ປກສ ເມືອງຈັນທະບູລີ ມອບລົດຈັກ 22 ຄັນໃຫ້ເຈົ້າຂອງເດີມ

ຂ່າວ-ພາບ : ຫນັງສືພິມ ປກສ

            ເມື່ອທ້າຍອາທິດຜ່ານມານີ້, ກອງບັນຊາການ ປກສ ເມືອງຈັນທະບູລີ ນະຄອນຫລວງວຽງຈັນ ໄດ້ ມອບລົດຈັກ 22 ຄັນ ທີ່ຖືກຄົນຮ້າຍລັກໄປ ມອບຄືນໃຫ້ເຈົ້າຂອງເດີມ ແລະ ສາມາດນຳຈັບຕົວຜູ້ຕ້ອງຫາ ເປັນຈຳນວນຫລາຍມາດຳເນີນຄະດີຄື: ທ້າວ ພຸດຕີ້ ອາຍຸ 26 ປີ ຢູ່ບ້ານໂພນຕ້ອງຈອມມະສີ, ທ້າວ ແອນ້ອຍ (ເປດ) ອາຍຸ 33 ປີ ຢູ່ບ້ານໂພນຕ້ອງສະຫວາດ, ທ້າວ ວິລະພົນ ຢູ່ບ້ານຫ້ວຍຫົງ, ທ້າວ ວິລະຊາດ ອາຍຸ 36 ປີ ຢູ່ບ້ານທົ່ງສ້າງນາງ, ທ້າວ ສົມເພັດ ຢູ່ບ້ານໂນນຂີ້ເຫລັກ, ທ້າວ ຄໍາພຽນ ອາຍຸ 20 ປີ ຢູ່ບ້ານໜອງສະໂນຄຳ ເມືອງສີໂຄດຕະບອງ, ທ້າວ ຈ່ອຍ ອາຍຸ

20 ປີ ຢູບ້ານນາສ້ຽວ ເມືອງນາຊາຍທອງ, ທ້າວ ພູເຂົາຄຳ ອາຍຸ 19 ປີ ຢູ່ບ້ານທົ່ງພານທອງ, ທ້າວ ສີລາ ອາຍຸ 25 ປີ, ທ້າວ ອາລຸນ ອາຍຸ 24 ປີ ຢູ່ບ້ານໂພນປ່າເປົ້າ, ທ້າວ ພອນສະຫວັນ ອາຍຸ 31 ປີ ຢູ່ບ້ານໂນນສະ ອາດ ເມືອງໄຊທານີ ແລະ ມາຮອດຕົ້ນປີນີ້ ກໍສາມາດຈັບຂະບວນການລັກລົດໄດ້ຕື່ມອີກ ຄືທ້າວ ຄຳເພັດ ອາຍຸ 17 ປີ ຢູ່ບ້ານຕາດທອງ, ທ້າວ ຫັດສະດີ ອາຍຸ 15 ປີ, ທ້າວ ກີຕາ ອາຍຸ 18 ປີ ຢູ່ບ້ານທົ່ງປົ່ງ, ທ້າວ ອາພາກອນ ອາຍຸ 18 ປີ, ທ້າວ ວົງພະຈັນ ອາຍຸ 19 ປີ, ທ້າວ ເອກະພົນ ອາຍຸ 15 ປີ ຢູ່ບ້ານນາເລົ່າ, ທ້າວ ຄຸນສະຫວັດ ອາຍຸ 18 ປີ ຢູ່ບ້ານໂນນຂີ້ເຫລັກ ແລະ ທ້າວ ໄຊ ອາຍຸ 21 ປີ ຢູ່ບ້ານໂພນປ່າເປົ້າ.

    ເຈົ້າໜ້າທີ່ໃຫ້ຮູ້ວ່າ: ພວກກ່ຽວແມ່ນກຸ່ມລັກລົດອັນຕະລາຍໃນນະຄອນຫລວງວຽງຈັນ ເຊິ່ງເຈົ້າໜ້າທີ່ຈະຂະຫຍາຍຜົນຫາຜູ້ຮ່ວມຂະບວນການ ມາດຳເນີນຄະດີໃຫ້ໄດ້ໂດຍໄວ.