ການສະແດງສິລະປະສ້າງແຮງບັນດານໃຈສາຍພົວພັນ
ລາວ-ໄທ ຈະໄດ້ ຈັດຂຶ້ນແຕ່ວັນທີ 28 ຕຸລາ ຫາ ວັນທີ 23 ພະຈິກ 2013 ຢູ່ 6 ແຂວງ, 14 ເມືອງ ພາກ
ເໜືອຂອງລາວ ໂດຍມີສິລະປິນ ຫລາຍໜ້າຫລາຍຕາຈາກ ສປປ ລາວ ແລະ ສິລະປິນຮັບເຊີນ ຈາກປະເທດໄທເຊິ່ງນອກຈາກຈະເພີດເພີນກັບການສະແດງແລ້ວ
ຍັງມີການແຈກລາງວັນ ແລະ ມອບທຶນການສຶກສາໃຫ້ມວນຊົນ ທີ່ເຂົ້າຊົມນຳອີກ.
ບໍລິສັດ ແສງສິລ ເຊິ່ງເປັນເຈົ້າພາບຈັດການສະແດງດັ່ງກ່າວໄດ້ຖະແຫລງ ຂ່າວຕໍ່ສື່ມວນຊົນໃນວັນທີ
24 ຕຸລານີ້ ຢູ່ນະ ຄອນຫລວງວຽງຈັນ ວ່າ:ຄອນເສີດຈະເລີ່ມໃນວັນທີ 28 ຕຸລາ 2013 ຢູ່ເມືອງກາ ສີແຂວງວຽງຈັນ,
ວັນທີ 30 ຕຸລາ 2013 ຢູ່ເມືອງ ຫລວງ ພະບາງ ແຂວງຫລວງພະບາງ; ວັນທີ 31 ຕຸລາ ຢູ່ມືອງໄຊ ແຂວງ
ອຸດົມໄຊ,ວັນທີ 1-3 ພະຈິກຢູ່ ເມືອງສິງ,ເມືອງລອງ ແລະ ເມືອງ ຫລວງນ້ຳທາ ແຂວງຫລວງນ້ຳທາ,
ວັນທີ 4-5 ພະຈິກຢູ່ເມືອງ ຫ້ວຍຊາຍ ແລະ ຕົ້ນເຜິ້ງແຂວງບໍ່ແກ້ວ, ວັນທີ 18-23 ພະ ຈິກ ຢູ່ເມືອງແກ່ນທ້າວ,
ບໍ່ແຕນ, ປາກລາຍ, ໄຊຍະບູລີ, ຫົງສາ
ແລະ ເມືອງເງິນ ແຂວງໄຊຍະບູລີ ຊຶ່ງຈະມີສິລະປິນຈາກສອງ
ປະ ເທດລາວ-ໄທ ເຂົ້າຮ່ວມເປັນຕົ້ນ: ນ້ອຍ ແສງສຸລິຍາ, ຊີລີ, ບຸນເຢັນ, ສີໄອ, ເມບູລາ ຈາກ
ສປປ ລາວ ແລະ ສິລະປິນລູກທົ່ງບ້ານ ນາ ນາງ ຈິນຕະຫລາ ພູນລາບ ພ້ອມຄະນະຈາກປະ ເທດໄທ.
ສຳລັບລາຍການສະແດງລວມມີຕະຫລົກ, ມາຍາກົນ, ການສະແດງຮ່ວມສື່ສານຄວາມຮັກລະຫວ່າງລາວ-ໄທ,
ຮ້ອງເພງ, ຟ້ອນ, ຂັບລຳທ້ອງຖິ່ນ ແລະ ອື່ນໆ. ໃນຄອນເສີດແຕ່ລະຄືນຍັງ ຈະມີ ການແຈກໂຊກ 1 ລ້ານກີບຈາກ
ກະທິງແດງ ລວມ 14 ລ້ານກີບ ແລະ ມີການມອບທຶນການສຶກສາຄືນລະ 1 ລ້ານກີບ ລວມ 14 ລ້ານກີບ. ພາຍຫລັງສຳເລັດການສະແດງຢູ່
ສປປ ລາວ ແລ້ວຈະສືບຕໍ່ໄປສະແດງຢູ່ບັນດາປະເທດໃນອາຊຽນໂດຍສະເພາະຈະເລີ່ມຈາກປະເທດໄທ, ສສ.ຫວຽດນາມ,
ກຳປູເຈຍ ແລະ ປະເທດອື່ນໆ. ຈາກນັ້ນຈະນຳເອົາການສະແດງທຸກບ່ອນທຸກກິດຈະກຳມາຜະລິດເປັນລາຍການ
“ແຮງບັນດານໃຈ” ສະໜອງໃຫ້ ໂທລະພາບແຫ່ງຊາດ ແລະ ອື່ນໆ ເພື່ອນຳສະເໜີໃຫ້ຊາວລາວກໍຄືຊາວໂລກໄດ້ຮັບຊົມຕື່ມອີກ.
ທ່ານນາງ ກົງເດືອນ ເນດຕະ ວົງ ປະທານສະມາຄົມແຄນລາວ
ກ່າວວ່າ:ນີ້ເປັນການ ພັດທະນາ ສິລະປິນ ແລະ ການສະແດງ ຊຶ່ງເປັນການກຽມຄວາມພ້ອມສູ່ການເປັນປະຊາຊົມເສດຖະກິດອາຊຽນກໍຄືການເຊື່ອມໂຍງທາງການເມືອງ,
ເສດຖະກິດ ແລະ ວັດ ທະນະທຳ, ເປັນໂຄງການທີ່ປະສານຄວາມແຕກຕ່າງລະຫວ່າງເຜົ່າ, ສາສະໜາ, ເພດ
ແລະ ຄວາມເຊື່ອ, ສ້າງໂອກາດການຮຽນຮູ້, ການແລກປ່ຽນທັດສະນະ ແລະ ການນຳໄປສູ່ໜຶ່ງດຽວໂດຍສະເພາະເປັນການສ້າງແຮງບັນດານໃຈໂດຍການສະແດງຄວາມຮັກ
ຈາກສາຍພົວພັນລາວ-ໄທ.
No comments:
Post a Comment