ກອງປະຊຸມ
ສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 15 ເຊິ່ງຈະມີຂຶ້ນ
ທີ່ແຂວງຫລວງພະບາງໃນຕົ້ນເດືອນໜ້ານີ້ ຈະມີການພິຈາລະນາ ແລະ ຮັບຮອງເອົາເອກະສານສຳຄັນ 2
ສະ ບັບ ຄື: ຖະແຫລງການວຽງຈັນ ວ່າດ້ວຍການຫັນຈ້າງງານນອກລະບົບ ໄປສູ່ການຈ້າງງານໃນລະ ບົບ
ສົ່ງເສີມວຽກທີ່ມີຄຸນຄ່າ ແລະ ເປັນທຳໃນອາຊຽນ ເຊິ່ງເປັນຂໍ້ລິເລີ່ມຂອງສປປ ລາວ ແລະ ຖະ ແຫລງການວຽງຈັນວ່າດ້ວຍການຊຸກຍູ້
ແລະ ສົ່ງເສີມການຮ່ວມມື ທາງດ້ານມໍລະດົກວັດທະນະທຳໃນອາຊຽນ.
ທ່ານ
ປິ່ນປາຖາໜາ ພັນທະມາລີ ຫົວໜ້າກົມສື່ມວນຊົນ ກະຊວງຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ ໃຫ້ຮູ້ວ່າ: ກອງປະຊຸມຄັ້ງນີ້
ບັນດາປະເທດສະມາຊິກອາຊຽນ ຍັງຈະພ້ອມກັນປຶກສາຫາລືຫາວິທີທາງ ແລະ
ມາດຕະການແກ້ໄຂຂໍ້ຄົງຄ້າງໃນການຈັດຕັ້ງປະຕິບັດວຽກງານ ກໍຄື
ການຜັນຂະຫຍາຍ
ແຜ່ນແມ່ບົດຂອງເສົາຄ້ຳ ຮອດປີ 2025 ໃຫ້ບັນລຸເປົ້າໝາຍທີ່ອາຊຽນກຳນົດໄວ້
ໂດຍສະເພາະແມ່ນວິໄສທັດຂອງອາຊຽນ 2025. ເພື່ອຮັບປະກັນວ່າ
ປະຊາຄົມວັດທະນະທຳ-ສັງຄົມອາຊຽນ ຕ້ອງເປັນປະຊາຄົມທີ່ມີການພົວພັນກັບປະຊາຊົນ, ມີຄວາມກົມກຽວ, ເປີດກວ້າງ, ໂອບເອື້ອອາລີສາມັກຄີປອງດອງ ແລະ ນຳຜົນປະໂຫຍດມາສູ່ປະຊາຊົນ, ທັງເປັນປະຊາຄົມທີ່ເຂັ້ມແຂງຍືນຍົງ ແລະ ເປັນທີ່ເພິ່ງພາຕົນເອງໄດ້.
ກອງປະຊຸມ
ສະພາປະຊາຄົມວັດທະນະທຳ-ສັງຄົມອາຊຽນ ແມ່ນກອງປະຊຸມໜຶ່ງ ທີ່ສຳຄັນໃນ 3 ເສົາຄ້ຳ
ທີ່ຈະໄດ້ຈັດຂຶ້ນ 2 ຮອບ ໃນໄລຍະເປັນປະທານອາຊຽນ ເຊິ່ງແມ່ນລະດັບລັດຖະມົນຕີຂອງຂະແໜງການໃດໜຶ່ງໃນບັນດາປະເທດສະມາຊິກອາຊຽນ
ເປັນຕົວແທນໃຫ້ບັນດາຂະແໜງ ການກ່ຽວຂ້ອງພາຍໃຕ້ເສົາຄ້ຳດັ່ງກ່າວ ທີ່ກວມ 14 ຂະແໜງການ ຄື:
ຖະແຫລງຂ່າວ,
ວັດທະນະທຳ ແລະ ທ່ອງທ່ຽວ, ການສຶກສາ ແລະ
ກິລາ, ສິ່ງແວດລ້ອມ, ຄຸ້ມຄອງໄພພິບັດ,
ສາທາລະນະສຸກ, ແຮງງານ ແລະ ສະ
ຫວັດດີການສັງຄົມ, ແມ່ຍິງ, ການລຶບລ້າງຄວາມທຸກຍາກ,
ຊາວໜຸ່ມ ແລະ ວິທະຍາສາດ-ເຕັກໂນໂລຊີ.
ຕາມກົດບັດອາຊຽນ
ກໍຄື ຄຳໝາຍໝັ້ນຂອງບັນດາຜູ້ນຳອາຊຽນ ແມ່ນໄດ້ກຳນົດໄວ້ຢ່າງລະ ອຽດຊັດເຈນວ່າ:
ປະຊາຄົມອາຊຽນແມ່ນປະກອບດ້ວຍ 3 ເສົາຄ້ຳ ຄື: ການເມືອງຄວາມໝັ້ນຄົງ, ວັດທະນະ ທຳ-ສັງຄົມ ແລະ ເສົາຄ້ຳທາງເສດຖະກິດ.
ເຊິ່ງປະເທດທີ່ໄດ້ຮັບຮອບວຽນເປັນປະທານອາຊຽນ ຕາມລຳ ດັບຕົວອັກສອນພາສາອັງກິດ
ຕ້ອງເປັນເຈົ້າການຈັດກອງປະຊຸມທັງ 3 ເສົາຄ້ຳ ຄຽງຄູ່ກັບກອງປະຊຸມສຸດຍອດອາຊຽນ.
No comments:
Post a Comment