ພິທີໂຮມຊຸມນຸມສະເຫລີມສະຫລອງວັນສ້າງຕັ້ງກໍາລັງປ້ອງກັນຄວາມສະຫງົບຄົບຮອບ 55 ປີ (5 ເມສາ 1951 - 5 ເມສາ 2016), ໄດ້ຈັດຂຶ້ນໃນວັນທີ 4 ເມສານີ້, ໂດຍການໃຫ້ກຽດເຂົ້າຮ່ວມຂອງສະຫາຍຂາທິການໃຫຍ່ຄະນະບໍລິຫານງານພັກປະຊາຊົນປະຕິວັດລາວ ບຸນຍັງ ວໍລະຈິດ, ມີບັນດາການນໍາຂັ້ນສູງພັກ-ລັດ, ພ້ອມດ້ວຍພະນັກງານປະຕິວັດອາວຸໂສ, ນາຍ ແລະ ພົນຕໍາຫລວດເຂົ້າຮ່ວມຢ່າງຫລວງຫລາຍ.
ໃນໂອກາດອັນມີຄວາມໝາຍສໍາຄັນນີ້, ສະຫາຍ ພົນຕີ
ສົມແກ້ວ ສິລາວົງ
ລັດຖະມົນຕີກະຊວງປ້ອງກັນຄວາມສະຫງົບໄດ້ຍົກໃຫ້ເຫັນການເຕີບໃຫຍ່ຂະຫຍາຍຕົວຂອງກໍາລັງ ປກສ ຕະຫລອດໄລຍະ
55 ປີຜ່ານມາ, ເຊິ່ງແມ່ນກໍາລັງທີ່ໄວ້ເນື້ອເຊື່ອໃຈ, ເປັນກໍາລັງຫລັກແຫລ່ງແກ່ນສານໃນການປະຕິບັດແນວທາງ
ປກຊ-ປກສ ທົ່ວປວງຊົນຮອບດ້ານຂອງພັກ, ຮັບປະກັນຄວາມໝັ້ນຄົງພາຍໃນຊາດ, ສະກັດກັ້ນ ແລະ
ຕ້ານທຸກເລ້ຫລ່ຽມກົນອຸບາຍຂອງພວກອິດທິກໍາລັງປໍລະປັກທີ່ຫວັງທໍາລາຍມ້າງເພ, ແບ່ງແຍກ, ສ້າງຄວາມປັ່ນປ່ວນກໍ່ຄວາມບໍ່ສະຫງົບ ແລະ ຮັກສາຄວາມເປັນລະບຽບຮຽບຮ້ອຍຂອງສັງຄົມ, ປ້ອງກັນການນໍາພັກ-ລັດ, ແຂກພາຍໃນ ແລະ
ຕ່າງປະເທດ, ກອງປະຊຸມລະດັບຊາດ ແລະ
ສາກົນໃຫ້ມີຄວາມປອດໄພ, ຕອບສະໜອງກັບຄວາມຮຽກຮ້ອງຕ້ອງການຂອງພາລະກິດຕໍ່ສູ້ປົດປ່ອຍຊາດໃນເມື່ອກ່ອນ ແລະ ພາລະກິດປົກປັກຮັກສາ ແລະ
ສ້າງສາພັດທະນາປະເທດຊາດໃນປັດຈຸບັນ.
ໃນໂອກາດນີ້, ສະຫາຍເລຂາທິການໃຫຍ່ ບຸນຍັງ ວໍລະຈິດ
ໄດ້ໃຫ້ກຽດໂອ້ລົມຕໍ່ພິທີ, ຊຶ່ງກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຄະນະພັກ, ນາຍ ແລະ
ພົນຕໍາຫລວດຂອງກໍາລັງ ປກສ ທີ່ສາມາດຍາດໄດ້ຜົນງານ ແລະ
ໄຊຊະນະອັນພົ້ນເດັ່ນຫລາຍດ້ານ
ເຊິ່ງເປັນການສ້າງເງື່ອນໄຂອໍານວຍຄວາມສະດວກໃຫ້ແກ່ປະຊາຊົນບັນດາເຜົ່າທຸກຊັ້ນຄົນ ກໍຄືບັນດາພາກສ່ວນເສດຖະກິດ, ນັກລົງທຶນ, ນັກທ່ອງທ່ຽວທັງພາຍໃນ ແລະ
ຕ່າງປະເທດໄດ້ທໍາມາຫາກິນເຄື່ອນໄຫວເຮັດການຜະລິດ-ທຸລະກິດດ້ວຍຄວາມອຸ່ນອ່ຽນ, ປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດ ຮັບປະກັນໃຫ້ຄວາມປອດໄພໃຫ້ແກ່ກອງປະຊຸມທີ່ສໍາຄັນ ກໍຄືການສະເຫລີມສະຫລອງວັນບຸນທີ່ມີຄວາມໝາຍສໍາຄັນທາງປະຫວັດສາດ ແລະ ຂອງຊາດ, ພ້ອມເນັ້ນໃຫ້ກໍາລັງ ປກສ
ສືບຕໍ່ເອົາໃຈໃສ່ປັບປຸງ ແລະ
ເພີ່ມທະວີຄວາມສາມັກຄີພາຍໃນຕິດພັນກັບການເອົາໃຈໃສ່ສຶກສາອົບຮົມການເມືອງແນວຄິດ, ປັບປຸງລະບຽບວິໄນ, ເຊີດຊູສະຕິລະວັງຕົວ ແລະ
ກຽມພ້ອມສູ້ຮົບ ເພື່ອຕີຖອຍບັນດາປະກົດການຫຍໍ້ທໍ້ຢູ່ພາຍໃນຖັນແຖວກໍາລັງປ້ອງກັນຄວາມສະຫງົບ, ສ້າງສັດທາ ແລະ
ຄວາມເຊື່ອໝັ້ນຈາກປະຊາຊົນຢ່າງໜັກແໜ້ນ, ສືບຕໍ່ປະຕິບັດຍຸດທະສາດຫັນລົງກໍ່ສ້າງຮາກຖານການເມືອງຢ່າງແຂງແຮງ, ສືບຕໍ່ປັບປຸງ ແລະ
ກໍ່ສ້າງກໍາລັງປ້ອງກັນຄວາມສະຫງົບ ປະຊາຊົນໃຫ້ມີຄຸນນະພາບໃໝ່, ເອົາໃຈໃສ່ແກ້ໄຂຊີວິດການເປັນຢູ່ຂອງພະນັກງານ-ນັກຮົບ ທັງສາມາດແກ້ໄຂດ້ານພະລາທິການກັບທີ່ດ້ວຍການ ຈັດຕັ້ງເພີ່ມພູນຜະລິດຜົນ ເພື່ອຮັບປະກັນເບີ່ງແຍງກໍາລັງເປັນຢ່າງດີ, ຕ້ອງຍຶດໝັ້ນແນວທາງການຕ່າງ ປະເທດສັນຕິພາບ, ມິດຕະພາບ ແລະ
ການຮ່ວມມືຢ່າງສະເໝີຕົ້ນສະເໝີປາຍ, ສືບຕໍ່ຮັດແໜ້ນຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບ ສສ
ຫວຽດນາມ, ເພີ່ມທະວີມິດຕະພາບ ແລະ
ການພົວພັນເປັນຄູ່ຮ່ວມມືຍຸດທະສາດຮອບດ້ານກັບ ສປ ຈີນ, ຮັດແໜ້ນສາຍພົວພັນຮ່ວມມືກັບບັນດາປະເທດທີ່ມີຊາຍແດນຕິດຈອດກັບ ສປປ ລາວ, ບັນດາປະເທດອາຊຽນ ແລະ ປະເທດເພື່ອນມິດສາກົນອື່ນໆ.
ໃນໂອກາດນີ້, ສະຫາຍເລຂາທິການໃຫຍ່ໄດ້ໃຫ້ກຽດມອບຫລຽນໄຊແຮງງານຊັ້ນ I ໃຫ້ກະຊວງປ້ອງກັນຄວາມສະຫງົບ ແລະ ມອບຫລຽນໄຊແຮງງານຊັ້ນ II ໃຫ້ກົມກອງຈໍານວນ 9 ກົມກອງ ແລະ ຫລຽນໄຊແຮງງານຊັ້ນ III ໃຫ້ກົມກອງຈໍານວນ 27 ກົມກອງ ທີ່ມີຜົນງານເດັ່ນຕະຫລອດໄລຍະຜ່ານມາ.
No comments:
Post a Comment