ເປີດທະນາຄານ ມາຣູຮານ ເຈແປນ-ລາວ

     ພິທີເປີດທະນາຄານມາຣູຮານ​ເຈ​ແປນ​ລາວ ໄດ້ມີຂຶ້ນ ໃນວັນທີ 16 ກຸມພານີ້ຢູ່ບ້ານໂພນໄຊ ເມືອງໄຊເສດຖາ ນະ ຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ສຸກັນ ມະຫາລາດ ເຈົ້າຄອງນະຄອນຫລວງວຽງຈັນ, ທ່ານ ດຣ ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ທ່ານ ສົມພາວ ໄຟສິດ ຜູ້ວ່າການທະນ າຄານແຫ່ງສ ປປ ລາວ, ທ່ານນາງ ຈູນໂກະ ໂຍ ໂກຕະເອກ ອັກຄະລາຊະທູດຍີ່ປຸ່ນປະຈຳລາວ ແລະ ທ່ານ ຮັງ ຈັງ ວູ ປະທານຜູ້ ບໍລິຫານກຸ່ມບໍລິສັດມາ ຣູຮານ ເຂົ້າຮ່ວມນຳ​ດ້ວຍ.

    ປະທານຜູ້ບໍລິຫານກຸ່ມບໍ ລິສັດມາ ຣູຮານ ກ່າວວ່າ:ທະນາ ຄານແຫ່ງນີ້ແມ່ນທະນາຄານ ແຫ່ງທຳອິດຂອງຍີປຸ່ນທີ່ໄດ້ມາ ເປີດໃຫ້ບໍລິການການເງິນຢູ່ລາວ ແລະມີເປົ້າໝາຍຈະເປັນຜູ້ນຳໜ້າ ດ້ານທຸລະກິດການເງິນຢູ່ອາຊີ, ຄຽງຄູ່ກັນນັ້ນກໍຈະປະ ກອບສ່ວນ ສະໜັບສະໜູນໃຫ້ສາຍພົວພັນລະ ຫວ່າງປະເທດຍີປຸ່ນ ແລະ ບັນດາ ປະເທດໃນກຸ່ມອາຊຽນແໜ້ນ ແຟ້ນກວ່າ

ເກົ່າພ້ອມທັງເຮັດໃຫ້ເສດຖະກິດໃນພາກພື້ນນີ້ມີການພັດທະນາ ແລະ ເຕີບໃຫຍ່ຂະ ຫຍາຍຕົວຂຶ້ນໄປເລື້ອຍໆ. ພວກ ເຮົາເຊື້ອໝັ້ນວ່າ:ທະນາຄານແຫ່ງນີ້ຈະມີການດຳເນີນທຸລະກິດໄປໂດຍດີຍ້ອນໄດ້ຮັບການສະໜັບສະໜູນຈາກພາກລັດຖະ ບານ ແລະ ທຸລະກິດ.ນອກຈາກນີ້ ສປປ ລາວ ຍັງມີການເຕີບໃຫຍ່ ທາງເສດຖະກິດຢ່າງຕໍ່ເນື່ອງ, ລະບົບການເມືອງ ມີຄວາມ ໝັ້ນທ່ຽງ ແລະ ຈະກາຍເປັນສູນກາງຂອງການຂົນສົ່ງໃນອະນາຄົດຂອງພາກພື້ນອາຊີ.

      ທ່ານ ສົມພາວ ໄຟສິດ ຜູ້ວ່າ ການທະນາຄານແຫ່ງ ສປປ ລາວ ກ່າວວ່າ: ໃນຊຸມປີຜ່ານມາ,ສປປ ລາວ ຈັດຢູ່ໃນບັນດາປະ ເທດທີ່ມີ ເສດຖະກິດຂະຫຍາຍສູງ,ອັດ ຕາເງິນເຟີ້ຢູ່ໃນລະດັບຕົວເລກ ດຽວ,ການຄ້າການລົງທຶນມີ ການຂະຫຍາຍຕົວຢ່າງຕໍ່ ເນື່ອງ ແລະ ເມື່ອບໍ່ດົນມານີ້,ສປປ ລາວ ໄດ້ຖືກຮັບຮອງເຂົ້າເປັນສະມາ ຊິກອົງການການຄ້າໂລກ( WTO) ເຊິ່ງຈະກາຍເປັນ ເງື່ອນໄຂທີ່ເອື້ອອຳນວຍໃນການດຶງດູດການລົງທຶນຂອງຕ່າງປະເທດເຂົ້າມາໃນ ສປປ ລາວ ນັບມື້ເພີ່ມຂຶ້ນ. ສຳລັບຂະແໜງ ການທະນາຄານໄດ້ປະຕິບັດນະໂຍບາຍເງິນຕາຢ່າງຄ່ອງແຄ້ວເພື່ອຮັກສາສະຖຽນລະພາບເງິນຕາແຫ່ງຊາດພ້ອມນັ້ນໄດ້ເອົາ ໃຈໃສ່ຄຸ້ມຄອງທະນາຄານທຸລະກິດໃຫ້ມີຄວາມໝັ້ນຄົງ ແລະ ຫັນເປັນທັນສະໄໝເທື່ອລະກ້າວ.ປັດຈຸບັນ, ທະນາຄານຢູ່ ສ ປປ ລາວ ມີທັງໝົດ 31 ແຫ່ງ ຍອດຊັບສີນຂອງທະນາ ຄານມີປະມານ 68% ຂອງຈີດີພີ ໂດຍບັນດາທະນາຄານເຫລົ່ານັ້ນ ໄດ້ປະກອບສ່ວນສຳຄັນໃນການ ພັດທະນາເສດຖະກິດຂອງປະ ເທດໃຫ້ຂະຫຍາຍຕົວຢ່າງຕໍ່ ເນື່ອງ ແລະ ແກ້ໄຂຄວາມທຸກ ຍາກຂອງປະຊາຊົນບັນດາເຜົ່າ ເທື່ອລະກ້າວ.ສະນັ້ນ,ການເຂົ້າ ມາດຳເນີນທຸລະກິດຢູ່ລາວຂອງ ທະນາຄານມາຣູຮານບໍ່ພຽງແຕ່ ຈະເປັນການປະກອບສ່ວນພັດ ທະນາຂະແໜງການທະນາຄານ ໃນລາວເທົ່ານັ້ນທະນາຄານ ແຫ່ງນີ້ຈະເປັນທະນາຄານຕົວ ແບບໜຶ່ງທີ່ຈະນຳເອົາຮູບແບບ ບໍລິການຢ່າງມີອາຊີບ,ເຕັກໂນ ໂລຊີທີ່ທັນສະໄໝ,ມີຫລາຍຜະລິດຕະພັມາບໍລິການສັງຄົມ  ທັງຈະ ປະກອບສ່ວນອຳນວຍຄວາມສະ ດວກໃນການສົ່ງເສີມການຄ້າ ແລະ ການລົງທຶນລະຫວ່າງສປປ ລາວ ແລະ ຍີ່ປຸ່ນ ເພີ່ມທະວີຂຶ້ນ ກວ່າເກົ່າ.