ວັນທີ
6 ເມສານີ້, ຄະນະພັກກະຊວງສາທາລະນະສຸກໄດ້ມອບໃບຢັ້ງຢືນໜ່ວຍພັກ ແຂງ,ຮູ້ນຳພາຮອບດ້ານສະໄໝ ທີ
4 ປະຈຳປີ 2015 ໃຫ້ແກ່ໜ່ວຍພັກໂຮງໝໍ ແມ່ ແລະ ເດັກເກີດໃໝ່,ໂດຍພິທີ ໄດ້ຈັດຂື້ນຢູ່ໂຮງໝໍດັ່ງກ່າວລະຫວ່າງ ທ່ານ ດຣ
ຄຳພອນ ພຸດທະວົງ ເລຂາຄະນະພັກກະຊວງສາທາລະນະສຸກ, ຮັກສາການລັດຖະມົນຕີກະຊວງສາທາລະນະສຸກ ແລະ ທ່ານ ຮອງສາສະດາຈານ ດຣ
ບົວວັນ ແສນສະຖິດ, ຮັກສາການໜ່ວຍພັກໂຮງໝໍແມ່ ແລະ ເດັກ, ອຳນວຍການໂຮງໝໍແມ່ ແລະ ເດັກ, ໂດຍອີງຕາມຜົນການກວດກາຂອງຄະນະກວດກາຂະບວນການກໍ່ສ້າງໜ່ວຍພັກແຂງ,ຮູ້ນຳພາຮອບດ້ານຂັ້ນກະຊວງ,ຢູ່
ໜ່ວຍພັກ ໂຮງໝໍແມ່ ແລະ ເດັກ ຄັ້ງວັນທີ
18 – 19 ພະຈິກ 2015 ແລະ ອີງຕາມການຕົກລົງເຫັນດີຂອງກອງປະຊຸມຄະນະປະຈຳພັກກະຊວງສາທາລະນະສຸກ ແລະ ການຢັ້ງຢືນຂອງຄະນະກວດກາດັ່ງກ່າວຄັ້ງວັນທີ
29 ມັງກອນ 2016 ,ດັ່ງນັ້ນຄະນະພັກກະຊວງສາທາລະນະສຸກຈຶ່ງຕົກລົງເຫັນດີມອບໃບຢັ້ງຢືນໜ່ວຍພັກແຂງຮູ້ນຳພາຮອບດ້ານສະໄໝທີ
4 ປະຈຳປີ 2015 ໃຫ້ແກ່ໂຮງໝໍແມ່ ແລະ ເດັກເກີດໃໝ່.
ໃນພິທີຄະນະພັກກະຊວງສາທາລະນະສຸກໄດ້ຕີລາຄາຄືນຈຸດດີ,ຈຸດອ່ອນ ແລະ ຜົນງານຕ່າງໆທີ່ໜ່ວຍພັກໂຮງໝໍ ແມ່ ແລະ ເດັກຍາດມາໄດ້ໃນໄລຍະຜ່ານມາ,
ພ້ອມທັງເນັ້ນໃຫ້ສືບຕໍ່ຮັກສາມູນເຊື້ອໜ່ວຍພັກແຂງ ຮູ້ນຳພາຮອບດ້ານສະໄໝທີ
4 ນີ້, ໂດຍສະເພາະແມ່ນບັນດາສະມາຊິກພັກຈົ່ງເພີ່ມທະວີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ, ສືບຕໍ່ເຊື່ອມຊືມແນວທາງນະໂຍບາຍຂອງພັກຕາມບົດບາດ ແລະ ພາລະໜ້າທີ່ຂອງຕົນທີ່ໄດ້ຮັບມອບໝາຍໃຫ້ປະສົບຜົນສຳເລດຢ່າງດີ.
No comments:
Post a Comment