ໄຂງານວາງສະແດງສິນຄ້າ ແລະ ຜະລິດຕະພັນກະສິກຳ-ປ່າໄມ້ຢູ່ແຂວງຄຳມ່ວນ

            ງານວາງສະແດງສິນຄ້າ ແລະ ຜະລິດຕະພັນກະສິກຳ-ປ່າໄມ້ໄດ້ ມີຂຶ້ນໃນ ວັນທີ 11 ກຸມພານີ້ຢູ່ພະ ແນກກະສິກຳ-ປ່າໄມ້ແຂວງຄຳມ່ວນ ໃນໂອກາດດຳ ເນີນ ກອງປະຊຸມສະຫລຸບວຽກງານກະສິກຳ ແລະ ປ່າໄມ້ທົ່ວປະເທດປະຈຳສົກປີ 2011- 2012 ໂດຍການເຂົ້າຮ່ວມຂອງທ່ານສົມສະຫວາດ ເລັ່ງສະຫວັດຮອງ ນາຍົກລັດ ຖະມົນຕີ, ຜູ້ຊີ້ນຳວຽກເສດຖະກິດພ້ອມນັ້ນກໍມີລັດຖະມົນຕີວ່າການກະຊວງ ກະສິກຳ ແລະ ປ່າໄມ້ ແລະ ເຈົ້າແຂວ ຄຳມ່ວນເຂົ້າຮ່ວມ.

          ເຈົ້າແຂວງຄຳມ່ວນ ຄຳໃບ ດຳລັດ ກ່າວວ່າ : ການວາງສະແດງຜົນງານກະ ສິກຳຄຽງຄູ່ ກັບ ການຈັດ ກອງປະຊຸມໃຫຍ່ຂອງ ຂະແໜງກະສິກຳ ແລະ ປ່າໄມ້ ໃນທົ່ວປະເທດປະຈຳສົກປີ 2011- 2012 ເປັນຂີດ ໝາຍທີ່ດີທີ່ສະແດງເຖິງການລິ ເລີ່ມ ປະຕິບັດມະ ຕິກົມການເມືອງ ສູນກາງພັກ ວ່າ ດ້ວຍການສ້າງ ແຂວງເປັນ ຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໃຫ້ປາກົດຜົນ

ເປັນຈິງເທື່ອລະກ້າວ. ພ້ອມນີ້, ກໍເຫັນໄດ້ເຖິງຜົນສຳເລັດຂອງການພັດທະນາວຽກງານໃນຂົງ ເຂດກະສິກຳ ແລະ ປ່າໄມ້ພາຍໃນ ແຂວງຄຳມ່ວນຊຶ່ງໃນການວາງສະແດງຈະໄດ້ເຫັນບັນດາຜົນງານດ້ານຕ່າງໆ ແລະ ຜະລິດຕະພັນຂອງຜູ້ປະກອບການພາຍໃນ ແລະ ຕ່າງປະເທດ, ເມືອງອ້ອມຂ້າງແຂວງ, ຂະແໜງ ການ ແລະ ໂຄງກນພັດທະນາຕ່າງໆພ້ອມທັງເປັນໂອ ກາດໃນການແລກປ່ຽນຂໍ້ມູນຂ່າວສານດ້ານການພັດທະນາຜະ ລິດຕະພັນ, ປະສົບການ ແລະ ການຕະຫຼາດຂອງຜູ້ປະກອບການທັງພາຍໃນ ແລະ ຕ່າງປະເທດນຳອີກ; ທ່ານ ຄຳສອນ ອ້ວນ ທະວີ ຫົວໜ້າພະແນກກະສິກຳ ແລະ ປ່າໄມ້ ແຂວງຄຳມ່ວນກ່າວວ່າ: ງານຄັ້ງນີ້ໄດ້ເຊີນເອົາບັນ ດາຜູ້ປະກອບການພາຍໃນແຂວງ, ຕ່າງແຂວງ ແລະ ປະເທດໃກ້ຄຽງ ລວມມີ 54 ພາກ ສ່ວນ ຄື ຂະແໜງ ການອ້ອມຂ້າງພະແນກ 10 ຂະແໜງການ,ຫ້ອງການກະສິກຳ ແລະ ປ່າໄມ້ ເມືອງ 10 ຕົວ ເມືອງ, ຜູ້ປະກອບ ການປຸງແຕ່ງ ຜະລິດຕະພັນໄມ້ 5 ຫົວໜ່ວຍ, ກຸ່ມຜະ ລິດຕ່າງໆ 10 ກຸ່ມ,ກຸ່ມ ໂຮງສີເຂົ້າ 4 ກຸ່ມ, ໂຄງການພັດ ທະນາຕ່າງໆອ້ອມຂ້າງແຂວງ 5 ໂຄງການ, ແຂວງສະຫວັນນະ ເຂດ 2 ຫົວໜ່ວຍ, ແຂວງຈຳປາ ສັກ 1 ຫົວ ໜ່ວຍ, ນະຄອນຫຼວງ ວຽງຈັນ 1 ຫົວໜ່ວຍ, ບໍລິສັດກໍ່ ສ້າງ ແລະ ສ້ອມແປງຊົນລະປະ ທານ 1 ບໍລິສັດ ແລະ ຜູ້ປະກອບການ ຈາກແຂວງນະຄອນພະນົມ ປະເທດໄທ 5 ຫົວໜ່ວຍ ເຊິ່ງທັງໝົດນີ້ ເພື່ອເປັນການສົ່ງເສີມ ການຜະລິດ, ການປຸງແຕ່ງຂອງ ຜູ້ປະກອບການ ແລະ ສົ່ງເສີມການທ່ອງທ່ຽວໂດຍຈັດຂຶ້ນເປັນເວລາ 3 ມື້ (11-13 ກຸມພາ 2013) ແລະ ພ້ອມທັງເປັນການຫ້າງຫາກະກຽມຄວາມພ້ອມຂອງຜູ້ປະກອບ ການຕ່າງໆ ເພື່ອເຂົ້າ ຮ່ວມວາງສະແດງສິນຄ້າໃນບຸນນະມັດສະການພະທາດສີໂຄດຕະບອງທີ່ຈະຈັດຂຶ້ນໃນລະຫວ່າງວັນທີ 18-25 ກຸມພາ 2013 ນີ້.