ໃນວັນທີ
14 ທັນວານີ້,
ລັດຖະມົນຕີກະຊວງກະສິກຳ-ປ່າໄມ້ໄດ້ອອກຄຳສັ່ງລະບັບເລກທີ 3773/ກປ
ເຖິງຫົວໜ້າກົມປູກຝັ່ງ,
ກົມລ້ຽງສັດ ແລະ ການປະມົງ, ຫົວໜ້າພະແນກກະສິກຳ ແລະ ປ່າໄມ້ແຂວງ, ນະຄອນຫຼວງ ແລະ ເຖິງເຈົ້າໜ້າທີ່ກັກກັນພືດ ແລະ ສັດຕະວະແພດປະຈຳດ່ານໃນຂອບເຂດທົ່ວປະເທດ, ໃຫ້ຢຸດຕິຊົ່ວຄາວການສິດພົ່ນຢາຂ້າເຊື້ອພາຫະນະທຸກປະເພດທີ່ເຂົ້າມາລາວດັ່ງນີ້:
1. ໃຫ້ຢຸດຕິຊົ່ວຄາວການສິດພົ່ນຢາຂ້າເຊື້ອພາຫະນະທົ່ວໄປທີ່ບໍ່ໄດ້ຂົນສົ່ງສັດ, ຜະລິດຕະພັນສັດ ຫຼື ພືດ, ຜະລິດຕະພັນພືດ,
ຢູ່ດ່ານຊາຍແດນໃນຂອບເຂດທົ່ວປະເທດຈົນກວ່າຈະໄດ້ຮັບແຈ້ງການຢ່າງເປັນທາງການຈາກກະຊວງກະສິກຳ
ແລະ ປ່າໄມ້.
2. ສະເພາະພາຫະນະຂົນສົ່ງສັດ, ຜະລິດຕະພັນສັດ ແລະ ພືດ, ຜະລິດຕະພັນພຶດທີ່ເຂົ້າມາປະເທດລາວແມ່ນອະນຸຍາດໃຫ້ສິດພົ່ນຢາເປັນປົກກະຕິຕາມຫຼັກວິຊາການ.
3. ໃຫ້ຢຸດເຊົາການເກັບຄ່າບໍລິການສິດພົ່ນຢາຂ້າເຊື້ອໃສ່ພາຫະນະທຸກປະເທດທີ່ເຂົ້າມາລາວ
( ພາຫະນະທົ່ວໄປ ແລະ ພາຫະນະຂົນສົ່ງສັດ, ຜະລິດຕະພັນສັດ,
ພືດ, ຜະລິດຕະພັນພືດ).
4. ໃນໄລຍະຢຸດຕິຊົ່ວຄາວນີ້, ໃຫ້ກົມປູກຝັ່ງ ແລະ ກົມລ້ຽງສັດ ແລະ ການປະມົງ, ສົມທົບກັບພະແນກກະສິກຳ ແລະ ປ່າໄມ້ແຂວງ, ນະຄອນຫຼວງເອົາໃຈໃສ່ປະຕິບັດບາງຈຸດສຸດຄື: ສຳລັບເຈົ້າໜ້າທີ່ກັກກັນພືດ
ແລະ ສັດຕະວະແພດປະຈຳດ່ານແມ່ນໃຫ້ສືບຕໍ່ປະຕິບັດການກວດກາສັດ ແລະ ພືດຕາມທີ່ໄດ້ກຳ ນົດໄວ້ໃນກົດໝາຍ
ແລະ ລະບຽບການ,
ລວມເຖິງສືບຕໍ່ບົວລະບັດຮັກສາເຄື່ອງມືອຸປະກອນສິດພົ່ນຢາດັ່ງກ່າວ, ໃຫ້ຢູ່ໃນສະພາບຮັບປະກັນໃຊ້ງານໄດ້, ສຳລັບດ່ານທີ່ບໍ່ທັນໄດ້ມາດຕະຖານນັ້ນໃຫ້ສ້າງເປັນໂຄງການເພື່ອສະເໜີຂັ້ນເທິງພິຈາລະນາອະນຸມັດຈັດຕັ້ງປະຕິບັດ, ຂຶ້ນແຜນງົບປະມານເພື່ອຈັດຊື້ຢາ(ສຳລັບສິດພົ່ນ) ຄ່າສິນເປືອງອື່ນໆ, ເພື່ອກະກຽມແຜນສຸກເສີນ ແລະ ກຽມພ້ອມຮັບມືໃນກໍລະນີມີພະຍາດສັດ ຫຼື
ພືດເກີດຂຶ້ນ.
5. ໃຫ້ກົມປູກຝັ່ງ
ແລະ ກົມລ້ຽງສັດ ແລະ ການປະມົງເປັນເຈົ້າການຕິດຕາມປະເມີນຄວາມສ່ຽງ ແລະ ເຝົ້າລະວັງສະພາບການລະບາດຂອງສັດຕູພືດ
ແລະ ພະຍາດສັດຢູ່ບັນດາປະເທດໃກ້ຄຽງ, ຂົງເຂດພາກພື້ນ ແລະ
ສາກົນຢ່າງໃກ້ຊິດ,
ໃນກໍລະນີມີຄວາມຈຳເປັນຕ້ອງໄດ້ປະຕິບັດມາດຕະການສິດພົ່ນຢາຂ້າເຊື້ອພາຫະນະທົ່ວໄປນັ້ນ, ກະຊວງກະສິກຳ ແລະ ປ່າໄມ້ຈະເປັນຜູ້ອອກແຈ້ງການຕາມຄວາມຈຳ ເປັນໃນແຕ່ລະໄລຍະ.
6. ໃຫ້ກົມປູກຝັ່ງ
ແລະ ກົມລ້ຽງສັດ ແລະ ການປະມົງ, ພະແນກກະສິກຳ ແລະ
ປ່ໄມ້ແຂວງ,
ນະ ຄອນຫຼວງ, ແລະ ດ່ານກັກກັນພືດ ແລະ ສັດຈັັດຕັ້ງປະຕິບັດຕາມຄຳສັ່ງລະບັບນີ້ຢ່າງເຂັ້ມງວດ, ຜ່ານການຈັດຕັ້ງປະຕິບັດມີຂໍ້ສະດວກ ແລະ ຫຍຸ້ງຍາກແນວໃດນັ້ນໃຫ້ລາຍງານກະຊວງກະສິກຳ
ແລະ ປ່າໄມ້ຊາບເປັນປົກກະຕິ.
No comments:
Post a Comment