ທ່ານຮອງເຈົ້າແຂວງວຽງຈັນ ບຸນສອນ ເພັດລາວັນ
ໃຫ້ຮູ້ວ່າ: ມະຫະກຳສົ່ງເສີມການ ທ່ອງທ່ຽວເຊື່ອມຕໍ່ 6
ແຂວງພາກກາງຄັ້ງທີ 9 ຈະຈັດຂຶ້ນໃນລະຫວ່າງວັນທີ 10-16 ທັນວາທີ່ຈະເຖິງນີ້ຢູ່ແຂວງວຽງຈັນ,
ຊຶ່ງຈະມີກິດຈະກໍາສໍາຄັນຕ່າງໆຄື:
ກອງປະຊຸມສຳມະນາວິຊາການດ້ານການທ່ອງ ທ່ຽວ, ງານວາງສະແດງສິນຄ້າກະສິກຳ,
ອຸດສາຫະກຳ, ຫັດຖະກຳ, ເຄື່ອງໃຊ້ສອຍຕ່າງໆຈາກພາຍໃນ ແລະ ຕ່າງປະເທດ, ເທດສະການອາຫານລາວ,
ປະກວດອາພອນເພດຊົງລາວ, ສະແດງສີລະປະວັນນະຄະດີຕ່າງໆ,
ເພື່ອເປັນການຊຸກຍູ້ສົ່ງເສີມວຽກງານທ່ອງທ່ຽວ, ໂດຍສະເພາະແມ່ນຊຸກຍູ້ຫົວໜ່ວຍ ທຸລະກິດທ່ອງ
ທ່ຽວ, ໂຄສະນາແຫລ່ງທ່ອງທ່ຽວສໍາຄັນທາງປະຫວັດສາດ,
ວັດທະນາທໍາ ແລະ
ທໍາມະຊາດຕ່າງໆຂອງບັນດາແຂວງພາກກາງໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ຮັບຮູ້
ແລະ ສົນໃຈຢາກໄປທ່ຽວຊົມຫລາຍຂຶ້ນ, ທັງເປັນການຊຸກຍູ້ສົ່ງເສີມການຜະລິດເປັນສີນຄ້າຂອງປະຊາຊົນໃຫ້ດີຂຶ້ນ
ແລະ
ນອກຈາກນີ້ຍັງເປັນການຊຸກຍູ້ສົ່ງເສີມການດຳເນີນທຸລະກິດບໍລິການທ່ອງທ່ຽວຕິດພັນກັບການອະນຸລັກຮັກສາສະພາບແວດລ້ອມ,
ວັດທະນະທຳ-ສັງຄົມ, ສົ່ງເສີມການມີສ່ວນຮ່ວມຂອງປະຊາຊົນທ້ອງຖິ່ນໃນການປັບປຸງສິ່ງຮອງຮັບ,
ພື້ນຖານໂຄງລ່າງດ້ານການທ່ອງທ່ຽວໃຫ້ມີຄວາມສະດວກ, ທັງສາມາດເຊື່ອມໂຍງກັບພາກພື້ນ ແລະ ສາກົນ.
ທ່ານຮອງເຈົ້າແຂວງວຽງຈັນ
ກ່າວວ່າ: ແຂວງວຽງຈັນເຄີຍໄດ້ເປັນເຈົ້າພາບຈັດງານມະຫາກຳສົ່ງເສີມການທ່ອງທ່ຽວ 5
ແຂວງພາກກາງຢູ່ເມືອງວັງວຽງເມື່ອປີ 2009, ເຊິ່ງນັບວ່າເປັນໂອ
ກາດອັນດີໃນການໂຄສະນາບັນດາແຫລ່ງທ່ອງທ່ຽວທາງທຳມະຊາດ, ປະຫວັດສາດ,
ວັດທະນະທຳ, ສິລະປະ ແລະ
ຮີດຄອງປະເພນີອັນດີງາມຂອງປະຊາຊົນບັນດາເຜົ່າຊາວແຂວງວຽງຈັນ, ອັນໄດ້ເຮັດໃຫ້ນັກທ່ອງທ່ຽວທັງພາຍໃນ
ແລະ ຕ່າງປະເທດໄດ້ຮັບຮູ້ ເຂົ້າມາທ່ອງທ່ຽວແຂວງວຽງຈັນນັບມື້ຫລາຍຂຶ້ນ ແລະ
ຜ່ານການຈັດຕັ້ງປະຕິບັດວຽກງານທ່ອງທ່ຽວໃນໄລຍະ 7 ປີຜ່ານມາ 2009-2016 ເຫັນວ່າ:
ວຽກງານດັ່ງກ່າວໄດ້ມີການເຕີບໃຫຍ່ຂະຫຍາຍຕົວ ແລະ ພັດທະນາຢ່າງກວ້າງຂວາງ ເປັນຕົ້ນ:
ສະຖານທີ່ທ່ອງທ່ຽວດ້ານວັດທະນະທຳ, ທຳມະຊາດ ແລະ
ປະຫວັດສາດໃນທົ່ວແຂວງໄດ້ຮັບການພັດທະນາໃຫ້ມີມາດຕະຖານເທື່ອລະກ້າວ, ທັງເປັນການສ້າງຄວາມເຂັ້ມແຂງ ແລະ ທ່າແຮງຈາກການທ່ອງທ່ຽວໃຫ້ແກ່ທ້ອງຖິ່ນ,
ເຮັດໃຫ້ປະຊາຊົນມີສ່ວນຮ່ວມ ແລະ ມີລາຍຮັບນັບມື້ດີຂຶ້ນ.
No comments:
Post a Comment