ພາຍຫລັງໜັງສືພິມ ລາວພັດທະນາ ໄດ້ຂຽນຂ່າວກ່ຽວກັບຫົວຂໍ້
“ຄວນເບິ່ງຄືນການເກັບເງິນເຂົ້າສະຖານີຂົນສົ່ງໂດຍສາຍສາຍເໜືອ-ໃຕ້” ຢູ່ນະ ຄອນຫລວງວຽງຈັນ
ທີ່ໄດ້ລົງພິມໃນວັນທີ 5 ກຸມພາ 2013 ປາກົດວ່າມີປະ ຊາຊົນຈຳນວນບໍ່ໜ້ອຍໃຫ້ຄວາມສົນໃຈ
ແລະ ໂທເຂົ້າມາຫາສຳນັກງານໜັງສືພິມລາວພັດທະນາເພື່ອໃຫ້ສືບຕໍ່ສອບຖາມໄປຍັງພາກລັດກ່ຽວຂ້ອງເພື່ອແກ້ໄຂ
ໂດຍນັກຂ່າວພວກເຮົາໄດ້ສອບຖາມໄປຫາທ່ານ ເດດສົງຄາມ ທຳມະວົງ ຫົວໜ້າພະແນກໂຍທາທິການ
ແລະ ຂົນສົ່ງນະຄອນ ຫລວງວຽງຈັນ ແລະ ໄດ້ຮັບຄຳຕອບວ່າ: ຖ້າມີກໍລະນີຄືດັ່ງກ່າວແທ້
ກໍເຫັນວ່າແມ່ນການກະທຳທີ່ຜິດ ແລະ ພ້ອມທີ່ຈະປະສານໄປສະຖານີຂົນສົ່ງໂດຍສານໄດ້ກະທຳແນວນັ້ນໃຫ້ຢຸດການເກັບເງິນດັ່ງກ່າວທັນທີ.
ຫົວໜ້າພະແນກໂຍທາທິການ ແລະ ຂົນສົ່ງນະຄອນ
ຫລວງວຽງຈັນ ກ່າວວ່າ: ສະຖາ ນີຂົນສົ່ງໂດຍ ສານແມ່ນບ່ອນບໍລິ ການສາທາລະນະທີ່ທຸກຄົນໃນສັງຄົມສາມາດໃຊ້ບໍລິການເຂົ້າ-
ອອກໄດ້ຢ່າງສະດວກ ໂດຍສະເພາະແມ່ນຜູ້ທີ່ຈະເຂົ້າໄປຮັບ-ສົ່ງຍາດພີ່ນ້ອງ ຫລື
ເຄື່ອງຂອງຕ່າງໆທີ່ເປັນການໃຊ້ບໍລິການຢູ່ສະຖານີແຫ່ງນັ້ນໃຫ້ສະດວກສະ ບາຍ
ແລະ ຖ້າຫາກວ່າສະຖານີໃດທີ່ມີການເກັບເງິນຈາກຜູ້ໃຊ້ບໍລິການທີ່ຈະນຳລົດເຂົ້າໄປພາຍ
ໃນສະຖານີຄືດັ່ງສັງຄົມສະເໜີມານັ້ນ
ກໍຖືວ່າແມ່ນການກະທຳທີ່ບໍ່ຖືກຕ້ອງ ແລະ ຖືວ່າແມ່ນການ ບີບບັງຄັບຜູ້ມາໃຊ້ບໍລິການໂດຍກົງ.
ສະນັ້ນ ໃນຖານະເປັນສ່ວນ ໜຶ່ງທີ່ຄຸ້ມຄອງຂົງເຂດການຂົນສົ່ງຢູ່ນະຄອນຫລວງວຽງຈັນ
ຂໍໃຫ້ຜູ້ປະກອບການທີ່ມີການເກັບຄ່າຜ່ານເຂົ້າສະຖານີໂດຍສານຂອງຕົນຄວນຢຸດເຊົາການປະພຶດຄືດັ່ງກ່າວ,
ຖ້າບໍ່ດັ່ງນັ້ນ ທາງພະແນກຈະໄດ້ປະສານຫາກົມກ່ຽວຂ້ອງ ເພື່ອອອກແຈ້ງການໃຫ້ຢຸດເຊົາທັນທີ
ເພາະ ເປັນການລະເມີດລະບຽບການກຳນົດໄວ້ ໂດຍບໍ່ໃຫ້ຜູ້ປະກອບການໃດສ້າງບາລີແຍຂຶ້ນ
ເພື່ອຫາຜົນປະໂຫຍດໃດໜຶ່ງ ໂດຍບໍ່ໄດ້ຮັບອະນຸຍາດຈາກພາກສ່ວນກ່ຽວຂ້ອງແຕ່ຢ່າງໃດ.
No comments:
Post a Comment