ທະນາຄານໂລກສຶບຕໍ່ໃຫ້ ການຊ່ວຍເຫລືອການຈັດຕັ້ງປະ
ຕິບັດບັນດາບຸລິມະສິດດ້ານການຄ້າ ແລະ ເຊື່ອມໂຍງຂອງລັດຖະ ບານ ສປປ ລາວ ຜ່ານກອງທຶນຊ່ວຍເຫລືອລ້າຫລາຍຝ່າຍເພື່ອພັດທະນາດ້ານການຄ້າໄລຍະສອງ
TDF-2 ໃນວັນທີ 28 ມີນາ 2013 ທີ່ກະຊວງການເງິນໄດ້ມີພິທີເຊັນສັນຍາທຶນຊ່ວຍເຫລືອລ້າ
ລະຫວ່າງ ທ່ານ ສັນຕິພາບ ພົມວິ ຫານ ລັດຖະ ມົນຕີຊ່ວຍວ່າການກະຊວງການເງິນ ກັບ ທ່ານ
ນາງ ເຄໂກະ ມີວະ ຜູ້ຕາງໜ້າຫ້ອງ ການທະນາຄານໂລກປະຈຳ ສປປ ລາວ, ມີ ທ່ານ ຣີຊາດ
ເຣັກ ຄອດ ຜູ້ຊ່ຽວຊານອາວຸໂສທາງດ້ານເສດຖະກິດການຄ້າຂອງທະນາ ຄານໂລກ ຫົວໜ້າທີມງານຮັບຜິດຊອບໂຄງການດັ່ງກ່າວ
ພ້ອມດວ້ຍ ແຂກ ທີ່ຖືກເຊີນທັງສອງຝ່າຍເຂົ້າຮ່ວມເປັນສັກຂີພະຍານ.
ໂຄງການດັ່ງກ່າວນີ້ແມ່ນມີເປົ້າໝາຍແນ່ໃສ່
ເພື່ອປະກອບ ສ່ວນປັບປຸງຄວາມສາມາດໃນການແຂ່ງຂັນ ແລະ ການສ້າງເສດຖະກິດໃຫ້ມີຄວາມຫລາກຫລາຍໂດຍແນ່ໃສ່ບັນດາຂະແໜງທີ່ບໍ່ແມ່ນຊັບພະຍາກອນທຳມະຊາດ.ໂຄງການດັ່ງກ່າວລວມມີມູນຄ່າ
14 ລ້ານໂດລາສະຫະລັດ (US$) ນີ້ແມ່ນໄດ້ຮັບການສະ ໜອງທຶນຈາກການຮ່ວມມືຫລາຍຝ່າຍເຊິ່ງລວມມີເງິນຊ່ວຍເຫລືອລ້າຈາກທະນາຄານໂລກມູນຄ່າ
4 ລ້ານໂດລາສະຫະລັດ (US$), ທຶນຈາກກອງທຶນຊ່ວຍເຫລືອລ້າຫລາຍຝ່າຍໃນວົງເງິນ
10 ລ້ານໂດລາສະຫະລັດ (US$) ເຊິ່ງປະ ກອບສ່ວນໂດຍອົງການອອສເອດ, ສະ ຫະພາບເອີຣົບ,
ອົງ ການຮ່ວມມື
ເພື່ອການພັດທະນາເຢຍລະມັນ ແລະ ອົງການຊ່ວຍເຫລືອໄອແລນ ໃນພິທີເຊັນສັນຍາມື້ນີ້ແມ່ນໄດ້ມີການມອບເງິນຊ່ວຍເຫລືອລ້າຈຳນວນ
7.5 ລ້ານໂດ ລາສະຫະລັດ (US$) ແລະ ຈຳ ນວນທີ່ເຫລືອ 6.5 ລ້ານໂດລາສະ ຫະລັດ (US$)
ແມ່ນຈະສືບຕໍ່ໃຫ້ ການຊ່ວຍເຫລືອໄປພ້ອມກັບການດຳເນີນໂຄງການ.
ທ່ານ ນາງ ເຄໂກະ ມີວະ ກ່າວວ່າ: ການປັບປຸງຄວາມສາ
ມາດໃນການແຂ່ງຂັນ ແລະ ການເຊື່ອມໂຍງຕໍ່ກັບພາກພື້ນແມ່ນມີຄວາມໝາຍສຳຄັນຫລາຍໃນການຂະຫຍາຍຕົວແບບມີສ່ວນຮ່ວມ
ແລະ ຍືນຍົງ, ການຄ້າແມ່ນມີບົດບາດສຳຄັນຫລາຍຕໍ່ການຂະຫຍາຍຕົວນີ້ແມ່ນໜຶ່ງໃນເປົ້າໝາຍຫລັກຂອງຍຸດທະສາດຮ່ວມພັດທະນາປະເທດຂອງທະນາ
ຄານໂລກ ໃນ ສປປ ລາວ ປີ 2012 -2016.ໂຄງການກອງທຶນຊ່ວຍເຫລືອລ້າຫລາຍຝ່າຍເພື່ອພັດທະ
ນາດ້ານການຄ້າໄລຍະສອງນີ້ແມ່ນເປັນການສານຕໍ່ບັນດາຜົນສຳເລັດທີ່ຍາດມາໄດ້ພາຍໃຕ້ກອງທຶນຊ່ວຍເຫລືອລ້າຫລາຍຝ່າຍເພື່ອພັດທະນາດ້ານກດານຄ້າໄລຍະຕົ້ນ
(TDF1) ແລະ ພວກເຮົາມີຄວາມມຸ່ງໝັ້ນເອົາໃຈໃສ່ການສະ ໜັບສະໜູນແຜນການຂອງລັດຖະບານ
ສປປ ລາວ ທາງດ້ານການຄ້າ ແລະ ການເຊື່ອມຕໍ່ກັບພາກພື້ນ.
No comments:
Post a Comment