ກຽມເປີດຮຽນວິຊາບໍລິການໂຮງແຮມ, ຮ້ານອາຫານ ແລະ ທ່ອງທ່ຽວຊຸດທຳອິດ

           ສະຖາບັນການທ່ອງທ່ຽວ ແລະ ການໂຮງແຮມແຫ່ງຊາດ “ລານິດ (Lanith)” ມີທີ່ຕັ້ງຢູ່ບໍລິ ເວນວິທະຍາໄລເຕັກນິກ ປາກປ່າສັກ ຈະເລີ່ມເປີດ ການຮຽນ ການສອນຫລັກສູດຊັ້ນສູງ ລະ ດັບສາກົນ ລະບົບ 2 ປີ (4 ພາກ ຮຽນ) ໃນຕົ້ນເດືອນກັນ ຍາທີ່ຈະ ມາເຖິງນີ້ ໂດຍມີ 4 ສາຂາວິຊາ ຮຽນ ຄື ການປຸງແຕ່ງ ອາຫານ,  ການບໍລິການອາຫານ ແລະ ເຄື່ອງດື່ມ; ການບໍລິການ ສະຖານທີ່ພັກ ແຮມ ແລະ ການບໍລິການການເດີນທາງ ແລະ ການທ່ອງທ່ຽວ ເລັງໃສ່ຄວາມຕ້ອງ ການດ້ານຄຸນນະພາບຂອງ ການສຶກ ສາ ແລະ ການຝຶກອົບຮົມໃຫ້ແກ່ ຄົນລາວ ເພື່ອໃຫ້ແທດເໝາະກັບວຽກງານຕົວຈິງ. ປັດຈຸບັນມີຜູ້ສະໝັກທີ່ໄດ້ຮັບ ການຄັດເລືອກ ແລ້ວ 30 ກວ່າຄົນ ແລະ ຍັງຈະ ເປີດຮັບສະໝັກຕື່ມອີກຈົນ ເຖິງ ວັນທີ 30 ສິງຫາ 20123 ນີ້.                 

            ໃນຕອນບ່າຍຂອງວັນທີ 16 ສິງຫານີ້ຢູ່ສະຖາບັນການ ທ່ອງທ່ຽວ ແລະ ການໂຮງແຮມ ແຫ່ງຊາດ ກໍໄດ້ຈັດຕັ້ງການ ພົບປະກັບພໍ່ແມ່ຜູ້ປົກຄອງນັກຮຽນ, ນັກສຶກສາ ທີ່ມາຈາກໂຮງຮຽນ ຕ່າງໆໃນນະຄອນຫລວງວຽງ ຈັນ ໂດຍມີທັງບັນດາຫົວທຸ ລະກິດທາງພັກລັດ ແລະ ເອກະຊົນ ແລະ ທີມງານຂອງສະຖາບັນດັ່ງກ່າວ ເຂົ້າຮ່ວມ ເພື່ອເປັນການແຈ້ງໃຫ້ ກັບບັນດາພໍ່ແມ່ຜູ້

ປົກຄອງຂອງນັກຮຽນ, ນັກສຶກກສາໄດ້ຮູ້ຈັກກັບວຽກງານການສິດສອນຮ່ຳ ຮຽນກ່ຽວກັບການບໍລິການໃນໂຮງແຮມ, ຮ້ານ ອາຫານ ແລະ ການທ່ອງທ່ຽວທັງເປັນການແນະນຳໃຫ້ຜູ້ເຂົ້າຮ່ວມເຂົ້າໃຈ ຢ່າງເລິກເຊິ່ງ ກ່ຽວກັບແບບແຜນວິທີເຮັດວຽກ ການບໍລິການຕ່າງໆທັງເປັນການເຮັດໃຫ້ຜູ້ເຂົ້າຮ່ວມຮູ້ຈັກກັບສະຖາບັນ Lanith ຫລາຍຂຶ້ນ.              

          ທ່ານນາງ ສາຍສະຫວາດ ຈ່າສານ ທີມງານຂອງສະຖາບັນ ດັ່ງກ່າວ ແຈ້ງໃຫ້ຮູ້ວ່າ: ສະຖານບັນການທ່ອງທ່ຽວ ແລະ ການ ໂຮງແຮມແຫ່ງຊາດ ສ້າງຕັ້ງຂຶ້ນ ເພື່ອສ້າງຄວາມເຂັ້ມ ແຂງໃຫ້ແກ່ ຊັບພະຍາກອນມະນຸດໃຫ້ມີຄຸນນະພາບ ແລະ ຄວາມ ອາດສາມາດຕໍ່ການທ່ອງທ່ຽວ ແລະ ການບໍລິການ, ສ້າງຊັບພະຍາກອນມະນຸດໃຫ້ມີຄຸນນະພາບທາງການສຶກສາ ແລະ ການ ຝຶກອົບຮົມເພື່ອຮັບໃຊ້ວຽກງານອຸດສາຫະກຳການທ່ອງທ່ຽວ ຢູ່ ສປປ ລາວ.