ເຈົ້າໜ້າທີ່ປະຈຳດ່ານພູແກ່ວຂິງ
ເມືອງວຽງທອງ ແຂວງຫົວພັນ ໄດ້ຈັບຜູ້ຄ້າຂາຍຢາເສບຕິດ 4 ຄົນ ພ້ອມຂອງກາງຢາບ້າໄດ້ ຈຳນວນຫລາຍ
ທີ່ເຊື່ອງໄວ້ໃນຖົງເດີນທາງຂອງຜູ້ໂດຍສານສາຍທາງວຽງຈັນ-ຊຳເໜືອ ໃນວັນທີ
6 ມິຖຸນາຜ່ານມາໂດຍຜູ້ຕ້ອງຫາ ຄືທ້າວ ວາຈົງຢາງ ອາຍຸ 39 ປີ ແລະ ນາງ ຢີກື ອາຍຸ
33 ປີ ທັງສອງເປັນຜົວເມຍກັນຢູ່ບ້ານນາຮາ ເມືອງສຳພັນ ແຂວງຜົ້ງສາລີ ໂດຍຮັບສາລະ
ພາບຕໍ່ເຈົ້າໜ້າທີ່ວ່າ:ວັນທີ 1 ມິຖຸນາ 2013, ມີຄົນຮູ້ຈັກໄດ້ໂທລະສັບມາບອກວ່າ:
ຕ້ອງການຢາບ້ານຳພວກກ່ຽວ ແລະ ມາຮອດວັນທີ 6 ມິຖຸນາ 2013,ພວກຕົນໄດ້ຈັດຫາຢາ
ແລະ ຈະນຳຢາໄປສົ່ງຢູ່ແຂວງຫົວພັນ ເຊິ່ງເດີນທາງມານຳລົດໂດຍສານປະ ຈຳທາງຜົ້ງສາລີ-ອຸດົມໄຊ.
ພໍເດີນທາງມາຮອດ 3 ແຍກປາກມອງຈຶ່ງໄດ້ປ່ຽນໄປຂຶ້ນລົດສາຍວຽງຈັນ-ຊຳເໜືອ ແລະ
ຖືກເຈົ້າ ໜ້າທີ່ຈັບໄດ້ ແລະ ໃນມື້ຕໍ່ມາ, ເຈົ້າໜ້າທີ່ປະຈຳດ່ານພູແກ່ວຂິງ
ສາມາດຈັບກຸມຜູ້ຂົນສົ່ງຢາເສບຕິດໄດ້ອີກ 2 ຄົນ ຢູ່ລົດໂດຍສານປະຈຳທາງສາຍວຽງຈັນ-ຊຳເໜືອເຊັ່ນດຽວກັນ
ເຊິ່ງຜູ້ຕ້ອງຫາຄືນາງ ວັນສີ ວ່າງ ອາຍຸ 39 ປີ ບ້ານໜອງບົວທອງ ແລະ ນາງ ເຊ ວ່າງ
ອາຍຸ 49 ປີ ບ້ານນາລິ່ວ ທັງສອງເປັນປະຊາຊົນ ເມືອງຊຳເໜືອ ແຂວງຫົວພັນ ຖືກເຈົ້າໜ້າທີ່ກວດພົບເຫັນຢາບ້າ
ຈຳນວນ 17.972 ເມັດ ທີ່ເຊື່ອງມາໃນແກັດຂະໜົມ ລວມຂອງກາງຢາບ້າທີ່ຢຶດໄດ້ຈາກຜູ້ຕ້ອງຫາທັງໝົດ
28 ພັນກວ່າເມັດ ແລະ ໄດ້ນຳໄປດຳເນີນຄະດີຕາມລະບຽບກົດໝາຍ.
No comments:
Post a Comment