ກະຊວງໂຍທາທິການ ແລະ ຂົນສົ່ງ ໄດ້ຊີ້ແຈ້ງໃຫ້ຮູ້ກ່ຽວກັບການຮັກສາຄວາມສະອາດເສັ້ນທາງຢູ່ນະຄອນຫລວງວຽງຈັນ
ຫລັງບັນຫາດັ່ງກ່າວສັງຄົມໄດ້ໃຫ້ຄວາມສົນໃຈຫລາຍ ຈົນເຖິງຂັ້ນໄດ້ມີການສະເໜີຕໍ່ສະພາແຫ່ງຊາດ
ເພື່ອໃຫ້ພາກສ່ວນກ່ຽວ ຂ້ອງອອກມາຊີ້ແຈ້ງ ເຖິງຄວາມຮັບຜິດຊອບຂອງຕົນຕໍ່ວຽກງານດັ່ງກ່າວ.
ນອກຈາກນີ້ ຈະມີມາດຕະການເດັດຂາດແນວໃດຕໍ່ບັນຫາລົດບັນທຸກຫີນ- ຊາຍທີ່ເປັນໂຕການໜຶ່ງເຮັດໃຫ້ເສັ້ນທາງເປື້ອນ.
ກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ:
ການເຮັດອະນາໄມດູດຝຸ່ນ, ລ້າງທາງ,ເຮັດຄວາມ ສະອາດຕົວເມືອງແມ່ນວຽກງານໜຶ່ງທີ່ຂັ້ນເທິງມອບໝາຍໃຫ້
ອພບ ເປັນຜູ້ຮັບຜິດຊອບໃນການ ຈັດຕັ້ງປະຕິບັດຕົວຈິງ. ສຳລັບວຽກລ້າງທາງແມ່ນໄດ້ມີແຜນລ້າງ
1 ເທື່ອຕໍ່ອາທິດຕໍ່ເສັ້ນທາງ ເນື່ອງຈາກວ່າງົບປະມານມີຈຳ ກັດ (ອາໄສເກັບລາຍຮັບຈາກການບໍລິການຈອດລົດແຄມທາງ
ແລະ ສວນສາທາລະນະ) ຈຶ່ງໄດ້ລ້າງແຕ່ພຽງ 19 ເສັ້ນທາງສາຍຫລັກ. ນອກຈາກການດູດຝຸ່ນ,
ລ້າງທາງ,ພວກເຮົາຍັງໄດ້ຈັດແຮງງານປັດກວາດສາຍທາງດ້ວຍແຮງງານຄົນເຂົ້າຮັບຜິດຊອບຜູ້ໜຶ່ງ
800 ມ ໃນ 19 ເສັ້ນ ທາງສາຍຫລັກ ຄືດັ່ງຂ້າງເທິງ ໂດຍມີການຮັບຜິດຊອບເປັນປົກກະຕິມີການຕິດຕາມກວດກາປັດ
ກວາດຂີ້ຝຸ່ນ ແລະ ເສດຂີ້ເຫຍື້ອຕ່າງໆທີ່ເປິເປື້ອນຕາມຖະໜົນຫົນທາງໃນການຮັກສາສ້າງຄວາມສະອາດຕົວເມືອງ.
ສຳລັບການແກ່ດິນ-ຫີນ-ຊາຍ ຂອງລົດບັນທຸກທີ່ສ້າງຄວາມເປິເປື້ອນໃຫ້ແກ່ຖະໜົນຫົນທາງ
ແມ່ນບັນຫາໜັກໜ່ວງຂອງ ອພບ, ພວກເຮົາໄດ້ມີໜ່ວຍງານຈັດສັນຄວາມເປັນລະບຽບຂອງ
ອພບ ໂດຍສົມທົບກັບເຈົ້າໜ້າທີ່ຕຳ ຫລວດນະຄອນຫລວງ, ຫ້ອງ ການ ຍທຂ ເມືອງ ເພື່ອຕິດຕາມກວດກາ
ແລະ ປະຕິບັດມາດຕະ ການຕ່າງໆຕໍ່ຜູ້ລະເມີດ ໂດຍອີງໃສ່ກົດໝາຍວ່າດ້ວຍຜັງເມືອງ
ແລະ ກົດໝາຍວ່າດ້ວຍທາງຫລວງ ແລະ ລະບຽບການອື່ນໆທີ່ກ່ຽວຂ້ອງ, ແຕ່ມີບາງເທື່ອພວກເຮົາກໍບໍ່ສາມາດຈັບຜູ້ລະເມີດໄດ້.
ການຮັກສາຕົວເມືອງໃຫ້ມີຄວາມສະອາດເປັນໜ້າທີ່ຂອງໝົດທຸກຄົນທົ່ວທັງສັງຄົມ,
ບໍ່ແມ່ນຂອງພາກສ່ວນໃດພາກສ່ວນໜຶ່ງ, ໃນນັ້ນ ຜູ້ປະກອບການແກ່ດິນ-ຫີນ- ຊາຍຕ້ອງຕື່ນຕົວເປັນເຈົ້າການ,
ຜູ້ອະນຸມັດ ແລະ ຄວບຄຸມການກໍ່ສ້າງ ຕ້ອງມີຄວາມຮັບຜິດຊອບຕິດຕາມຢູ່ຕະຫລອດເວລາ.
ຄຽງຄູ່ກັນນັ້ນຄະນະພັກ-ອຳນາດການ ປົກຄອງແຕ່ລະຂັ້ນຕະຫລອດ ເຖິງປະຊາຊົນຕ້ອງມີສ່ວນຮ່ວມໃນການສອດສ່ອງ
ແລ້ວລາຍງານເຈົ້າໜ້າທີ່ກ່ຽວຂ້ອງເປັນປະ ຈຳໃນກໍລະນີພົບເຫັນຜູ້ລະເມີດ ເພື່ອສ້າງນະຄອນຫລວງໃຫ້ມີຄວາມສະອາດຈົບງາມ
ແລະ ບັນລຸໄດ້ 6 ສ ທີ່ເປັນຄຳຂວັນຂອງນະຄອນຫລວງວາງອອກ ຄື ສ.ສະອາດ, ສ.ສະຫງົບ,
ສ.ສີ ຂຽວ, ສ.ສະເໜ່ ແລະ ສ.ສີວິໄລ.
No comments:
Post a Comment