ສັກວັກແຊງປ້ອງກັນພະຍາດໄຂ້ຫວັດຕາມລະດູການໃຫ້ການນຳກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ

      ໃນວັນທີ 2 ກໍລະກົດ 2013 ນີ້ ຢູ່ຫໍວັດທະນະທຳແຫ່ງຊາດກະຊວງສາທາລະນະສຸກຮ່ວມກັບ ພະແນກສາທາລພະນະສຸກນະຄອນຫລວງໄດ້ລົງໄຫວເຄື່ອນສັກຢາວັກແຊັງປ້ອງ ກັນພະຍາດໄຂ້ ຫວັດຕາມລະດູການໃຫ້ບັນດາການນຳຫລັກແຫລ່ງໂດຍມີບັນດາທ່ານລັດຖະມົນຕີຊ່ວຍວ່າການ, ຫົວໜ້າກົມ, ຮອງກົມ, ຫົວໜ້າພະແນກອ້ອມຂ້າງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເຂົ້າຮ່ວມ.

           ທ່ານ ແກ່ນຈັນ ຊະນະໄພພານ ຫົວໜ້າໜ່ວຍຂໍ້ມູນຂ່າວ ສານສະຖິຕິ ແລະ ຕິດຕາມຊຸກຍູ້ ໂຄງ ການສັກຢາ ກັນພະຍາດຕິດຕໍ່ກະຊວງສາທາລະນະສຸກ ໄດ້ ແຈ້ງໃຫ້ຮູ້ວ່າ: ຂະບວນການສັກ ຢາວັກແຊັງ ປ້ອງກັນພະຍາດຕາມລະດູການ ແມ່ນໄດ້ເລີ່ມຈັດຕັ້ງປະ ຕິບັດມາແຕ່ຕົ້ນເດືອນມິຖຸນາ ແລະ ຈະສຳເລັດໃນ ທ້າຍເດືອນກໍລະກົດ 2013 ນີ້, ການສັກຢາວັກແຊັງປ້ອງກັນພະຍາດໄຂ້ຫວັດຕາມລະດູການແມ່ນຈະໄດ້ ເນັ້ນ ໃສ່ບັນດາພະ ນັກງານການນຳ ແລະ ພະນັກງານວິຊາການທີ່ເຮັດວຽກພົວພັນກັບຕ່າງປະເທດ, ມີການພົບປະກັບຜູ້ຄົນຕະຫລອດເວລາສຳລັບຂັ້ນກະຊວງ ແມ່ນ ໄດ້ລົງສັກຢາ​ວັກ​ແຊັງປ້ອງ​ກັນ​ພະຍາດ​ຕາ​ລະດູ​ການໃຫ້ກະຊວງສາທາລະນະສຸກ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ກະ ຊວງສຶກສາທິການ ແລະ ກິລາ, ກະຊວງແຜນການ ແລະ ການລົງທຶນ, ກະຊວງການຕ່າງປະເທດ, ກະຊວງພາຍໃນ ແລະ ຫ້ອງວ່າການລັດຖະບານ ເຊິ່ງວັກແຊັງທີ່ນຳມາສັກໃນຄັ້ງນີ້ແມ່ນໄດ້ຮັບການຊ່ວຍເຫລືອຈາກສູນຄວບຄຸມພະຍາດຕິດຕໍ່ຂອງສະຖານທູດອາເມລິກາປະຈຳ ສປປ.ລາວ.