ນະຄອນຫລວງວຽງຈັນຈັດການສອບເສັງນັກຮຽນເກັ່ງຂຶ້ນທີ່ ມ.ສ ວຽງຈັນ

ການສອບເສັງນັກຮຽນເກັ່ງ ຂັ້ນນະຄອນຫລວງວຽງຈັນ ປະ ຈຳສົກຮຽນ 2015-2016, ໄດ້ມີ ຂຶ້ນໃນຕອນເຊົ້າຂອງວັນທີ 15 ມີ ນານີ້, ຢູ່ສູນສອບເສັງ ມ.ສ ວຽງ ຈັນ, ເຊິ່ງມີນັກສອບເສັງຈາກ 9 ເມືອງທົ່ວນະຄອນຫລວງວຽງຈັນ ເຂົ້າຮ່ວມ ທັງໝົດ 618 ຄົນ, ຍິງ 411 ຄົນ ລວມມີຫ້ອງສອບ ເສັງ 26 ຫ້ອງ, ໃນນັ້ນ ຊັ້ນປໍ5 ມີ 150 ຄົນ, ຍິງ 114 ຄົນ, ຫ້ອງສອບເສັງ 6 ຫ້ອງ, ຊັ້ນມໍ4 ມີ 209 ຄົນ, ຍິງ 144 ຄົນ, ຫ້ອງສອບເສັງ 9 ຫ້ອງ ແລະ ມໍ7 ມີ 259 ຄົນ, ຍິງ 153 ຄົນ, ມີຫ້ອງສອບເສັງ 11 ຫ້ອງ.

ການສອບເສັງດັ່ງກ່າວ ເພື່ອ ປະຕິບັດຕາມຂໍ້ແຂ່ງຂັນສອນດີ, ສອນເກັ່ງ ທີ່ກະຊວງສຶກສາທິການ

ແລະ ກິລາກຳນົດໄວ້, ທັງເປັນການ ກະຕຸກຊຸກຍູ້ຂະບວນການສຶກສາ ຮ່ຳຮຽນຂອງນັກຮຽນຊັ້ນຕ່າງໆ ໃຫ້ນັບມື້ດີຂຶ້ນ ແລະ ທັງເປັນການ ຄັດເລືອກເອົາຕົວແທນນັກຮຽນ ເກັ່ງຂອງນະຄອນຫລວງວຽງຈັນ ເຂົ້າຮ່ວມການສອບເສັງນັກຮຽນ ເກັ່ງທົ່ວປະເທດທີ່ຈະມີຂຶ້ນໃນຕໍ່ໜ້ານີ້ໃຫ້ບັນລຸຜົນສຳເລັດ.