ການສອບເສັງນັກຮຽນເກັ່ງຊັ້ນມັດທະຍົມສຶກສາທົ່ວປະເທດ ມີຂຶ້ນ​ໃນວັນທີ 25-29 ເມສານີ້

          ການສອບເສັງນັກຮຽນເກັ່ງຊັ້ນມັດທະຍົມສຶກສາທົ່ວປະເທດ ປະຈຳສົກຮຽນ ປີ 2015-2016, ​ໄດ້​ຈັດ​ຂຶ້ນ​ໃນ​ວັນ​ທີ 25-29 ເມສານີ້, ທີ່ມະຫາວິທະຍາໄລແຫ່ງຊາດ ນະຄອນຫລວງວຽງຈັນ, ໂດຍມີນັກສອບເສັງເຂົ້າຮ່ວມທັງໝົດ 144 ຄົນ, ຍິງ 45 ຄົນ, ໃນນັ້ນ ຊັ້ນມ 4 ມີ 72 ຄົນ, ຍິງ 26 ຄົນ ແລະ ຊັ້ນມ 7 ມີ 72 ຄົນ, ຍິງ 19 ຄົນ, ເຊິ່ງຈະ ສອບເສັງໃນ 4 ວິຊາຄື: ຄະນິດສາດ, ພາສາລາວ-ວັນນະຄະດີ, ຟີຊິກສາດ ແລະ ເຄມີ ສາດ. ພ້ອມ​ນີ້ ຍັງ​ມີກິດຈະກຳແຂ່ງຂັນຖາມ-ຕອບ ບັນຫາວິທະຍາສາດ ແລະ ຄວາມຮູ້ ຮອບຕົວອີກ​ດ້ວຍ ​ແລະ ຈາກ​ນັ້ນ ກໍຈະນຳພານັກຮຽນໄປທັດ ສະນະສຶກສາຕາມສະຖານທີ່ປະຫວັດສາດ ແລະ ວັດທະນະທຳໃນນະຄອນ ຫລວງວຽງຈັນ.

          ທ່ານ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກິລາ ກ່າວ ວ່າ: ເພື່ອສົ່ງເສີມ ແລະ ຊຸກຍູ້ຂະບວນການສອນດີ-ຮຽນເກັ່ງ ໃຫ້ມີບັນຍາກາດຟົດຟື້ນ, ແລະ ມີຄຸນນະພາບຫລາຍຂຶ້ນ, ທັງເປັນການວັດແທກ ແລະ ປະເມີນຜົນສຳ ເລັດດ້ານການສິດສອນ-ຮ່ຳຮຽນຂອງຄູ ແລະ ນັກຮຽນ​ໃນ​ສົກຮຽນີ້ ເພື່ອຄັດເລືອກ ແລະ ສົ່ງເສີມນັກ ຮຽນເກັ່ງທີ່ມີພອນສະຫວັນໃນແຕ່ລະວິຊາເປັນຕົວແທນຂອງຊາດເພື່ອເຂົ້າຮ່ວມການແຂ່ງ ຂັນລະດັບພາກພື້ນ ແລະ ສາກົນ. ພ້ອມນີ້ ກົມມັດທະຍົມສຶກສາ ໄດ້ມີການປັບປຸງຮູບ ແບບ, ວິທີການ ແລະ ມາດຕະຖານ ຂອງການຮຽນ-ການສອນ ໃຫ້ກ້າວສູ່ມາດຕະຖານ ສາກົນ, ໂດຍການເຊີນຄູສອນຕົວຈິງ ແລະ ວິຊາການ ຜູ້ທີ່ມີປະສົບການມາອອກ ຂໍ້ສອບໃນຄັ້ງນີ້, ສ່ວນຜົນການສອບເສັງແມ່ນຈະປະກາດໃນທ້າຍເດືອນເມສານີ້, ຊຶ່ງນັກ ຮຽນເກັ່ງທີ່ໄດ້ອັນດັບທີ 1, 2 ແລະ 3 ຈະໄດ້ຮັບໃບຢັ້ງຢືນ, ໃບຍ້ອງຍໍ ແລະ ທຶນການ ສຶກສາ ຈຳນວນ​ໜຶ່ງ ພ້ອມທັງຫລຽນນັກຮຽນເກັ່ງ, ຈາກລັດຖະມົນຕີກະຊວງສຶກສາທິການ ແລະ ກິລາ ອີກດ້ວຍ.