ສັງຄົມເລີ່ມຫັນມາໃຊ້ບໍລິການລົດຕັກຊີຫລາຍຂຶ້ນ

     ບໍລິສັດ ຈົ້ງຢ້າຍິ້ງຢູ້ອີ້ ເຊິ່ແມ່ນບໍລິສັດທີ່ໃຫ້ບໍລິການແລ່ນລົດຕັກຊີຢູ່ນະຄອນຫລວງວຽງຈັນ ໄດ້ໃຫ້ ສຳພາດຕໍ່ນັກຂ່າວໜັງ ສືພິມລາວພັດທະນາ ໃນວັນທີ 2 ກໍລະກົດນີ້ວ່າ: ປັດຈຸບັນຄົນໃນສັງ ຄົມເລີ່ມ ຫັນມາໃຊ້ບໍລິການລົດຕັກຊີຫລາຍຂຶ້ນ ເນື່ອງຈາກມີຄວາມສະດວກ, ລາຄາຖືກ ແລະ ປອດໄພ.

      ທ່ານ ການິດາ ເຮີ ຜູ້ຈັດການ ບໍລິສັດ ຈົ້ງຢ້າຍົ້ງຢູ້ອີ້ ກ່າວວ່າ: ບໍລິສັດໄດ້ເລີ່ມໃຫ້ບໍລິການແລ່ນ ລົດ ຕັກຊີຢູ່ນະຄອນຫລວງວຽງຈັນ ໃນຕົ້ນປີນີ້ ເຊິ່ງເຫັນວ່າຄ່ອຍໆໄດ້ ຮັບຄວາມນິຍົມຈາກ ຜູ້ໂດຍ ສານຫລາຍ ຂຶ້ນ ເຊິ່ງຜູ້ໂດຍສານສ່ວນຫລາຍແມ່ນນັກທ່ອງທ່ຽວ, ພະກງານ ແລະ ກຸ່ມຄົນທົ່ວໄປ. ປັດຈຸບັນບໍລິສັດມີ ລົດຕັກຊີປະເພດລົດເກັງ 10 ຄັນ ແລ່ນບໍລິການຕາມຈຸດຕ່າງໆໃນຕົວເມືອງ ແລະ ໄດ້ນຳເອົາລົດໄຟຟ້າເຂົ້າ ມາຕື່ມ ອີກ 10 ຄັນ ເພື່ອຮອງຮັບການບໍລິການໃຫ້ພຽງພໍທັງເປັນມິດກັ ສິ່ງແວດລ້ອມ, ສ່ວນຄ່າບໍລິການ ແມ່ນຄິດໄລ່ເລີ່ມ ແຕ່ 15.000 ກີບ ໃນ 2 ກິໂລແມັດທຳອິດ, ຈາກນັ້ນ ຄິດໄລ່ 3.000 ກີບຕໍ່ກິໂລແມັດ.

     ທ່ານ ການິດາ ກ່າວວ່າ: ປັດຈຸ  ບັນຢູ່ນະຄອນຫລວງວຽງຈັນ ບໍ ລິສັດທີ່ໃຫ້ບໍລິການລົດຕັກຊີມີ ພຽງ 2 ແຫ່ງ. ນອກຈາກນັ້ນແມ່ນ ລົດຕັກຊີຂອງ ບຸກຄົນແລ່ນໃຫ້ບໍລິການສັງຄົມ ເຊິ່ງໄລຍະຫລາຍປີ ຜ່ານມາ, ລົດຕັກຊີບໍ່ຄ່ອຍໄດ້ຮັບຄວາມສົນໃຈຫລາຍປານໃດເນື່ອງຈາກຫລາຍຄົນຍັງບໍ່ທັນ ຄຸ້ນເຄີຍກັບການບໍລິ ການຂອງລົດປະເພດດັ່ງກ່າວຄືກັບລົດຕຸກໆ, ຈ້ຳໂບ້ ຫລື ສາມລໍ້ຕ່າງໆ. ອີກຢ່າງໜຶ່ງ ຫລາຍຄົນຄິດວ່າ: ຄ່າບໍລິການອ່າວແພງຈຶ່ງ ເຮັດໃຫ້ບໍ່ໄດ້ຮັບຄວາມນິຍົມຫລາຍເທົ່າທີ່ຄວນ, ແຕ່ມາຮອດປັດຈຸບັນໃນເງື່ອນໄຂສະພາບຂອງສັງຄົມມີການຂະຫຍາຍຕົວກໍເຫັນວ່າຜູ້ຄົນ ໄດ້ຄ່ອຍໆ ຫັນມານິຍົມໂດຍສານໄປມາດ້ວຍລົດ ຕັກຊີຫລາຍຂຶ້ນ ເພາະວ່າການບໍລິການແມ່ນມີຄວາມສະດວກສະບາຍ, ຄວາມປອດໄພກໍຮັບປະກັນກວ່າ ແລະ ຄ່າບໍລິການກໍໃກ້ຄຽງກັບຄ່າໂດຍສານປະເພດອື່ນໆນຳອີກ.