ລາວ-ອົດສະຕຣາລີສືບຕໍ່ເພີ່ມທະວີການພົວພັນຮ່ວມມືສອງຝ່າຍ

         ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະ ມົນຕີວ່າການ ກະຊວງການຕ່າງ ປະເທດ ໄດ້ຕ້ອນຮັບ ແລະ ພົບປະ ຢ່າງເປັນທາງການ ກັບ ທ່ານ ບ໋ອບ ຄາ, ສະມາຊິກສະພາສູງ, ລັດຖະມົນຕີ ການຕ່າງປະເທດ ຂອງອົດສະຕຣາລີ ພ້ອມດ້ວຍພັນ ລະຍາ ແລະ ຄະນະ ໃນວັນທີ 18 ກຸມພາ 2013 ທີ່ກະຊວງການຕ່າງ ປະເທດ ໃນໂອກາດທີ່ທ່ານ ແລະ ຄະນະ ເດີນທາງມາຢ້ຽມຢາມ ລາວ ຢ່າງເປັນທາງ ການ ແຕ່ວັນ ທີ 17-20 ກຸມພາ 2013 ຕາມຄຳ ເຊີນ ຂອງທ່ານລັດຖະມົນຕີວ່າ ການກະຊວງການຕ່າງປະເທດ ແຫ່ງ ສປປ ລາວ. ທ່ານ ດຣ. ທອງລຸນ ສີສຸລິດໄດ້ຕີລາ ຄາສູງ ຕໍ່ການ ຢ້ຽມຢາມຂອງ ທ່ານລັດ ຖະມົນຕີການຕ່າງປະ ເທດຂອງ ອົດສະ ຕຣາລີ ພ້ອມດ້ວຍຄະນະ ໃນຄັ້ງນີ້ ຊຶ່ງເປັນການປະກອບ ສ່ວນສຳຄັນ ເຂົ້າໃນການຮັດ ແໜ້ນ ສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສອງປະເທດ ກໍຄື ສອງຂະແໜງ ການຕ່າງປະເທດ ລາວ ແລະ ອົດ ສະຕຣາລີ. ພ້ອມນີ້ ທ່ານຍັງໄດ້ ສະແດງຄວາມຂອບໃຈ ຕໍ່ລັດຖະ ບານອົດສະຕຣາລີ ທີ່ໄດ້ໃຫ້ ການ ຊ່ວຍເຫລືອ ແກ່ ສປປ ລາວຢ່າງຕໍ່ ເນື່ອງ ແລະ ມີລັກສະນະເພີ່ມຂຶ້ນແຕ່ລະປີນັບແຕ່ປີ 1993 ຈາກ 4 ລ້ານ ໂດລາ ຕໍ່ປີ ມາເປັນ 47,8 ລ້ານໂດລາສະຫະລັດ ໃນສົກປີ

2012-2013 ອັນເປັນການປະ ກອບສ່ວນຊ່ວຍເຮັດໃຫ້ ການພັດ ທະ ນາເສດຖະກິດ-ສັງຄົມ ກໍຄື ຊີວິດການເປັນຢູ່ຂອງປະຊາຊົນ ລາວໃນຫລາຍທ້ອງຖິ່ນ ດີຂຶ້ນ ເປັນລຳ ດັບ; ສະແດງຄວາມຂອບ ໃຈທີ່ລັດຖະບານອົດ ສະຕຣາລີ ໄດ້ໃຫ້ການສະໜັບສະໜູນຊ່ວຍ ເຫລືອແກ່ ສປປ ລາວ ດ້ານການ ຄ້າ ແລະ ການລົງທຶນຢ່າງຕໍ່ ເນື່ອງໂດຍສະ ເພາະການເຂົ້າ ເປັນສະມາຊິດຂອງອົງການ ການ ຄ້າໂລກ ຫລື WTO ຊຶ່ງ ສປປ ລາວ ໄດ້ຖືກຮັບເຂົ້າເປັນສະມາ ຊິກຢ່າງເຕັມ ສ່ວນໃນວັນທີ 2 ກຸມພາ 2013 ນີ້.ໃນໂອກາດດຽວກັນ, ທ່ານ ບ໋ອບ ຄາ ກໍ ໄດ້ສະແດງຄວາມຊົມເຊີຍລັດຖະບານລາວ ຕໍ່ກ ານກະກຽມ ແລະ ການເປັນເຈົ້າພາບຈັດກອງ ປະຊຸມ ອາເຊັມ 9 ໄດ້ຮັບຜົນສຳ ເລັດເປັນຢ່າງດີ ແລະ ສະແດງ ຄວາມດີໃຈທີ ລັດຖະບານອົດສະຕຣາລີກໍມີສ່ວນຮ່ວມສະໜັບສະ ໜູນການກະກຽມກອງປະຊຸມດັ່ງກ່າວ ໃນດ້ານການຝຶກອົບຮົມພາສາອັງ ກິດໃຫ້ແກ່ບຸກຄະລາກອນທີ່ເຂົ້າຮັບໃຊ້ກອງປະຊຸມດັ່ງກ່າວ. ພ້ອມນີ້ ທ່ານຍັງໄດ້ສະແດງຄວາມຂອບໃຈຕໍ່ ສປປ ລາວ ທີ່ສະ ໜັບສະໜູນອົດສະຕຣາລີ ໃຫ້ເປັນພາກສ່ວນໜຶ່ງ ຂອງທະວີບອາຊີ ແລະ ການສະໜັບສະໜູນໃຫ້ອົດສະຕຣາລີ ເຂົ້າເປັນສະ ມາຊິກບໍ່ຖາວອນຂອງສະ ພາຄວາມໝັ້ນຄົງ ສປຊ ພ້ອມທັງ ສະແດອງຄວາມຢືນຢັນ ທີ່ຈະສືບ ຕໍ່ໃຫ້ການສະໜັບສະໜູນ ແລະ ຊ່ວຍເຫລືອແກ່ ສປປ ລາວ ຕໍ່ໄປ ໃນດ້ານການສຶກສາ, ການສະໜັບສະໜູນການເຕີບໂຕທາງດ້ານການຄ້າ ແລະ ການລົງ ທຶນແບບ ຍືນຍົງ ແລະ ພັດທະ ນາຊົນນະ ບົດ ລວມທັງໂຄງການເກັບກູ້ລະ ເບີດ ແລະ ການກໍ່ສ້າງພື້ນຖານ ໂຄງລ່າງຢູ່ຊົນນະ ບົດພ້ອມທັງມີຄວາມຍິນດີທີ່ຈະຍູ້ໃຫ້ນັກທຸລະກິດຂອງອົດສະຕຣາລີມາດຳເນີນທຸລະກິດຢູ່ ສປປ ລາວ ຫລາຍຂຶ້ນ ແລະ ທ່ານ ໄດ້ແຈ້ງໃຫ້ຝ່າຍລາວຊາບແຜນ ຍຸດທະສາດຂອງອົດສະຕຣາລີ ຊຶ່ງສຸມໃສ່ຂົງເຂດອາຊີ ໂດຍສະ ເພາະ ກັບບັນດາປະເທດອາ ຊຽນ ແລະ ການປະກາດນະໂຍບາຍດ້ານຄວາມໝັ້ນຄົງແຫ່ງຊາດ ຂອງອົດສະຕຣາລີອັນໃໝ່ ເພື່ອຮັບມື ແລະ ຕອບໂຕກັບ ບັນຫາທີ່ ເຄັ່ງຮ້ອນຢູ່ໃນຂົງເຂດ ໂດຍສະເພາະແມ່ນໄພຂົ່ມຂູ່ຕໍ່ຄວາມໝັ້ນຄົງແບບໃໝ່ເປັນຕົ້ນແມ່ນການໂຈມຕີທາງອິນ ເຕີແນັດ ຊຶ່ງນຳຜົນເສຍຫາຍໃຫ້ແກ່ລັດ, ທຸລະກິດ ແລະ ນິຕິບຸກຄົນໃນຫລາຍປະເທດໃນໂລກລວມທັງອົດສະຕຣາລີ.

            ໃນການພົບປະດັ່ງກ່າວ, ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີລະຫວ່າງສອງ ປະເທດລາວ ແລະ ອົດສະຕຣາລີ ທີ່ມີບາດກ້າວຂະຫຍາຍຕົວຢ່າງຕໍ່ ເນື່ອງ ຕະຫລອດໄລຍະ 60 ປີ ແຫ່ງການສ້າງຕັ້ງສາຍ ພົວພັນການທູດ ນັບແຕ່ປີ 1952 ເປັນຕົ້ນມາ, ສອງປະເທດມີການ ແລະ ແລກປ່ຽນ ການຢ້ຽມຢາມເຊິ່ງກັນ ແລະ ກັນໃນ ຫລາຍລະດັບ ໂດຍສະເພາະນັບແຕ່ຊຸມປີ 1990 ການພົວພັນຮ່ວມມື ລະຫວ່າງ ສອງປະເທດ ໄດ້ຮັບການພັດທະນາ ຂຶ້ນສູ່ລະດັບສູງ, ສອງປະເທດໄດ້ມີການສະໜັບສະໜູນເຊິ່ງກັນ ແລະ ກັນ ໃນເວທີສາກົນກໍຄືພາກ ພື້ນຕະຫລອດມາ. ຫລັງຈາກການພົບປະສອງຝ່າຍຢ່າງເປັນທາງ ການ ທ່ານລັດ ຖະມົນຕີທັງສອງ ໄດ້ຮ່ວມລົງນາມໃນເອກະສານ ການປະກອບ ສ່ວນຂອງລັດຖະບານອົດສະຕຣາລີ ເຂົ້າໃນການ ອຳນວຍຄວາມສະດວກດ້ານ ການຄ້າ ມູນຄ້າ 5 ລ້ານໂດລາ ອົດສະຕຣາລີ ໃຫ້ແກ່ ສປປ ລາວ ໃນໄລຍະ 4 ປີ ແລະ ໄດ້ຮ່ວມກັນ ຖະແຫລງຂ່າວກ່ຽວກັບຜົນການ ພົບປະສອງຝ່າຍ ແລະ ໃນຕອນ ຄ່ຳວັນດຽວກັນ ທ່ານ ດຣ. ທອງ ລຸນ ສີສຸລິດ, ຮອງນາຍົກລັດຖະ ມົນຕີ, ລັດຖະມົນຕີວ່າການກະ ຊວງການຕ່າງປະເທດ ໄດ້ຈັດ ງານ ລ້ຽງ ເພື່ອເປັນກຽດໃຫ້ແກ່ ທ່ານ ບ໋ອບ ຄາ, ສະມາຊິກສະພາ ສູງ,ລັດຖະມົນຕີການຕ່າງປະເທດ ຂອງ  ອົດສະ ຕຣາລີ ພ້ອມດ້ວຍ ພັນລະຍາ ແລະ ຄະນະ.

     ຂ່າວຍັງໃຫ້ຮູ້ອີກວ່າ: ໃນຕອນ ເຊົ້າວັັນດຽວກັນ ທ່ານ ບ໋ອບ ຄາ, ສະມາຊິກສະພາສູງ, ລັດຖະມົນຕີ ການຕ່າງປະເທດຂອງ ອົດສະຕາລີ ພ້ອມດ້ວຍພັນລະຍາ ແລະ ຄະນະ ໄດ້ໄປຢ້ຽມຢາມໂຮງໝໍປິ່ນປົວຕາທົ່ງ ປົ່ງ ແລະ ໄດ້ໃຫ້ການຊ່ວຍເຫລືອ ແກ່ໂຮງໝໍດັ່ງກ່າວ ມູນຄ່າ 1 ລ້ານໂດລາອົດສະຕາລີ ເພື່ອນຳໃຊ້ເຂົ້າໃນການຊື້ອຸປະກອນຮັບໃຊ້ເຂົ້າໃນການປິ່ນປົວ.