ໃນວັນທີ
9 ກໍລະກົດ ນີ້ ຢູ່ກອງບັນຊາການ ປກສ ນະຄອນ ຫຼວງວຽງຈັນ ໄດ້ມີກອງປະຊຸມ ສະຫຼຸບວຽກງານ
6 ເດືອນ ຕົ້ນປີ ຂອງຕົນຂື້ນ ໂດຍການເຂົ້າຮ່ວມຂອງທ່ານ ພົນຈັດຕະວາ ສິນທະວົງ
ໄຊຍະກອນ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບເຊິ່ງມີພະນັງານນາຍ ແລະ
ພົນຕຳຫຼວດຈາກ 9 ເມືອງເຂົ້າຮ່ວມ.
ທ່ານພັນເອກ
ແສງເພັດ ພົມມະລີ ຮອງກອງບັນຊາການ ປກສ ນະຄອນຫຼວງວຽງຈັນ ໄດ້ຜ່ານບົດສະຫຼຸບລາຍງານ
6 ເດືອນຜ່ານມາວ່າ:ສະພາບປາກົດການຫຍໍ້ທໍ້ທາງສັງຄົມ ຍັງສືບຕໍ່ ສ້າງຄວາມບໍ່ສະຫງົບໃນສັງຄົມ
ຫຼາຍຮູບການທີ່ເປັນອັນຕະລາຍຄືການໃຊ້ອາວຸດປືນ,ມີດ,ງ້າວ, ເຄື່ອນໄຫວຊີງຊັບ-ງັດແງະ,
ຄ້າຂາຍຢາເສບຕິດໂດຍຜູ້ທີ່ຕົກເປັນເຫຍື່ອຂອງກຸ່ມຄົນບໍ່ດີດັ່ງກ່າວ ສ່ວນຫຼາຍແມ່ນຜູ້ຍິງຕາມຮ້ານເສີມສວຍ,ຮ້ານຂາຍເຄື່ອງຍ່ອຍ
ຫຼື ຫ້ອງແຖວໃຫ້ເຊົ່າ ແລະ ເສັ້ນທາງປ່ຽວຕ່າງໆ ຄື ໃນ 6 ເດືອນ ຜ່ານມາ ມີຄະດີອາຍາເກີດຂຶ້ນ
1.139 ເລື່ອງ, ເຈົ້າໜ້າທີ່ສາມາດແກ້ໄຂໄດ້ 624 ເລື່ອງ, ກັກຜູ້ກະທຳຜິດມາດຳເນີນຄະດີໄດ້
979 ຄົນ,ຍິງ 153 ຄົນ, ສ້າງຜົນເສຍຫາຍໃຫ້ແກ່ຊັບສິນຂອງລັດ ແລະ ພົນລະເມືອງເປັນເງິນ
ສອງ ຕື້ກວ່າກີບ,ຄຳຮູບປະພັນ 2 ກິໂລ, ໂທລະສັບມືຖື 278 ໜ່ວຍ ແລະ ຊັບສິນອື່ນໆຫຼາຍຊະນິດ.
ແນວໃດກໍດີ,ກອງປະຊຸມໄດ້ຕີລາຄາວ່າ:ສະພາບຫຍໍ້ທໍ້ເກີດຂຶ້ນຍ້ອນບັນຫາຢາເສບຕິດໂດຍສະເພາະກຸ່ມຊາວໜຸ່ມເຍົາວະຊົນ
ມີການເຄື່ອນໄຫວມົ້ວສຸມເສບຢາເສບຕິດຕາມສະຖານທີ່ຄຸ້ມບ້ານ, ເຮືອນພັກ ແລະ ຮ້ານກິນດື່ມຕ່າງໆ
ແລະ ບັນຫາການເຄື່ອນຍ້າຍແຮງງານເຂົ້າມາເຮັດວຽກໃນຕົວເມືອງໃຫຍ່ເຮັດໃຫ້ການຄຸ້ມຄອງພົນລະເມືອງມີຄວາມສັບສົນ,
ເຖິງວ່າເຈົ້າໜ້າທີ່ຈະມີການຈັບມາດຳເນີນຄະດີ ແລະ ສານຕັດສິນລົງໂທດແຕ່ກໍບໍ່ເຂັດລາບ,ສິ່ງນີ້ກໍຍ້ອນຜູ້ປົກຄອງຈຳນວນໜຶ່ງຍັງບໍ່ທັນເປັນເຈົ້າການຮ່ວມມືໃນການແກ້ໄຂບັນ
ຫາ, ເມື່ອພົບເຫັນກໍບໍ່ມີການລາຍງານ ຈຶ່ງເຮັດໃຫ້ການປາບປາມຂອງເຈົ້າໜ້າທີ່ພົບຄວາມຫຍຸ້ງ
ຍາກ.
ທ່ານ
ພັນເອກ ແສງເພັດ ກ່າວວ່າ: ໃນໄລຍະຜ່ານມາ, ກຳ ລັງ ປກສ ກໍໄດ້ເຄື່ອນໄຫວສະກັດກັ້ນປາກົດກນຫຍໍ້ທໍ້ດັ່ງກ່າວ
ຕາມຄຳສັ່ງຂອງນາຍົກລັດຖະມົນຕີວາງອອກ ແລະ ຖືເປັນວຽກຍຸດທະສາດໃນການສະກັດກັ້ນ
ແລະ ຕ້ານປາກົດການຫຍໍ້ທໍ້ໃນສັງຄົມ ເປັນຕົ້ນແມ່ນບັນຫາການກໍ່ອາ ຊະຍາກຳປຸ້ນຈີ້-ຊີງຊັບ,ລັກຊັບພົນລະເມືອງກໍ່ຄວາມບໍ່ສະຫງົບໃນສັງຄົມໃຫ້ໝົດໄປ.
ກອງປະຊຸມຍັງໄດ້ເຫັນດີວ່າ:
ໃນຕໍ່ໜ້ານີ້ ຈະສືບຕໍ່ເລັ່ງແກ້ໄຂສະພາບດັ່ງກ່າວບົນພື້ນຖານສືບຕໍ່ຈັດຕັ້ງປະຕິບັດ
4 ຄາດ ໝາຍ, 4 ບຸກທະລຸ, 13 ວຽກຍຸດທະສາດຂອງກະຊວງປ້ອງກັນຄວາມສະຫງົບ ຄືນຳພາແນວຄິດ
ການເມືອງໃຫ້ພະນັກງານມີຄວາມຫ້າວຫັນ ແລະ ເຜີຍແຜ່ເຊື່ອມຊຶມຄຳສັ່ງຂອງລັດຖະມົນຕີວ່າການກະຊວງປ້ອງກັນຄວາມສະຫງົບ,
ນຳພາວຽກງານວິຊາສະເພາະ:ເອົາໃຈໃສ່ວຽກງານສືບຂ່າວ ແລະ ເພີ່ມທະວີປະຕິບັດຄຳສັ່ງເລັກທີ
27/ ນຍ ສຸມໃສ່ 6 ແຜນງານສະເພາະກິດສະກັດກັ້ນ, ແກ້ໄຂປາກົດການຫຍໍ້ທໍ້:ປຸ້ນຈີ້-ຊີງຊັບ,
ສະກັດກັ້ນເລີກຮື້ແກ້ໄຂການຄ້າຂາຍ, ມົ້ວສຸມຢາເສບຕິດ, ກວດກາລາດຕະເວນເສັ້ນທາງສ່ຽງ, ສະກັດກັ້ນແກ້ໄຂກຸ່ມແກ໊ງກວນເມືອງ,ລະບາຍການສັນຈອນ,
ແກ້ໄຂບັນຫາອຸປະຕິເຫດ, ເພີ່ມທະວີການກວດກາຄົນຕ່າງ ປະເທດ, ຄຸ້ມຄອງນັກທ່ອງທ່ຽວ,ກວດກາຄຸ້ມຄອງສຳມະໂນຄົວ,
ຄົນພັກເຊົາ, ຄຸ້ມຄອງເປົ້າໝາຍຕິດພັນກັບການຫັນລົງກໍ່ສ້າງຮາກຖານ ປະຕິບັດວຽກງານ
3 ສ້າງ.
No comments:
Post a Comment