ຕອບສະໜອງຕາມຄໍາເຊີນຂອງທ່ານ ສະເຫລີມໄຊ ກົມມະສິດ
ລັດຖະມົນຕີກະຊວງການຕ່າງປະ ເທດແຫ່ງ ສປປ
ລາວ, ທ່ານ ຟູມິໂອະ ກິຊິດະ
Mr. Fumio KISHIDA ລັດຖະມົນຕີກະຊວງການຕ່າງປະເທດຍີປຸ່ນ, ພ້ອມຄະນະຈະເດີນທາງມາຢ້ຽມຢາມ ສປປ ລາວ
ແຕ່ວັນທີ 4-5 ພືດສະພາທີ່ຈະເຖິງນີ້ເພື່ອເປັນການສົ່ງເສີມສາຍພົວພັນຮ່ວມມືອັນດີງາມລະຫວ່າງ ສປປ
ລາວ ແລະ ຍີ່ປຸ່ນໃຫ້ນັບມື້ແໜ້ນແຟ້ນຍິ່ງໆຂຶ້ນ.
ທ່ານ ຟູມິໂອະ ກິຊິດະ
ເກີດເມື່ອວັນທີ 29 ກໍລະກົດ 1957, ປີ 1982 ສຳເລັດການສຶກສາລະດັບປະລິນຍາຕີ ມະຫາວິທະຍາໄລວາເຊດະ
(ນິຕິສາດ) ເຂົ້າເຮັດວຽກຢູ່ທະນາຄານ LTCB ຍີ່ປຸ່ນ, 1987 ເປັນເລຂາສະມາຊິກສະພາຕໍ່າ, 1993 ໄດ້ຮັບເລືອກເຂົ້າເປັນສະມາຊິກສະພາຕໍ່າຄັ້ງທຳອິດ, 1999 ລັດຖະມົນຕີຊ່ວຍວ່າການກະຊວງການກໍ່ສ້າງຝ່າຍສະພາ (ລັດຖະບານ ໂອບູຈິ ສະໄໝທີ
2), 2000 ລັດຖະມົນຕີຊ່ວຍວ່າການກະຊວງການກໍ່ສ້າງຝ່າຍສະພາ (ລັດຖະບານ ໂມຣິ), 2001 ລັດຖະ ມົນຕີຊ່ວຍວ່າການກະຊວງສຶກສາ, ວັດທະນະທຳ, ກິລາ,
ວິທະຍາສາດ ແລະ
ເຕັກໂນໂລຊີ
(ລັດຖະ ບານ
ໂກອິຊຸມິ), 2005 ປະທານຄະນະກຳມະການ
ສາທາລະນະສຸກ, ແຮງງານ ແລະ ສະຫວັດດີການຂອງສະພາຕໍ່າຍີ່ປຸ່ນ, 2007 ລັດຖະມົນຕີຜູ້ຮັບຜິດຊອບວຽກງານສະເພາະ (ລັດຖະບານ ອາເບະ ສະໄໝທີ
1), 2008 ລັດຖະມົນຕີຮັບຜິດຊອບວຽກງານຜູ້ບໍລິໂພກ,
ລັດຖະມົນຕີຮັບຜິດຊອບນະໂຍບາຍອາວະກາດ (ລັດຖະບານ ຟຸກຸດະ), 2011 ປະທານຄະນະກຳມະການວຽກງານຝ່າຍສະພາຂອງພັກເສລີປະຊາທິປະໄຕ, ເດືອນທັນວາ 2012 ລັດຖະມົນຕີວ່າການກະຊວງການຕ່າງປະເທດ (ລັດຖະບານ ອາເບະ ສະໄໝທີ
2), ເດືອນກັນຍາ 2014 ລັດຖະມົນຕີວ່າການກະຊວງການຕ່າງປະເທດ (ລັດຖະບານ ອາເບະ ສະໄໝທີ
2-ປັບປຸງຄະນະລັດຖະບານ), ເດືອນທັນວາ 2014 ລັດຖະ ມົນຕີວ່າການກະຊວງການຕ່າງປະເທດ (ລັດຖະບານ ອາເບະ ສະໄໝທີ
3), ເດືອນຕຸລາ 2015 ລັດຖະມົນຕີວ່າການກະຊວງການຕ່າງປະເທດ (ລັດຖະບານ ອາເບະ ສະໄໝທີ
3-ປັບປຸງຄະນະລັດຖະບານ).
No comments:
Post a Comment