ງານວາງສະແດງລາວໄອຊີທີເອັກໂປ (Lao ICT Expo
2016) ທີ່ຈັດຂຶ້ນເປັນຄັ້ງທໍາອິດຢູ່ສູນປະຊຸມແຫ່ງຊາດ, ນະຄອນ ຫລວງວຽງຈັນ ແຕ່ວັນທີ 14-17 ທັນວານີ້ພາຍໃຕ້ຫົວຂໍ້: ຮ່ວມກັນສ້າງເສດຖະກິດ-ສັງຄົມດີຈີຕອນທີ່ປອດໄພ
ແລະ ເປັນປະໂຫຍດ ເພື່ອສ້າງໃຫ້ຂະແໜງການໄອທີຊີເປັນເຄື່ອງມືສໍາຄັນໃນການຈັບເຄື່ອນຂະແໜງການຕ່າງໆ
ກໍຄືການພັດທະນາເສດຖະກິດ-ສັງຄົມໃຫ້ບັນລຸຕາມເປົ້າໝາຍ ເພື່ອພັດທະນາເສດຖະກິດ-ສັງຄົມແຫ່ງຊາດ
5 ປີຄັ້ງທີ VIII
(2016-2020) ໃຫ້ປະກົດຜົນເປັນຈິງ, ຊຶ່ງງານດັ່ງກ່າວ
ແມ່ນໄດ້ຮັບຄວາມສົນໃຈຈາກມວນຊົນນັບທັງພາຍໃນ ແລະ
ຕ່າງປະເທດເປັນຢ່າງດີ,
ໂດນສະເພາະໄດ້ມີພາກລັດ, ເອກະຊົນ,
ບໍລິສັດ, ຫ້າງຮ້ານ ແລະ ຜູ້ປະກອບການດ້ານໄອຊີທີ
ແລະ ໂທລະຄົມມານາຄົມຫລາຍກວ່າ 50 ຫົວໜ່ວຍ ໄດ້ນໍາເອົາຜະລິດຕະພັນ, ການບໍລິການ ແລະ ນະວັດຕະກໍາທາງດ້ານໄອຊີທີຂອງໂລກ ແລະ ຂອງຕົນມາແລກປ່ຽນຂໍ້ມູນຂ່າວສານ, ປະສົບການໃນການພັດທະນາ ແລະ ສ້າງຄວາມຮູ້ດ້ານໄອຊີທີແກ່ສັງຄົມ ເປັນຕົ້ນ:
ເຄືອຂ່າຍລະບົບ 4ຈີ,
ລະບົບອີນເຕີເນັດຄວາມໄວສູງ, ຜະລິດຕະພັນມືຖືສະມາດໂຟນ, ແທບເລັດ, ຄອມພິວເຕີ ແລະ ໂປລແກລມຕ່າງໆ, ຊຶ່ງນັບແຕ່ເລີ່ມເປີດງານແມ່ນມີມວນຊົນເຂົ້າຮ່ວມຊົມຫລາຍພັນຄົນຕໍ່ວັນ.
ທ່ານລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ທັນສະໄໝ ກົມມະສິດ ກ່າວວ່າ: ປັດຈຸບັນ, ສປປ ລາວ ມີເຄືອຂ່າຍໂທລະຄົມມະນາຄົມທຽບເທົ່າສາກົນ ແລະ ສາມາດເຊື່ອມໂຍງກັບສາກົນໄດ້ເປັນຢ່າງດີຄື:
ມີສັນຍານຄວບຄຸມກວມພື້ນທີ່ 90% ຂອງປະເທດ, ໃນນີ້ໃຫ້ບໍລິການລະບົບ 3G, 4G ປະມານ 60-70%, ຂະນະທີ່ 95% ຂອງປະຊາກອນລາວແມ່ນມີໂທລະ ສັບມືຖືໃຊ້, ແຕ່ສ່ວນໃຫຍ່ແມ່ນມີໄວ້ໂທຕິດຕໍ່ກັນທຳມະດາ, 25% ແມ່ນໃຊ້ຫລິ້ນອິນເຕີເນັດ ແລະ ໃຊ້ໃນທາງມີປະໂຫຍດແທ້ໆມີປະມານ
10%. ຍ້ອນເຫັນໄດ້ຄວາມສຳຄັນຂອງວຽກງານດັ່ງກ່າວ, ກະ ຊວງໄປສະນີ,
ໂທລະຄົມມະນາຄົມ ແລະ ການສື່ສານ ຈຶ່ງໄດ້ຜ່ານກົດໝາຍ ICT ໃນກອງປະຊຸມສະ ພາຜ່ານມາ ແລະ ຜ່ານດຳລັດກ່ຽວກັບສູນຂໍ້ມູນຂ່າວສານ
ແລະ ການສຶກສາ,
ນອກນີ້, ຍັງໄດ້ສຳເລັດການເອົາລະຫັດສູງສຸດທາງອິນເຕີເນັດດ໋ອດລາ
(.la)
ທີ່ໄດ້ໃຫ້ບໍລິສັດຕ່າງປະເທດເຊົ່າເພື່ອບໍລິການຢູ່ຕ່າງປະ ເທດເປັນເວລາ
10 ກວ່າປີກັບຄືນມາໄດ້ ແລະ ເອົາເຂົ້າຢູ່ໃນສູນມະຫາວິທະຍາໄລແຫ່ງຊາດ ເປັນທີ່ຮຽບຮ້ອຍແລ້ວໃນໄລຍະ
2-3 ເດືອນຜ່ານມາ.
No comments:
Post a Comment