ກອງປະຊຸມຄະນະປະຈຳສະພາແຫ່ງຊາດປະຈຳເດືອນຕຸລາ
2013 ໄດ້ຈັດຂຶ້ນແຕ່ວັນທີ 24-25 ຕຸລານີ້ ຢູ່ຫ້ອງປະຊຸມຄະ ນະປະຈຳຫ້ອງວ່າການສະພາແຫ່ງຊາດພາຍໃຕ້ການເປັນປະທານຂອງທ່ານນາງ
ປານີ ຢາທໍ່ຕູ້ ປະທານສະພາແຫ່ງຊາດ, ມີບັນດາຮອງປະທານ,
ປະທານຄະນະກຳມະທິການ ແລະ ກຳມະທິການຕ່າງໆເຂົ້າຮ່ວມ.
ກອງປະຊຸມໄດ້ພິຈາລະນາ ແລະ ຮັບຮອງເອົາການແກ້ໄຂບັນຫາຜູ້ຍົກຍ້າຍ
ແລະ ຕັ້ງພູມລຳເນົາຕາມລຳພັງໃຈ ແລະ ສ້າງຄອບຄົວ ບໍ່ຖືກລະບຽບຕາມບໍລິເວນຊາຍແດນຂອງສອງປະເທດລະຫວ່າງສາທາລະນະລັດ
ປະຊາທິປະໄຕ ປະຊາຊົນລາວ ແລະ ສາທາລະນະລັດ ສັງຄົມນິຍົມຫວຽດນາມ, ພິຈາລະນາອະນຸມັດຍົກເວັ້ນອາກອນກຳໄລເປັນເວລາ
5 ປີນັບແຕ່ປີ 2012- 2017 ໃຫ້ແກ່ບໍລິສັດຢີນຊິງຈຳກັດທີ່ຖືກອັກຄີໄພໃນກາງປີ
2012 ຕາມໜັງສືສະເໜີຂອງນາຍົກລັດຖະມົນຕີສະບັບເລກທີ 55/ນຍ, ລົງວັນທີ
27/3/2013. ພິຈາລະນາຍົກເວັ້ນພາສີ-ອາກອນສຳລັບໂຄງການກໍ່ສ້າງຂົວມິດຕະພາບ ລາວ-ມຽນມາ
ແຕ່ຊຽງກົກ- ຊຽງລາບ ຕາມໜັງສືສະເໜີຂອງນາຍົກລັດຖະມົນຕີສະບັບເລກທີ 112/ນຍ, ລົງວັນທີ
20/8/ 2013, ພິຈາລະ ນາອອກມະຕິຕົກລົງຂອງສະພາແຫ່ງຊາດກ່ຽວກັບການຮັບຮອງບາງວຽກງານທີ່ພົວພັນກັບໂຄງການເຂື່ອນໄຟຟ້ານ້ຳແບ່ງຕາມໜັງສືສະເໜີຂອງນາຍົກລັດຖະ
ມົນຕີສະບັບເລກທີ 108/ນຍ, ລົງວັນທີ 9/8/ 2013, ພິຈາລະນາການສ້າງຕັ້ງຄະນະປະສານແຮງງານ
ແລະ ພິຈາລະນາສັນຊາດຈຳນວນໜຶ່ງ. ພ້ອມກັນນີ້ກໍໄດ້ຮັບຟັງບົດລາຍງານຄວາມຄືບໜ້າໂຄງການອອກແບບ
ແລະ ປຸກສ້າງຫໍສະພາແຫ່ງຊາດຫລັງໃໝ່, ລາຍງານການກະກຽມການດຳເນີນກອງປະຊຸມຄົບຄະນະກຳມະທິການບັນດາເຜົ່າປະຈຳປີ
2012- 2013, ລາຍງານການກະກຽມຄວາມພ້ອມການເປັນເຈົ້າພາບຈັດກອງປະຊຸມລັດຖະສະພາລະຫວ່າງຊາດອາຊຽນ
ຫລື ໄອປາຄັ້ງທີ 35, ລາຍງານຄືນກ່ຽວກັບຄວາມຄືບໜ້າຂອງການຮ່ວມມືກັບອົງການສະຫະປະຊາຊາດເພື່ອການພັດທະນາ,
ລາຍງານການຄົ້ນຄວ້າມະຕິຕົກລົງຂອງຄະນະປະຈຳສະພາແຫ່ງຊາດວ່າດ້ວຍລະບຽບລັດຖະກອນຕຸລາການ,
ລາຍງານການກະກຽມສ້າງຕັ້ງສະພາທ້ອງຖິ່ນ (ສະພາປະຊາຊົນແຂວງ), ລາຍງານຄືນຮ່າງມະຕິຕົກລົງຂອງສະພາແຫ່ງຊາດວ່າດ້ວຍກົນໄກປະສານງານລະຫວ່າງສະພາແຫ່ງຊາດ
ແລະ ອົງການກວດສອບແຫ່ງລັດ, ສະເໜີຂໍຍົກເລິກສົນທິສັນຍາ ຫລື ລຶບລ້າງສົນທິສັນຍາ
ສະບັບເລກທີ 04 ວ່າດ້ວຍການເຮັດວຽກກາງຄືນ ຂອງແຮງງານເພດຍິງ ແລະ ສະເໜີຂໍໃຫ້ສັດຕະຍາບັນສົນທິສັນຍາສະບັບເລກທີ
171 ວ່າດ້ວຍການເຮັດວຽກກາງຄືນຂອງອົງການແຮງງານສາກົນ, ລາຍງານກ່ຽວກັບການຈັດຕັ້ງປະຕິ
ບັດໂຄງການກໍ່ສ້າງທາງເລກທີ 15A ແລະ 15B ຢູ່ແຂວງສາລະວັນ, ອີງຕາມໜັງສືແຈ້ງການ
ຂອງຫ້ອງວ່າການສຳນັກງານນານົກລັດຖະມົນຕີສະບັບເລກທີ 17/ຫສນຍ.ກລຂ, ລົງວັນທີ 10
ພະຈິກ 2005 ແລະ ລາຍງານຜົນສຳເລັດຂອງກອງປະຊຸມສຳມະນາພ້ອມທັງຂໍທິດຊີ້ນຳການເຄື່ອນໄຫວວຽກງານໃນຕໍ່ໜ້າຂອງກຳມາທິການ
ວັດທະນະທຳ-ສັງຄົມ.
No comments:
Post a Comment