທົ່ານັ້ນ, ອັນເນື່ອງມາຈາກສະພາບອາກາດບໍ່ເອື້ອຍອຳນວຍ, ໃນນັ້ນພາກເໜືອປະຕິບັດໄດ້ 8.422 ເຮັກຕາ,
ເທົ່າກັບ 98 % ຂອງແຜນການ, ພາກກາງປະຕິບັດໄດ້ 66.216 ເຮັກຕາ, ເທົ່າກັບ 93 % ຂອງແຜນການ, ພາກໃຕ້ປະຕິບັດໄດ້ 24.667 ເຮັກ ຕາ, ເທົ່າກັບ 75% ຂອງແຜນການ ແລະ ປັດຈຸບັນຂະແໜງກະສິກຳ ແລະ ປ່າໄມ້ກໍໄດ້ສົ່ງພະນັກງານວິຊາການຂອງຕົນລົງຊຸກຍູ້ຊາວກະສິກອນສຸ່ມໃສ່ການຜະລິດໃຫ້ໄດ້ຮັບຜົນເຊັ່ນ: ການບົວລະບັດຮັກ ສາ, ກຽມພ້ອມປ້ອງກັນສັດຕູພືດ, ໃສ່ຝຸ່ນ, ເສຍຫຍ້າໃຫ້ດີ ເພື່ອສາມາດຍົກສະມັດຕະພາບການຜະລິດໃຫ້ສູງຂື້ນ. ຕາມຕົວເລກແຜນການຂອງລັດຖະບານວາງໄວ້ໃນສົກປີ 2015-2016 ໃຫ້ຜະລິດເຂົ້າໄດ້ຢ່າງ 4,2 ລ້ານໂຕນ
ເພື່ອສາມາດຄ້ຳປະກັນດ້ານສະບຽງອາຫານ, ໃນນັ້ນສະເພາະຜົນຜະລິດເຂົ້າ ນາແຊງໃຫ້ ບັນລຸໄດ້ຫຼາຍກ່າວ 577.000ໂຕນ.
No comments:
Post a Comment