ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນສືບຕໍ່ຫາລືຫລາຍບັນຫາ

          ເຊົ້າວັນທີ 2 ສິງຫານີ້, ຢູ່ໂຮງແຮມດອນຈັນ ພາເລດ ນະຄອນ ຫລວງວຽງຈັນ, ຍັງເປັນການສືບຕໍ່ປຶກສາຫາລືໃນກອງປະຊຸມເຈົ້າໜ້າ ທີ່ອາວຸໂສເສດຖະກິດອາຊຽນ, ໂດຍສະເພາະແມ່ນໄດ້ລົງເລິກກ່ຽວກັບເນື້ອໃນຂອງກອງປະຊຸມການເຈລະຈາການຄ້າຮອບດ້ານພາກພື້ນ RCEP (Regional Comprehensive Economic Partnership) ແລະ ແຜນຮ່າງບົດຖະແຫລງຮ່ວມຜົນກອງປະ ຊຸມລະຫວ່າງອາຊຽນ ແລະ ຄູ່ຮ່ວມເຈລະຈາອື່ນໆ ແລະ ໃນຕອນບ່າຍຂອງວັນດຽວກັນ, ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນໃໝ່ CLMV,ໄດ້ໄຂຂຶ້ນທີ່ນະຄອນຫລວງວຽງຈັນ, ພາຍໃຕ້ການເປັນປະທານຂອງທ່ານ ລາວຮົວ ເຈີຈິງ ຫົວໜ້າກົມນະໂຍບາຍການຄ້າຕ່າງປະເທດ ກະຊວງອຸດສາຫະ ກຳ

ແລະ ການຄ້າ, ມີຜູ້ແທນຈາກ 4 ປະເທດຄື: ກຳປູເຈຍ, ລາວ, ມຽນມາ ແລະ ຫວຽດນາມເຂົ້າຮ່ວມຢ່າງພ້ອມພຽງ ເພື່ອຜ່ານເອກະສານສຳຄັນຕ່າງໆ, ໂດຍສະເພາະແມ່ນການພິຈາລະນາຮັບຮອງເອົາເນື້ອໃນຂອງແຜນແມ່ບົດສຳລັບການພັດທະນາປະເທດ ໃນໄລຍະການເປັນປະທານອາຊຽນຂອງ ສປປ ລາວ ລວມທັງການສະຫລຸບຕີລາຄາການຈັດຕັ້ງປະຕິບັດບັນດາກິດຈະກຳຕ່າງໆໃນປີ 2016. ພ້ອມນີ້ ກອງປະຊຸມດັ່ງກ່າວຍັງໄດ້ຕົກລົງເປັນເອກກະພາບກັນຮັບຮອງເອົາຫລາຍເອກກະສານສຳ ຄັນ ແລະ ພ້ອມນັ້ນກໍຍັງມີບາງເອກະສານທີ່ຕ້ອງໄດ້ນຳສະເໜີໃຫ້ກອງປະຊຸມລະດັບລັດຖະມົນຕີສືບຕໍ່ພິຈາລະນາເພື່ອມີທິດຊີ້ນຳໃນຂັ້ນຕໍ່ໄປ.