ລະວັງ ພະຍຸໄຊໂຄນ ຈະເຂົ້າມາລາວໃນມໍ່ໆນີ້

          ກົມອຸຕຸນິຍົມ ແລະ ອຸທົກກະສາດ ເຕືອນວ່າ: ພະຍຸໄຊໂຄນ (ໂຣອານຸ), ເຊິ່ງປັດຈຸ ບັນມີສູນກາງຢູ່ທາງທິດຕາເວັນຕົກຂອງວ່າວເບັ່ງການ ແລະ ກຳລັງເຄື່ອນໄປທາງທິດ ຕາເວັນອອກສ່ຽງເໜືອດ້ວຍຄວາມໄວ 14 ກິໂລແມັດຕໍ່ຊົ່ວໂມງ, ລຽບຕາມແຄມຝັ່ງດ້ານ ຕາເວັນອອກຂອງປະເທດອິນເດຍ, ຊຶ່ງພະຍຸຫົວນີ້ ໄດ້ເຄື່ອນເຂົ້າຝັ່ງປະເທດບັງກາລາເທດ ແລະ ມຽນມາ ໃນຄືນວັນທີ 21 ພຶດສະພາຜ່ານມາ, ຕະຫລອດໄລຍະການເຄື່ອນທີ່ ຂອງພະຍຸ ຈະເຮັດໃຫ້ເກີດມີກະແສລົມມໍລະສຸມຕາເວັນຕົກສ່ຽງໃຕ້ພັດປົກຄຸມຢູ່ລາວ, ດ້ວຍກຳລັງແຮງ, ເຊິ່ງຈະເຮັດໃຫ້ມີຝົນຕົກຟ້າຄະນອງ ແລະ ລົມພັດແຮງ ຢູ່ບັນດາແຂວງ ພາກເໜືອລົງຫາພາກກາງລາວ ໃນໄລຍະວັນທີ 23-24 ພຶດສະພານີ້. ດັ່ງນັ້ນ ຈຶ່ງເຕືອນເຖິງ ປະຊາຊົນ ທີ່ອາໄສຢູ່ແຂວງ

ຜົ້ງສາລີ, ຫລວງນ້ຳທາ, ບໍ່ແກ້ວ, ຫລວງພະບາງ, ໄຊຍະບູລີ, ນະຄອນ ຫລວງວຽງຈັນ, ແຂວງວຽງຈັນ, ໄຊສົມບູນ, ບໍລິຄຳໄຊ ແລະ ແຂວງຄຳມ່ວນ, ຈົ່ງມີສະຕິກຽມພ້ອມຮັບມືກັບສະພາບຝົນຕົກແຮງ ດິນເຈື່ອນ, ເຊິ່ງອາດຈະມີຕົ້ນໄມ້ຫັກ, ເຮືອນຊານເປ່ເພ ແລະ ຂໍໃຫ້ຢູ່ຫ່າງໄກຈາກສິ່ງປູກສ້າງທີ່ບໍ່ໄດ້ມາດຕະຖານ ແລະ ຕົ້ນໄມ້ໃຫຍ່ ເພື່ອປ້ອງກັນການເກີດອຸປະຕິເຫດທີ່ພະຍຸດັ່ງກ່າວກໍຂຶ້ນ.