ທ່ານຫົວໜ້າກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ
ກ່າວວ່າ: ເພື່ອເຮັດໃຫ້ສັງຄົມ ສາມາດຕອບສະໜອງກັບໄພພິບັດທາງທຳມະຊາດໄດ້ໄວຂຶ້ນ, ຈຶ່ງຈຳເປັນຕ້ອງມີໜ່ວຍງານຊ່ວຍເຫລືອປະຈຳຢູ່ທຸກປະເທດໃນອາຊຽນ, ຊຶ່ງລາວເຮົາ ໄດ້ມີໜ່ວຍງານດັ່ງກ່າວ 4 ຄົນ ທີ່ກຽມພ້ອມໃຫ້ການຊ່ວຍເຫລືອ ເມື່ອເກີດໄພພິບັດຕ່າງໆ, ໃນນັ້ນ ມາຈາກກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ 2 ຄົນ ແລະ ກະຊວງແຮງງານສະຫວັດດີການສັງຄົມ 2 ຄົນ, ມາຮອດປັດຈຸບັນມີພຽງ 5 ປະເທດທີ່ເຂົ້າຮ່ວມຂະບວນການດັ່ງກ່າວຄື:
ອິນໂດເນເຊຍ, ຟີລິປິນ, ໄທ,
ກຳປູເຈຍ ແລະ ລາວເຮົາເທົ່ານັ້ນ.
ຄຳຂວັນ "ຫນຶ່ງອາຊຽນ, ຫນຶ່ງການຕອບໂຕ້ (One ASEAN,
One Response), ເປັນວິ
ໄສທັດໜຶ່ງ ທີ່ອາຊຽນໃຫ້ຄວາມສຳຄັນ, ຊຶ່ງມາຮອດປັດຈຸບັນມີຄວາມຄືບຫນ້າຫລາຍຂຶ້ນ, ຊຶ່ງສະແດງອອກໃຫ້ເຫັນວ່າ: ເມື່ອມີເຫດສຸກເສີນ ກໍຄືເກີດໄພພິບັດ ເປັນຕົ້ນ ແຜນດິນໄຫວ, ນ້ຳຖ້ວມ, ໄພແຫ້ງແລ້ງ ແລະ ອື່ນໆ
ໜ່ວຍງານດັ່ງກ່າວ ຈະເຂົ້າໄປຊ່ວຍເຫລືອໃນເບື້ອງຕົ້ນ ແລະ ໃຫ້ຄວາມອົບອຸ່ນແກ່ຜູ້ປະສົບໄພ,
ລວມໄປເຖິງການເບິ່ງແຍງໃນການດຳລົງຊີວິດຫລັງຈາກເກີດເຫດການຕ່າງໆ, ພ້ອມທັງຊ່ວຍເຫລືອດ້ານອາຫານການກິນ, ນ້ຳດື່ມ ແລະ ເຄື່ອງໃຊ້ທີ່ຈຳເປັນ, ຊຶ່ງເຫັນວ່າທາງໜ່ວຍງານດັ່ງກ່າວມີຄວາມພ້ອມຕະຫລອດເວລາ.
No comments:
Post a Comment