ລາວ-ກູບາ ເພີ່ມທະວີການຮ່ວມມືສອງຝ່າຍ

ໂດຍຕອບສະໜອງຕາມ ຄຳເຊີນ ຂອງສະຫາຍ ບຸນຍັງ ວໍລະຈິດ ກຳມະການ ກົມການເ ມືອງ ສູນກາງພັກ, ຜູ້ປະຈຳ ການຄະນະເລຂາທິການສູນກາງພັກ ປະຊາຊົນ ປະຕິວັດລາວ, ຮອງ ປະທານປະເທດ ແຫ່ງ ສປປ. ລາວ; ສະ ຫາຍ ມີເກັນ ດີອາສ-ກາເນັນ ແບກມູເດັສ ກຳມະ ການກົມການເມືອງ ສູນກາງພັກ ກອມມູນິດ ກູບາ, ຮອງປະ ທານສະພາແຫ່ງລັດ ແລະ ສະພາລັດ ຖະມົນຕີ ຜູ້ທີໜຶ່ງ ແຫ່ງສາທາລະນະລັດ ກູບາ ພ້ອມຄະນະ ດ້ເດີນ ທາງມາ ຢ້ຽມຢາມ ສປປ. ລາວ ຢ່າງເປັນທາງ ການ ແຕ່ວັນທີ 22-23 ມິຖຸນາ 2013. ຄະນະຜູ້ ແທນດັ່ງກ່າວໄດ້ເດີນທາງ ມາເຖິງສະໜາມບິນສາກົນວັດໄຕໃນ ວັນທີ 22 ມິຖຸນາ ໂດຍໄດ້ ຮັບການຕ້ອນ ຮັບຈາກຄະນະທາງການຂອງລາວ ນຳໂດຍ ສະຫາຍ ພົງສະຫວັດ ບຸບຜາ ລັດຖະມົນຕີ, ຫົວໜ້າຫ້ອງວ່າການ ປະທານປະ ເທດ.          

            ຢູ່ທີ່ທຳນຽບປະທານປະເທດ, ພາຍຫລັງສຳເລັດພິທີຕ້ອນຮັບຢ່າງເປັນທາງການ ແລ້ວ, ສະຫາຍ ມີເກັນ ດີອາສ- ກາເນັນ ແບກມູເດັສ ກໍໄດ້ເຂົ້າພົບປະສອງຝ່າຍກັບ ສະຫາຍ ບຸນຍັງ ວໍລະຈິດ ພ້ອມດ້ວຍຄະນະ ເພື່ອສອງຝ່າຍ ໄດ້ແຈ້ງສະພາບການທີ່ ພົ້ນເດັ່ນ ຂອງສອງປະເທດ, ແລະ ຕີລາຄາການຮ່ວມມືສອງຝ່າຍໃນ ໄລຍະຜ່ານມາ ແລະ ປຶກສາ ຫາ ລືທິດທາງການຮ່ວມມື ໃນຕໍ່ໜ້າ, ແລກປ່ຽນທັດສະນະຕ່າງໆກ່ຽວ ກັບບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງ ມີຄວາມສົນໃຈຮ່ວມກັນ.   

            ໃນໂອກາດນີ້, ສະຫາຍ ບຸນຍັງ ວໍລະຈິດ ໄດ້ຕີລາຄາສະ ພາບການຮ່ວມມື ສອງຝ່າຍ ໃນ ຜ່ານມາວ່າ:  ເຖິງວ່າສະພ າບການສາກົນຈະປ່ຽນແປງໄປຢ່າງ ສັບສົນກໍຕາມແຕ່ມູນເຊື້ອແຫ່ງ ການພົວພັນມິດຕະພາບ ແລະ ການຮ່ວມມືອັນດີງາມ ທີ່ມີມາແຕ່ ດົນນານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ ແລະ ກູບາໄດ້ຮັບການສືບ ຕໍ່ເສີມຂະ ຫຍາຍຢ່າງບໍ່ຢຸດຢັ້ງ ຊຶ່ງ ສະແດງອອກໃນດ້ານການ ເມືອງ ລະຫວ່າງສອງປະ ເທດສືບຕໍ່ມີ ຄວາມໜັກແໜ້ນ, ສອງຝ່າຍມີ ຄວາມເຂົ້າອົກເຂົ້າໃຈກັນດີ, ມີ ທັດສະນະຄ້າຍຄືກັນໃນຫລາຍ ບັນຫາ ແລະ ສະໜັບສະໜູນ ເຊິ່ງ ກັນ ແລະ ກັນ ໃນເວທີພາກພື້ນ ແລະ ສາກົນ, ສອງຝ່າຍໄດ້ສືບຕໍ່ ໄປມາຫາສູ່ກັນ, ແລກປ່ຽນຢ້ຽມຢາມ ເຊິ່ງກັນ ແລະ ກັນ ໃນລະ ດັບການນຳພັກ- ລັດ ກໍຄື ອົງການ ຈັດຕັ້ງມະຫາ ຊົນ.    

         ໃນໂອກາດພົບປະຫາລືສະ ຫາຍ ມີເກັນ ດີອາສ-ກາເນັນ ແບກ ມູເດັສ ໄດ້ສະແດງຄວາມດີໃຈທີ່ ໄດ້ທີໂອ ກາດ ມາຢ້ຽມຢາມລາວ, ມາເຫັນການພັດທະນາປະເທດ ຊາດ ຂອງປະຊາຊົນລາວອ້າຍ ນ້ອງ, ສະຫາຍໄດ້ຢືນ ຢັນຄືນ ແນວທາງຂອງພັກ-ລັດກູບາໃນ ການ ສືບຕໍ່ເສີມຂະຫຍາຍສາຍ ພົວພັນ ຮ່ວມມື ທີ່ມີມູນເຊື້ອລະ ຫວ່າງພັກ-ລັດ ແລະ ປະຊາຊົນ ສອງປະເທດໃນຕະຫລອດ ໄລຍະ ຜ່ານມາ, ຈະສືບຕໍ່ໃຫ້ການ ຊ່ວຍ ເຫລືອ ແກ່ ສປປ. ລາວ ໃນການກໍ່ ສ້າງຊັບ ພະຍາກອນມະນຸດ, ກິລາ ແລະ ສາທາລະນະສຸກ. ພ້ອມທັງ ຖືໂອກາດນີ້ ແຈ້ງການເຊື່ອເຊີນ  ຂອງ ສະຫາຍ ຣາອູນ ກາດສະໂຕ ເລຂາທິການຜູ້ທີໜຶ່ງ ຄະນະບໍລິ ຫານງານສູນກາງພັກ ກອມມູນິດກູບາ ເພື່ອເຊີນສະຫາຍ ຈູມມາລີ ໄຊຍະສອນ ເລຂາ ທິຫານໃຫຍ່ຄະ ນະບໍລິຫານງານສູນກາງພັກ ປປ. ລາວ, ປະທານປະເທດແຫ່ງ ສປປ. ລາວ  ໄປຢ້ຽມຢາມ ສ.ກູ ບາ ຢ່າງເປັນທາງການໃນເວລາ ທີ່ເຫັນວ່າ ເໝາະສົມ.        

            ການຢ້ຽມຢາມ ສປປ. ລາວ ເປັນເວລາ 2 ວັນ ຂອງສະ ຫາຍ ມີເກັນ ດີອາສ-ກາເນັນ ແບກ ມູເດັສ ຄັ້ງ ນີ້, ເປັນເຫດການສຳ ຄັນອັນໜຶ່ງແຫ່ງການພົວພັນຮ່ວມມືລະຫວ່າງ ສປປ.ລາວ ແລະ ສ.ກູບາ ຊຶ່ງເປັນການ ປະກອບສ່ວນສຳຄັນໃນການຮັດແໜ້ນສາຍພົວພັນມິດຕະພາບ, ຄວາມສາມັກຄີຖານອ້າຍນ້ອງ ແລະ ການຮ່ວມ ມືຮອບດ້ານລະຫວ່າງສອງປະເທດກໍຄືປະຊາຊົນສອງຊາດ ລາວ-ກູບາ ທີ່ມີມາແຕ່ດົນນານນັ້ນ ໃຫ້ນັບມື້ໄດ້ຮັບ ການເພີ່ມພູນຄູນສ້າງ ແລະ ພັດທະນາໄປສູ່ບາດກ້າວໃໝ່ເພື່ອຜົນປະໂຫຍດລວມຂອງສອງປະເທດ.       

             ໃນຕອນຄ່ຳວັນດຽວກັນ, ສະຫາຍ ບຸນຍັງ ວໍລະຈິດ ກຳມະການກົມການເມືອງສູນກາງພັກ, ຜູ້ປະຈຳ ການຄະນະເລຂາທິການສູນກາງພັກປະຊາຊົນປະຕິວັດລາວ, ຮອງປະທານປະເທດ ແຫ່ງ ສປປ. ລາວ ກໍໄດ້ຈັດ ງານລ້ຽງ ເພື່ອເປັນກຽດແກ່ສະຫາຍ ມີ ເກັນ ດີອາສ-ກາເນັນ ແບກມູເດັສ ກຳມະການກົມການເມືອງ ສູນກາງ ພັກກອມມູນິດກູບາ, ຮອງປະທານສະພາແຫ່ງລັດ ແລະ ສະພາລັດຖະມົນຕີຜູ້ທີໜຶ່ງແຫ່ງ ສາທາລະນະລັດ ກູບາ ພ້ອມຄະນະທີ່ໂຮງແຮມລາວພລາຊາ, ນະຄອນຫລວງວຽງຈັນ.        

          ໃນວັນທີ 23 ມິຖຸນາ 2013, ສະຫາຍມີເກັນ ດີອາສ-ກາເນັນ ແບກມູເດັສ ພ້ອມຄະນະກໍໄດ້ເດີນ ທາງກັບຄືນ ປະເທດດ້ວຍ ຜົນສຳ ເລັດສູງ.