ທ່ານນາຍົກລັດຖະມົນຕີ ທອງລຸນ ສີສຸລິດ
ໄດ້ແນະນຳໃຫ້ຫລາຍຂະແໜງການກະກຽມຕ້ອນ ຮັບວັນສຳຄັນຂອງຊາດໃຫ້ດີ
ໂດຍເນັ້ນໃຫ້ຖືສຳຄັນດ້ານເນື້ອໃນຫລາຍກວ່າຮູບການ.
ການແນະນຳດັ່ງກ່າວມີໃນກອງປະຊຸມລັດຖະບານສະໄໝສາມັນປະຈຳເດືອນພະຈິກ
ທີ່ສຳ ເລັດລົງເມື່ອບໍ່ດົນນີ້ ວ່າ: ເດືອນທັນວາເປັນເດືອນສຸດທ້າຍຂອງສາມເດືອນຂ້າມຜ່ານ
ເພື່ອກ້າວສູ່ປະ ຕິທິນປີ 2017 ເປັນເດືອນຕ້ອນຮັບວັນຊາດທີ 2 ທັນວາ ຄົບຮອບ 41 ປີ, ວັນຄ້າຍວັນເກີດຂອງປະ ທານ ໄກສອນ ພົມວິຫານ ຄົບຮອບ 96 ປີ ແລະ
ວັນສຳຄັນອື່ນໆ
ເຊິ່ງຕ້ອງໄດ້ພ້ອມກັນເພີ່ມທະວີຊຸກຍູ້ການໂຄສະນາເຜີຍແຜ່ປະຫວັດຄວາມເປັນມາ ແລະ
ຄວາມໝາຍສຳຄັນຂອງວັນດັ່ງກ່າວ ເພື່ອສ້າງຈິດສຳນຶກ, ປຸກລະດົມ
ນ້ຳໃຈຮັກຊາດ,
ລະນຶກເຖິງຜົນງານ ແລະ ຄຸນງາມຄວາມດີຂອງບັນພະບູລຸດ, ວິລະຊົນ ແລະ
ປະຊາຊົນລາວບັນດາເຜົ່າທີ່ໄດ້ປະກອບສ່ວນອັນໃຫຍ່ຫລວງຕໍ່ການປະຕິວັດຊາດປະຊາ ທິປະໄຕ,
ພ້ອມທັງກະກຽມຈັດພິທີວາງພວງມາລາຢູ່ອານຸສາວະລີນັກຮົບນິລະນາມ ແລະ
ວາງກະຕ່າດອກໄມ້ຢູ່ພິພິຕະພັນ ໄກສອນ ພົມວິຫານ ໂດຍມີການນຳຂັ້ນສູງຂອງພັກ ແລະ ລັດຖະບານເຂົ້າຮ່ວມ
ແລະ ອັນສຳຄັນໜຶ່ງແມ່ນທຸກພາກສ່ວນຕ້ອງເພີ່ມທະວີການຕິດຕາມ ແລະ ປ້ອງກັນຄວາມສະຫງົບ,
ຄວາມເປັນລະບຽບຮຽບຮ້ອຍຂອງສັງຄົມຢ່າງໃກ້ຊິດ, ເອົາໃຈໃສ່ແກ້ໄຂບັນດາປາກົດການຫຍໍ້ທໍ້ຕ່າງໆທີ່ອາດເປັນໜໍ່ແໜງຂອງຄວາມບໍ່ສະຫງົບ
ເປັນຕົ້ນການຄ້າຂາຍຢາເສບຕິດ, ການປຸ້ນຈີ້ຊີງຊັບ ແລະ ອື່ນໆ
ເພື່ອຮັບປະກັນບໍ່ໃຫ້ມີເຫດການທີ່ບໍ່ເພິ່ງປາຖະໜາເກີດຂຶ້ນໃນໄລຍະສະເຫລີມສະຫລອງວັນສຳຄັນຕ່າງໆ.
No comments:
Post a Comment