ສະຖານທູດຍີ່ປຸ່ນປະຈຳລາວຮ່ວມກັບກະຊວງຖະແຫລ່ງຂ່າວ,
ວັດທະນະ ທຳ ແລະ ທ່ອງທ່ຽວ ແລະ ບໍລິສັດ Laughing Cats ໄດ້ຈັດການສະແດງດົນຕີ ແລະ ຟ້ອນຍີ່ປຸ່ນສະໄໝໃໝ່
ຊື່ວ່າ “ຊີປັງກຸ” ໃນວັນທີ 16 ມີນາ
2013 ຢູ່ຫໍວັດທະນະທຳແຫ່ງຊາດນະຄອນຫລວງວຽງຈັນ ເຊິ່ງການ ສະແດງດັ່ງກ່າວເປັນກິດຈະກຳໜຶ່ງເພື່ອສະເຫລີມສະຫລອງສາຍພົວພັນມິດຕະພາບ
ແລະ ການຮ່ວມມືຍີ່ປຸ່ນ-ອາຊຽນ ຄົບຮອບ 40 ປີ ໂດຍການໃຫ້ກຽດເຂົ້າ ຮ່ວມຂອງທ່ານ ສຈ.ດຣ.
ບໍ່ແສງຄຳ ວົງດາລາ ລັດຖະມົນຕີວ່າ ການກະຊວງຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວ,
ທ່ານນາງ ຈຸນໂກະ ໂຢໂກຕະ ເອກອັກຄະ ຣາຊະທູດ ວິສາມັນ ຜູ້ມີອຳນາດເຕັມແຫ່ງປະເທດ ຍີ່ປຸ່ນປະຈຳລາວ.
ສິລະປິນອາຊີບ
7 ທ່ານຂອງຍີ່ປຸ່ນໄດ້ສະແດງຄວາມສາມາດຕ່າງໆຂອງຕົນເຊັ່ນ:ການຕີກອງຍີ່ປຸ່ນ, ການເສບເຄື່ອງດົນຕີປະເພດຕ່າງໆ,ການຮ້ອງເພງໂອເປລາ
ແລະ ຟ້ອນສະໄໝໃໝ່ໂດຍການປະສົມປະສານຄວາມສາ ມາດເຂົ້າກັນເພື່ອເຮັດໃຫ້ການສະແດງມີມ່ວນຊື່ນ,
ມີເອກະລັກເຮັດໃຫ້ຜູ້ຊົມໄດ້ຮັບຮູ້ສິລະປະ ແລະ ວັດທະນະທຳສະໄໝໃໝ່ຂອງຍີ່ປຸ່ນ.
ກ່ອນການສະແດງ,ຄະນະນັກສິລະປິນດັ່ງກ່າວ ໄດ້ຈັດກອງປະຊຸມວິຊາການຢູ່ໂຮງຮຽນມັດທະຍົມສົມບູນພອນສະຫວັນ
ເພື່ອແນະນຳເຄື່ອງດົນຕີ ແລະ ການຟ້ອນຍີ່ປຸ່ນທີ່ທັນສະໄໝ ໃຫ້ແກ່ນັກຮຽນ ຊຶ່ງໄດ້ຮັບຄວາມສົນໃຈຈາກຜູ້ເຂົ້າຮ່ວມເປັນຢ່າງດີ.
No comments:
Post a Comment