laophatthananewspaper: ຊາວສວນກ້ວຍເມືອງນາຫມໍ້ ຮຽກຮ້ອງພາກສ່ວນທີ່ກ່ຽວຂ້ອງແກ້ໄຂບັນຫາທີ່ດິນທີ່ໄດ້ຮັບຜົນກະທົບຈາກໂຄງການປູກກ້ວຍ

ເປັນສຽງສະທ້ອນຈາກຊາວໄຮ່, ຊາວສ່ວນຢູ່ແຂວງ ອຸດົມໄຊ ທີ່ໄດ້ຮັບຜົນກະທົບຈາກການ ລະເມີດສັນຍາຂອງ ບໍລິສັດ ພູໄວລອງ ເຊິ່ງເປັນບໍລິສັດທີ່ເຂົ້າມາລົງທຶນໃນໂຄງການດັ່ງກ່າວ ແຕ່ທ້າຍປີ 2011 ດັ່ງທີ່ປະຊາຊົນລາວ ໃນເຂດດັ່ງກ່າວທ່ານໜຶ່ງກ່າວຕໍ່ນັກຂ່າວໜັງສືພິມ ລາວພັດທະນາ ວ່າ: ຢາກໃຫ້ພາກ ສ່ວນທີ່ກ່ຽວຂ້ອງຂຶ້ນໄປສຳຫຼວດ, ກວດກາຄືນເບິ່ງຕົວຈິງ ແລະ ຮຽກຮ້ອງໃຫ້ບໍລິສັດດັ່ງກ່າວກັບມາຈ່າຍຄ່າສຳປະທານທີ່ດິນ, ຄ່າຜົນຜະລິດທີ່ເນົ່າເປື່ອຍໄປກັບຕົ້ນ ແລະ ຫາກບໍລິສັດດັ່ງກ່າວບໍ່ສາມາດສືບຕໍ່ໂຄງ ການໄດ້ກໍຂໍໃຫ້ກັບມາປັບໜ້າດິນນາທີ່ຖືກບຸກລຸກຈາກການປູກກ້ວຍ ດັ່ງກ່າວ. ທ່ານຍັງກ່າວອີກວ່າ: ຫາກພາກສ່ວນກ່ຽວຂ້ອງບໍ່ສາມາດຕິດຕໍ່ຫາບໍລິສັດໄດ້ກໍຢາກໃຫ້ປະສານຫາເຈົ້າໜ້າທີຝ່າຍຈີນ ເພື່ອຊ່ວຍນຳຫາບໍລິສັດດັ່ງກ່າວ, ດັ່ງທີ່ທາງພາກສ່ວນກ່ຽວຂ້ອງຂອງເມືອງເຄີຍໃຫ້ຄວາມຫວັງກັບປະຊາຊົນໃນມໍ່ໆມານີ້.

ໂຄງການດັ່ງກ່າວເປັນໂຄງ ການປູກກ້ວຍຫອມຂອງນັກລົງ ທຶນຈາກຈີນ ທີ່ໄດ້ເລີ່ມປະຕິບັດມາແຕ່ທ້າຍປີ 2011 ຕາມສັນຍາເບື້ອງຕົ້ນ ທາງບໍລິສັດຈະລົງທຶນປູກກ້ວຍຫອມໃນພື້ນທີ່ດິນນາ ແລະ ສ່ວນຂອງປະຊາຊົນໃນຮູບແບບສຳປະທານເປັນປີ ເຊິ່ງທາງບໍລິສັດຈະເປັນຜູ້ຮັບຜິດຊອບຕໍ່ໂຄງການທັງໝົດ ນັບແຕ່ລົງມືປູກ, ການບົວລະບັດຮັກສາ ຈົນເຖິງການເກັບກູ້ ໂດຍອາໄສແຮງງານ ຂອງປະຊາຊົນ ແລະ ທາງບໍລິສັດຈະຈ່າຍຄ່າແຮງງານເປັນລາຍ ວັນ, ບໍລິສັດຈະຈ່າຍຄ່າສຳປະ ທານທີ່ດິນຕາມຜົນຜະລິດທີ່ປະຊາ ຊົນເຄີຍໄດ້. ຈະຄິດໄລ່ເປັນເນື້ອທີ່ ຖ້າເປັນເດືອນແມ່ນຈະໄດ້ຮັບ

ລາ ຄາສູງກ່ວາຕາມທີ່ໄດ້ຕົກລົງກັນໄວ້ ແລະ ຈະຊ່ວຍປັບໜ້າດິນນາ ຂອງປະຊາຊົນທີ່ໄດ້ຮັບການບຸກ ລຸກຈາກໂຄງການປູກກ້ວຍຄືນສູ່ສະພາບເດີມ ພາຍຫຼັງສຳເລັດໂຄງ ການ. ບໍລິສັດດັ່ງກ່າວຍັງໃຫ້ສັນ ຍາອີກວ່າ: ຈະຈ່າຍຄ່າຊົດເຊີຍຕໍ່ຜົນຜະລິດຂອງປະຊາຊົນທີ່ໄດ້ຮັບຄວາມເສຍຫາຍຈາກການດຳເນີນໂຄງການ ແລະ ສຳລັບແຮງງານທີ່ຈະຮັບໃຊ້ເຂົ້າໃນການດຳເນີນໂຄງການນັ້ນ ແມ່ນຈະເອົາສະເພາະແຕ່ແຮງງານໂດຍສະເພາະ ແມ່ນເຈົ້າຂອງທີ່ດິນນັ້ນ.

ແຕ່ພາຍຫຼັງດຳເນີນງານໄປເປັນເວລາບໍ່ເຖິງ 1 ປີ ບໍລິສັດດັ່ງກ່າວກັບປະຕິເສດເນື້ອໃນສັນ ຍາທັງໝົດທີ່ຕົນມີໃຫ້ກັບປະຊາ ຊົນໃນເບື້ອງຕົ້ນ ຈົນເຖິງຂັ້ນມີການຮ້ອງຟ້ອງບໍລິສັດດັ່ງກ່າວ ຕໍ່ພາກສ່ວນທີ່ກ່ຽວຂ້ອງຂອງເມືອງ ແລະ ແຂວງ ຈຶ່ງໄດ້ຮັບພຽງຄ່າສຳປະທານຂອງປີໜຶ່ງ, ສ່ວນປີຕໍ່ໄປ ແລະ ບັນຫາກ້ວຍບໍ່ໄດ້ຂາຍ ແລະ ເນົາເປື່ອຍໄປກັບຕົ້ນ ແລະ ຈົນມາຮອດປະຈຸບັນກໍ ຍັງບໍ່ມີພາກສ່ວນໃດຍື່ນມືເຂົ້າໄປຊ່ວຍແກ້ໄຂ ເຊິ່ງໄດ້ສ້າງຄວາມຫຍຸ້ງ ຍາກໃຫ້ກັບປະຊາຊົນ ໂດຍສະເພາະແມ່ນຜູ້ທີ່ອະນຸຍາດໃຫ້ສຳປະທານທີ່ດິນຂອງຕົນ ຕ້ອງປະເຊີນກັບບັນຫາເລື່ອງທີ່ດິນທຳມາຫາກິນທຸກຍາກຂາດເຂີນຢູ່ແລ້ວ ຍິ່ງຊ້ຳເຕີມຈາກໂຄງການລົງທຶນ ທີ່ບໍ່ເປັນຈິງດັ່ງກ່າວ.