ຕາດເລາະອາດເປັນສະຖານທີ່ ທ່ອງທ່ຽວທີ່ສຳຄັນຂອງລາວ

      ແຜນຍຸດທະສາດການທ່ອງທ່ຽວແບບວົງແຫວນລາວ-ຫວຽດນາມ-ກຳປູເຈຍ-ໄທ ຖ້າ ສັງເກດຕາມແຜນ ທີ່ແມ່ນຈະ ເຫັນວ່າປະເທດໄທແມ່ນແຂວງອຸບົນ ໄດ້ເຊື່ອມຕໍ່ຫາແຂວງເທືອທຽນ ເຫວ້ເຊິ່ງເປັນມໍລະດົກໂລກ ຂອງປະເທດ ຫວຽດ ນາມ ມີໄລຍະທາງປະມານ 500 ກວ່າກິໂລແມັດ  ແລະ ສິ່ງທີ່ສຳຄັນແມ່ນສະຖານ ທີ່ຕັ້ງຂອງໂຄງການພັດທະນາຈຸດສຸມຕາດ ເລາະແມ່ນຈຸດຜ່ານແລະຈຸດກາງຂອງເສັ້ນ ທາງແລວເສດຖະກິດດັ່ງກ່າວນີ້ໂດຍຜ່ານແຂວງຈຳປາສັກເຊີ່ງເປັນເມືອງມໍລະດົກ ໂລກເຊື່ອມຕໍ່ໃສ່ກັບປະເທດໄທເປັນຈຸດທີ່ຕັ້ງເຫມາະສົມແລະພໍດີກັບການພັກຜ່ອນນີ້ກໍແມ່ນເງື່ອນໄຂຫນຶ່ງທີ່ອົງການຈັດຕັ້ງຂັ້ນເທີງເລືອກພັດທະນາເຂຈຸດສຸມຕາດ ເລາະ ແລະ ອີກ ເງື່ອນໄຂຫນຶ່ງຕາດເລາະກໍເປັນ ສະຖານທີ່ທ່ອງທ່ຽວທີ່ສຳຄັນ ແລະ ມີສື່ສຽງຖ້າຫາກເລືອກ ບ່ອນອື່ນມາພັດ ທະນາແມ່ນຈະໃຊ້ທຶນມະຫາສານເນື່ອງຈາກໃນລະດັບ 4 ແຂວງພາກໃຕ້, ລະດັບ ປະເທດກໍຄື ລະດັບອິນດູຈີນແມ່ນ ຕາດເລາະມີທ່າແຮງເຫມາະສົມທີ່ຈະສ້າງເປັນສະຖານທີ່ທ່ອງທ່ຽວແບບຄົບວົງຈອນ (ຮູບ ການທ່ອງທ່ຽວແບບອະນຸລັກ,
ແບບມີສ່ວນຮ່ວມແລະເປັນແຫຼ່ງທ່ອງທ່ຽວສີຂຽວ) ມີທັງພູເຂົາ, ສາຍ ນ້ຳເສັດ, ແລະ ນ້ຳຕົກທີ່ງົດງາມຫລາຍແຫລ່ງສະຫລັບ ສັບຊ້ອນຕະຫລອດສາຍນ້ຳເສັດນອກຈາກນັ້ນສາຍນ້ຳ ດັ່ງກ່າວ ຍັງເປັນແຫລ່ງຜະລິດພະລັງງານໄຟຟ້າຂອງເຂື່ອນໄຟຟ້າເຊເສັດ1 ແລະເຊເສັດ 2 , ທັງເປັນເນື້ອທີ່ດິນ ດຳນ້ຳຊຸມເຫມາະແກ່ການປູກພືດກະສິກຳ ແລະ ເຮັດການກະເສດ ແລະ

ຍັງມີວັດທະນະທຳທີ່ເປັນເປັນ ເອກະລັກຂອງທ້ອງຖິ່ນທີ່ຈົບງາມ, ປະຊາຊົນມີນ້ຳໃຈໂອບເອື້ອອາລີ ແລະ ພ້ອມຈະຮັບ ແລະ ອຳນວຍ ຄວາມສະດວກຕໍ່ການພັດທະນາ, ທີ່ສໍາຄັນທີ່ສຸດແມ່ນປະຊາຊົນເຂດນັ້ນເຊື່ອຫມັ້ນໃນການນຳພາຂອງພັກທີ່ມີ ຄວາມຕັດສິນໃຈຕໍ່ການ ພັດທະນາຊາດໃຫ້ກ້າວສູ່ລະດັບສາກົນ.

          ທ່ານ ວັນນະສຸກ ຄຳປາຄຳ ກໍຳມະການພັກແຂວງ, ຫົວຫນ້າພະແນກ  ຖວທ  ແຂວງສາລະວັນ (ເຈົ້າຂອງໂຄງການ) ໄດ້ ກ່າວຕໍ່ທີ່ປະຊຸມຖະແຫລງຜ່ານ ແມ່ບົດຍຸດທະສາດຕໍ່ການພັດທະນາຕາດເລາະໃນຕົ້ນ ເດືອນກຸມ ພາ 2013 ນີ້ວ່າ: ການພັດທະນາ ຈຸດສຸມການທ່ອງທ່ຽວແບບການທ່ອງທ່ຽວສີຂຽວ ຫລື ເປັນຈຸດ ສຸມສີຂຽວໃນຮູບແບບການອະນຸລັກຄວາມເປັນທ້ອງຖິ່ນ ແລະ ຄວາມເປັນລາວທັງເປັນສະຖານທີ່ທ່ອງທ່ຽວ ທີ່ຮັບຮອງນັກທ່ອງທ່ຽວຈາກທຸກມຸມໂລກຫລືການເປີດການຄ້າເສລີຂອງປະຊາຄົມອາຊຽນ ໃນປີ 2015 ທີ່ໃກ້ຈະມາເຖິງໃນມໍ່ໆນີ້, ທາງແຂວງຕົນຈິ່ງເລີ່ມກະກຽມ ແລະ ສຶກສາຄວາມເປັນໄປໄດ້ຂອງໂຄງການຈຸດ ສຸມພັດທະນາຕາດເລາະໃຫ້ເປັນສະຖານທີ່ທ່ອງທ່ຽວຄົບວົງຈອນໃນລະດັບສາກົນເຊີ່ງເນື້ອທີ່ຈະໄດ້ຮັບຜົນກະທົບດ້ານບວກ ແລະ ດ້ານລົບຈາກການພັດທະນາ ແຫລ່ງທ່ອງທ່ຽວດັ່ງກ່າວນີ້ ກວມພື້ນທີ່ 24 ຫນູ່ບ້ານ, 10.475 ຄົນ, ຍິງ 5.291 ຄົນ, ປະກອບມີ 1.878 ຄອບຄົວ ເຊິ່ງຫນູ່ບ້ານ ຈະ ໄດ້ຮັບຜົນກະທົບໂດຍກົງ ແມ່ນ 2 ຫນູ່ບ້ານຄື: ບ້ານແສນວັງເມືອງ ສາລະວັນ ແລະ ບ້ານຫົວຂົວເສັດ ເມືອງເລົ່າງາມ ກວມເນື້ອທີ່ວາງ ແຜນພັດທະນາ 165,8 ເຮັກຕາ; ຈາກນັ້ນທ່ານຍັງກ່າວຕື່ມອີກວ່າ: ໂຄງການພັດທະນາແຫລ່ງທ່ອງ ທ່ຽວຈຸດ ສຸມຕາດເລາະແມ່ນໂຄງການທີ່ສ້າງຂຶ້ນເພື່ອຕອບສະຫນອງທາງດ້ານການຂະຫຍາຍຕົວຂອງຕົວເມືອງ, ເສດຖະ ກິດໃນລະດັບ 4 ແຂວງພາກໃຕ້, ລະດັບພາກພື້ນພາກອາຊຽນ ແລະ ລະດັບສາກົນພາຍໃຕ້ຮູບ ແບບການ ພັດທະນາແບບມີສ່ວນຮ່ວມ ແລະ ຍືນຍົງຖ້າຫາກໂຄງການດັ່ງກ່າວໄດ້ເກີດຂຶ້ນ ແລະ ປະສົບຜົນສຳເລັດຈະ ເປັນໃບຫນ້າອັນໃຫມ່ທີ່ເປັນເອກະລັກໂດດເດັ່ນໃຫ້ແກ່ ຊາດ, ເວົ້າລວມ, ເວົ້າສະເພາະກໍຄື ແຂວງສາລະວັນ.

           ໂອກາດດຽວກັນ, ທ່ານ ລິສີດ ມະນີໄຊ ຫົວຫນ້າອຳນວຍ ການບໍລິສັດພີແອນເອສ໌ດີຊາຍ ຈໍາກັດກໍ ໄດ້ສະເຫນີເຖິງອົງປະ ກອບຂອງໂຄງການທີ່ຈະຕ້ອງ ຈັດຕັ້ງປະຕິບັດເພື່ອພັດທະນາ ເຂດດັ່ງກ່າວລວມມີ 26 ຫນ້າວຽກໃຫ່ຍທີ່ຈະຕ້ອງໄດ້ເຮັດຄື: ປັບປຸງຕະຫລາດບ້ານແສນວັງ (ສ້າງໃຫ້ເປັນຕະຫລາດໃຫຍ່); ຈັດສັນເຂດ ທີ່ຢູ່ອາໄສບ້ານຊົນເຜົ່າ ແລະ ປະຊົນທີ່ນອນຢູ່ໃນເປົ້າຫມາຍໂຄງການ;ຈັດສັນເຂດລ້ຽງສັດ; ປັບປຸງເຂດ ປ່າແຄມແມ່ນ້ຳ; ຕັດເສັ້ນທາງໃຫມ່, ປັບປຸງເສັ້ນທາງເກົ່າ ແລະ ອອກແບບເສັ້ນທາງສາຍນ້ຳພຸ; ສ້າງບ່ອນວາງ ສະແດງຜະລິດຕະພັນພື້ນບ້ານປະຈຳທ້ອງຖິ່ນ; ສ້າງສວນສາທາລະນະ;ປັບປຸງສ່ວນຂໍ້ມູນຂ່າວສານ; ສ້າງສູນ ວາງສະແດງ; ປັບປຸງບ້ານພັກ-ໂຮງແຮມ-ຮ້ານອາຫານ; ສ້າງໂຄງລ່າງສາທາລະນຸປະໂພກ ແລະ ສາທາລະນຸ ປະການ; ປັບປຸງຂົວຂ້າມນ້ຳເສັດ; ສ້າງສູນປະຊຸມທາງດ້ານສະພາບແວດລ້ອມຂອງແຂວງ; ສ້າງສູນຄວບຄຸມ ແລະ ຄຸ້ມຄອງປະຈໍາເຂດ; ຈັດ ສັນເຂດຜະລິດກະສິກຳໃຫ້ຄົງທີ່; ສ້າງ ແລະ ປັບປຸງວັດໃຫ້ມີ ຄວາມສວຍງາມ ແລະ ໂດດເດັ່ນ ທັງເປັນເອກະລັກຂອງລາວ; ສ້າງຈຸດຊົມວິວໃນບໍລິເວນເທີງ ວັດພູສາລາ; ປັບປຸງ ແລະ ພື້ນພູ ເຂດປ່າສະຫງວນ ແລະ ເພີ່ມພື້ນທີ່ຂອງປ່າໃຫ້ຫລາຍຂື້ນ; ສ້າງສູນພັດທະນາຊຸມຊົນ; ສ້າງສູນສົ່ງເສີມສີມື ແຮງງານ ແລະ ການບໍລິການ; ສ້າງສູນວັດທະນະທຳພາກພື້ນ; ສ້າງຕະຫລາດກະສິກຳປອດສານພິດ; ສ້າງຫໍມູນ ເຊື້ອບ້ານ; ສ້າງປະຕິມະກຳອົງເຈັດແສນ ແລະ ສວນດອກໄມ້; ບໍ ລິການຍ່າງປ່າຂີ່ຊ້າງ-ຂີ່ມ້າ ແລະ ກວຽນ; ສ້າງຄິວລົດ ແລະ ລົດບໍລິການນັກທ່ອງທ່ຽວ.

        ຈາກນັ້ນ, ທ່ານ ສີສຸວັນ ວົງຈອມສີ ເລຂາພັກແຂວງຮອງເຈົ້າແຂວງໆສາລະວັນກໍໄດ້ເນັ້ນ ແລະ ຢໍ້າຕື່ມໃຫ້ແຕ່ລະພາກສ່ວນສຳຫລວດພື້ນທີ່ດັ່ງໃຫ້ລະອຽດເພື່ອຫລີກເວັ້ນບັນຫາຜົນກະທົບທີ່ອາດຈະເກີດຂຶ້ນ ກ່ອນເລີ່ມລົງມືປະຕິບັດ ແລະ ຜົນກະທົບທີ່ຈະຕາມມາຫລັງໂຄງການສຳເລັດລະຫວ່າງປະຊາຊົນກັບພາກ ສ່ວນລົງທຶນ ແລະ ນັກທ່ອງທ່ຽວໂອກາດດຽວກັນທ່ານຍັງໄດ້ຮຽກຮ້ອງມາຍັງພາກສ່ວນນັກທຸລະກິດທັງພາຍ ໃນ ແລະ ຕ່າງປະເທດທີ່ສົນໃຈມາລົງທຶນໃນເຂດພັດທະນາຈຸດສຸມຕາດເລາະແຂວງສາລະວັນໃນແບບຕ່າງໆ ຂອງການລົງທຶນທີ່ເປັນການພັດທະນາສະຖານທີ່ທ່ອງທ່ຽວເພື່ອເປັນແຮງຊຸກດັນໃຫ້ການພັດທະນາເຂດດັ່ງກ່າວເປັນທີ່ດຶງດູດ ແລະ ຮອງຮັບເອົາຜູ້ທີ່ ເດີນທາງເຂົ້າມາແຂວງສາລະ ວັນສາມາດແວ່ພັກຜ່ອນໄດ້.

         ສີ່ງທີ່ຫນ້າເປັນຫ່ວງນັ້ນ, ຜົນກະທົບລະບົບນິເວດ ແລະ ເຂດທີ່ຢູ່ອາໄສຂອງຂອງປະຊາ ຊົນບ້ານດັ່ງ ກ່າວ. ໃຫ້ທຸກພາກສ່ວນໂດຍສະເພາະກໍແມ່ນເຈົ້າຂອງໂຄງການ ແລະ ບໍລິສັດຜູ້ອອກແບບຈົ່ງລະມັດລະ ວັງຢ່າ ໃຫ້ເກີດຜົນກະທົບຕໍ່ປະຊາຊົນຫລາຍເກີນຄວນ. ສີ່ງໃດທີ່ກີດຂວາງກໍຄວນສືກສາໃຫ້ລະອຽດທີ່ຖ້ວນພໍຫລີກ ກໍໃຫ້ຫລີກ. ເນື່ອງຈາກວ່າ:ການພັດທະນາ ສະຖານທີ່ແຫລ່ງທ່ອງທ່ຽວນັ້ນ ກໍຄືພັດທະນາບ້ານ, ຄົນເຂດນັ້ນ ກໍຕ້ອງໄດ້ຮັບການພັດທະນາເຊັ່ນດຽວກັນ.ອີກຢ່າງກໍໃຫ້ຮັກສາຮູບຊົງເຮືອນແບບຊົນເຜົ່າໄວ້ຈຸດໃດຫນຶ່ງ ຂອງແຫລ່ງທ່ອງທ່ຽວຕາດເລາະເພື່ອໃຫ້ນັກທອງທ່ຽວພາຍໃນ ແລະ ຕ່າງປະເທດໄດ້ມາສືກສາເພາະເຂດດັ່ງ ກ່າວເປັນເຂດເປົ້າຫມາຍຈຸດສຸມ 3 ສ້າງ.