ລະວັງຊີ້ນປອມ ຢູ່ຊຽງຂວາງ

        ຢູ່ຕະຫຼາດກະສິກຳແຂວງຊຽງຂວາງໃນເດືອນທັນວາ ປີກາຍນີ້,ເຈົ້າໜ້າທີ່ຫ້ອງ ການອຸດສາຫະກຳການຄ້າເມືອງ ແປກ ແຂວງຊຽງຂວາງໄດ້ລົງກວດກາສິນຄ້າຢູ່ຕະ ຫຼາດກະສິກຳໂພນສະຫວັນແຂວງຊຽງຂວາງ ໄດ້ພົບເຫັນແມ່ຄ້າພວມລັກລອບປອມແປງ ຫຼອກລວງຜູ້ຊື້ຢູ່,ເຈົ້າໜ້າທີ່ຈຶ່ງເຂົ້າຢຶດເອົາຂອງກາງ ​ແລະ ​ໄດ້​ໃຊ້ກ້ອງຖ່າຍຮູບບັນທຶກພາບ ໄວ້ພຽງພໍ. ຈາກ​ເຫດການ​ນີ້,ນາງ ອຳພອນ ອາຍຸ 58 ປີ ຢູ່ຄຸ້ມນາລີວ ບ້ານນາພົງ ເມືອງ ແປກ ແລະ ນາງ ກູດ ອາຍຸ 55 ປີ ຢູ່ບ້ານ ໂພນຄຳ ເມືອງແປກ ທັງສອງເປັນແມ່ ຄ້າຂາຍ ຊີ້ນງົວ- ຄວາຍ ຢູ່ຕະຫຼາດ​ແຫ່ງ​ນີ້ມາ​ເປັນ​ເວລາດົນແລ້ວພວມເອົາຊີ້ນໝູພັນມາປະສົມໃສ່ ເລືອດງົວ ​ແລະ ອ້າງວ່າເປັນຊີ້ນ ງົວເພື່ອຫຼອກຂາຍ. ໃນນີ້,ນາງ ອຳພອນ ມີຊີ້ນໝູສົດ 15 ກິໂລ, ໜັງ 3 ກິໂລ ແລະ ກະດູກ 1 ກິໂລ, ແມ່ກູດມີຊີ້ນໝູສົດ 3 ກິໂລ,ຂອງ ລູກໃພ້ແມ່ ກູດຊີ້ນໝູ 19 ກິໂລດູກ 1,4 ກິໂລ ແລະ ໜັງໝູ 3 ກິໂລ ພວກກ່ຽວໄດ້ຂາຍໄດ້ ລາຄາດີໄປແລ້ວ, ແຕ່ຜູ້ຊື້ໄປບໍລິໂພກເຫັນເປັນ ຊີ້ນປອມ​ແປງກໍ​ໄດ້ແຈ້ງເຈົ້າໜ້າທີ່ເຂົ້າຢຶດເອົາຂອງກາງ ແລະ ໃຫ້ພວກກ່ຽວເຂົ້າ ໄປແກ້ໄຂ ຢູ່ຫ້ອງ ຈັດສັນຕະຫຼາດ ​ເພື່ອ​ດຳ​ເນີນ​ການ​ສຶກສາ​ອົບຮົມ.

         ຕາມການລາຍງານຂອງ ເຈົ້າໜ້າທີ່ຫ້ອງການ ອຸດສາຫະ ກຳ ແລະ ການຄ້າເມືອງແປກ ເຫັນວ່າ:ພວກກ່ຽວດຳເນີນການ ຄ້າຂາຍຜິດຕໍ່ກົດໝາຍບ້ານເມືອງ ດຳເນີນທຸລະກິດບໍ່ຖືກຕ້ອງ,ບໍ່ ຍອມຮ່ວມມືກັບການຈັດຕັ້ງ. ຕາມການໃຫ້ການຂອງເຈົ້າໜ້າ ທີ່ ດ້ານນີ້ເຫັນວ່າ:ການເຮັດທຸລະກິດ ຂາຍຊີ້ນ ​ແລະ ຍັງມີການລັກ ລອບນຳເອົາຊີ້ນງົວຄວາຍຕາຍ ຍ້ອນພະຍາດເຂົ້າມາປອມ ແປງ ຂາຍນຳອີກຍ້ອນ​ການ​ຄຸ້ມ​ຄອງ ໂຮງງານຂ້າສັດຍັງບໍ່ມີຄວາມຮັດ ກຸມ ແລະ ບໍ່ໄດ້ປະຕິບັດຕາມການອະນຸຍາດຈຶ່ງຮຽກ ຮ້ອງມາຍັງຜູ້ ບໍລິໂພກ ແລະ ຈົ່ງຊ່ວຍກັນຕິດ ຕາມການປະພຶດທີ່ບໍ່ດີຂອງພວກ ເຫັນແກ່ໂຕທັງເປັນການຮັກສາສຸຂະພາບຂອງ ຜູ້ບໍລິໂພກ ແລະ ຕ້ານການລະບາດຂອງພະຍາດທີ່ຈະເກີດຂື້ນກັບສັດລ້ຽງຂອງປະຊາຊົນນຳ​ອີກ.