ບໍລິສັດ MMG LXML ເຊ ໂປນ ເຊິ່ງເປັນບໍລິສັດຂຸດຄົ້ນແຮ່ຄຳ-ທອງຢູ່ແຂວງສະຫວັນນະເຂດ
ໄດ້ມອບເງິນປັນຜົນໃຫ້ລັດຖະບານແຫ່ງ ສປປ ລາວ ຈຳນວນ 28,5 ລ້ານໂດລາສະຫະລັດ ເຊິ່ງຕິດພັນກັບລາຍຮັບທຸລະກິດຂອງປີ
2012.
ການຈ່າຍເງິນຄ່າພາສີ ແລະ ຄ່າພາກຫລວງຂອງປີ 2012 ແມ່ນໄດ້ປະຕິບັດພາຍໃນເດືອນມີນານີ້
ຫລັງການຊຳລະຄ່າພາກຫລວງເພີ່ມຕື່ມ ເຊິ່ງຈະໄດ້ດຳເນີນການພາຍໃນປີນີ້. ເງິນທັງໝົດທີ່ລັດຖະບານໄດ້ຮັບຈາກໂຄງການບໍ່ທອງ-ຄຳເຊໂປນຈະບັນລຸເຖິງ
1 ຕື້ໂດລາສະຫະລັດ.
ການມອບເງິນປັນຜົນຂອງປີ
2012 ໄດ້ແບ່ງອອກເປັນ 2 ງວດ ເຊິ່ງພິທີມອບເງິນປັນຜົນງວດສຸດທ້າຍໄດ້ຈັດຂຶ້ນໃນວັນທີ
4 ມີນາ ຢູ່ກະຊວງການເງິນນະຄອນ ຫລວງວຽງຈັນ ເປັນຈຳນວນເງິນທັງໝົດ 15 ລ້ານໂດລາສະ
ຫະລັດ.
ລັດຖະບານລາວຖືຮຸ້ນ
10% ໃນບໍລິສັດລ້ານຊ້າງມີເນໂຣນສ໌ ລິມິເຕັດ ທີ່ດຳເນີນງານຢູ່ໃນບໍ່ຄຳ-ທອງເຊໂປນ.
ປີ 2012 ເຊິ່ງເປັນປີທີ່ບໍລິສັດ MMG LXML ເຊໂປນ ຜະລິດທອງໄດ້ເກີນຄາດ ໝາຍເຊິ່ງຜະລິດໄດ້
86.295 ໂຕນ ເພີ່ມຂຶ້ນຈາກປີ 2011 ເຖິງ 9%.
No comments:
Post a Comment