ປກສ ນະຄອນຫລວງວຽງຈັນເລັ່ງກວາດລ້າງການຄ້າປະເວນີ

      ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ພະແນກຕ້ານການຄ້າມະນຸດ ໄດ້ສົມທົບກັບ ພະແນກສືບສວນ- ສອບສວນ ນະຄອນຫຼວງວຽງຈັນ ລົງແກ້ໄຂເປົ້າໝາຍຄ້າປະເວນີ ຢູ່ ທີ່ຮ້ານຕົ້ນມ່ວງປີ້ງຄູ ຄັນນາ ແລະ ຮ້ານເຫຼົ້າໄຫ ຕັ້ງຢູ່ບ້ານ ສົມສະຫງ່າ ເມືອງ ໄຊເສດຖາ ນະຄອນຫຼວງວຽງ ຈັນ ໂດຍສາມາດກັກຜູ້ຕ້ອງຫາທີ່ ເປັນຍິງສາວມາ ໃຫ້ບໍລິການຢູ່ຮ້ານ ດັ່ງກ່າວໄດ້14 ຄົນ, ສ່ວນໃຫຍ່ ແມ່ນ ມາຈາກຕ່າງແຂວງ  ແລະ ກັກຜູ້ເປັນ ເຈົ້າຂອງຮ້ານ ຄື ນາງ ດາວອນ ອາ ຍຸ 46 ປີ ອາຊີບຄ້າຂາຍ ຢູ່ບ້ານ ສົມ ສະຫງ່າ ເມືອງ ໄຊເສດຖາ ນະຄອນ ຫຼວງວຽງຈັນ ມາດຳເນີນຄະດີຕາມ ກົດໝາຍ.

       ເຈົ້າໜ້າທີ່ ພະແນກການດັ່ງ ກ່າວຍັງໃຫ້ຮູ້ວ່າ: ໃນປັດຈຸບັນ ການຄ້າປະເວນີແມ່ນມາຈາກ ການຄ້າມະນຸດ ຍ້ອນການຍົກ ຍ້າຍແຮງງານແລ່ນນຳກະແສຫຼີ້ນກິນຟຸມເຟືອຍ ແລະ ບັນຫາຢາ ເສບຕິດ ອື່ນໆອີກ ຊຶ່ງທັງໝົດນີ້ ແມ່ນພວກເຮົາຈະຕ້ອງເປັນ ເຈົ້າຮ່ວມກັນແກ້ໄຂໃຫ້ໝົດໄປ.